រាជធានីភ្នំពេញ ៖ ខណៈដែលព្រឹទ្ធសភាបានកំណត់យកថ្ងៃទី២១ ខែកុម្ភៈ ឆ្នាំ២០១៨ បើកសម័យប្រជុំពេញអង្គរបស់ខ្លួន អ្នកនាំពាក្យព្រឹទ្ធសភាបានអះអាងថា សេចក្តីព្រាងវិសោធនកម្មច្បាប់រដ្ឋធម្មនុញ្ញថ្មី នឹងដាក់ទោសធ្ងន់ធ្ងរ ចំពោះបុគ្គលណាធ្វើឲ្យបរទេសផ្តាច់ជំនួយ…
រាជធានីភ្នំពេញ ៖ ខណៈដែលព្រឹទ្ធសភាបានកំណត់យកថ្ងៃទី២១ ខែកុម្ភៈ ឆ្នាំ២០១៨ បើកសម័យប្រជុំពេញអង្គរបស់ខ្លួន អ្នកនាំពាក្យព្រឹទ្ធសភាបានអះអាងថា សេចក្តីព្រាងវិសោធនកម្មច្បាប់រដ្ឋធម្មនុញ្ញថ្មី នឹងដាក់ទោសធ្ងន់ធ្ងរ ចំពោះបុគ្គលណាធ្វើឲ្យបរទេសផ្តាច់ជំនួយ ឬមិនឲ្យទិញផលិតផលរបស់ប្រជាពលរដ្ឋកម្ពុជា ខណៈការចែងបែបនេះ ដើម្បីការពារផលប្រយោជន៍ជាតិជាធំ ។
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាងរាជរដ្ឋាភិបាលបានលើកឡើងក្នុងសម័យប្រជុំពេញអង្គព្រឹទ្ធសភាឲ្យដឹងថា «ការធ្វើវិសោធនកម្មរដ្ឋធម្មនុញ្ញ ដើម្បីរក្សាសុខសន្តិភាព ប្រទេសជាតិ និងដើម្បីលើកស្ទួយតម្លៃជាតិខ្មែរ ក្នុងបុព្វហេតុការពារឯករាជ្យជាតិ អធិតេយ្យជាតិ និងឯករាជ្យជាតិ ប្រឆាំងនឹងការជ្រៀតជ្រែកពីខាងក្រៅ តាមគ្រប់រូបភាព ព្រមទាំងដើម្បីលើកស្ទួយការតម្កល់ផលប្រយោជន៍ជាតិ និងប្រជាជនជាធំ ។
សូមបញ្ជាក់ថា លទ្ធផលកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នៅថ្ងៃទី២០ ខែកុម្ភៈ ឆ្នាំ២០១៨ បានកំណត់យកព្រឹកថ្ងៃពុធ ទី២១ ខែកុម្ភៈនេះ ដើម្បីបន្តសម័យប្រជុំលើកទី១១ ព្រឹទ្ធសភា នីតិកាលទី៣ មានរបៀបវារៈចំនួន៤ រួមាន ៖ ១.ពិនិត្យ និងយោបល់ លើសេចក្តីព្រាងច្បាប់ស្តីពីវិសោធនកម្មមាត្រាខ្លះ នៃរដ្ឋធម្មនុញ្ញ, ២.ពិនិត្យ និងយោបល់លើសេចក្តីព្រាងច្បាប់ ស្តីពីវិសោធនកម្មក្រមព្រហ្មទណ្ឌ, ៣.ពិនិត្យ និងយោបល់លើសេចក្តីព្រាងច្បាប់ស្តីពីវិសោធនកម្ម នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញ និងទី៤.ពិនិត្យ និងយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងស្តីពី ការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម ៕
ចែករំលែកព័តមាននេះ