ក្រុមនិស្សិតដេកដូចស្លា.ប់ធ្វើបាតុកម្មមុខសេតវិមាន
សហរដ្ឋអាមេរិក ៖ ក្រោយការបាញ់ប្រហារក្នុងវិទ្យាល័យ MARJORY STONE-MAN DOUGLAS ក្រុង PARKLAND រដ្ឋផ្លរីដា ពួកអ្នកគាំទ្រ…
សហរដ្ឋអាមេរិក ៖ ក្រោយការបាញ់ប្រហារក្នុងវិទ្យាល័យ MARJORY STONE-MAN DOUGLAS ក្រុង PARKLAND រដ្ឋផ្លរីដា ពួកអ្នកគាំទ្រ…
សហរដ្ឋអាមេរិក ៖ ក្រោយការបាញ់ប្រហារក្នុងវិទ្យាល័យ MARJORY STONE-MAN DOUGLAS ក្រុង PARKLAND រដ្ឋផ្លរីដា ពួកអ្នកគាំទ្រ និងពួកអ្នកប្រឆាំងអាវុធសុទ្ធតែចង់ឱ្យគេស្តាំសំឡេងពួកគេនៅសហរដ្ឋអាមេរិក ។
នៅក្រុងវ៉ាស៊ីនតោនក្រុមនិស្សិតមួយហៅក្រុម «TEENS FOR GUN REFORM» (ពួកយុវជនដើម្បីការកែទម្រង់លើការប្រើអាវុធ) បានរៀបចំធ្វើបាតុកម្មមួយដោយនាំគ្នាដេកដូចស្លាប់នៅមុខសេតវិមាន ។ ពួកគេនាំគ្នាអង្គុយលើផ្លូវមួយរហូតដល់ជិតមុខនិវេសនដ្ឋានរបស់ប្រធានាធិបតី ។ ពួកនិស្សិតទាំងនេះបានដេកស្តូកជានិមិត្តរូបនៃជនរងគ្រោះដោយសារការបាញ់សម្លាប់រង្គាល ។ ពួកគេចង់ឱ្យប្រធានាធិបតីលោកដូណាល់ ត្រាំ និងរដ្ឋាភិបាលលោកបញ្ចេញប្រតិកម្ម ដើម្បីធ្វើយ៉ាងណាកុំឱ្យអាវុធអាចទិញបានស្រួលពេកនៅសហរដ្ឋអាមេរិក ឧទាហរណ៍យុវជន NIKOLAS CRUZ ខ្មាន់កាំភ្លើងនៅផ្លរីដា គេទើបមានអាយុ១៩ឆ្នាំ តែអាចទិញកាំភ្លើងប្រើរួចទៅហើយ ។
នាសប្តាហ៍នេះ សិស្សស្រីម្នាក់នៃវិទ្យាល័យនៅ PARKLAND ជាអ្នកនៅរស់រានមានជីវិតពីការបាញ់ប្រហារបានចេញមុខតាមបណ្តាសារព័ត៌មានអាេមរិក ដើម្បីឱ្យរូបនាងគេបានឃើញទូទាំងពិភពលោក ។ ក្នុងសុន្ទរកថាមួយសិស្សស្រីរូបនោះ នាង EMMA GONZALEZ បានចោទប្រកាន់លោកត្រាំ ថា ត្រូវក្រុម LOBBY អាវុធសំខាន់របស់សហរដ្ឋអាមេរិក គឺក្រុម NATIONAL RIFLE ASSOCIATION (NRA) សូកប៉ាន់ ។ នាងក៏អំពាវនាវផងដែរដល់បណ្តាសិស្សសាលា និងបណ្តាជនរងគ្រោះដោយការបាញ់ប្រហារប្រែក្លាយខ្លួនទៅជាតួអង្គសំខាន់ឱ្យមានការផ្លាស់ប្តូរប្រឆាំងអាវុធ ។
ប្រធានាធិបតីអាមេរិក លោកដូណាល់ ត្រាំ ឱ្យដឹងនាថ្ងៃទី១៩ កុម្ភៈ ថា លោកគាំទ្រ
ការពង្រឹង ការត្រួតពិនិត្យលើបណ្តាសកម្មភាពកាលពីមុនៗរបស់ពួកអ្នកទិញអាវុធប្រឈមមុខនឹងកំហឹងរបស់ពលរដ្ឋអាមេរិកមួយផ្នែកដែលក្តុកក្តួលដោយសារការបាញ់សម្លាប់មនុស្សរង្គាលថ្មីក្នុងវិទ្យាល័យមួយ ។ ក្រោយការបាញ់ប្រហារសម្លាប់មនុស្ស១៧នាក់ នៅវិទ្យាល័យរដ្ឋផ្លរីដាមួយមក លោកត្រាំ នៅស្ងៀមស្ងាត់លើបញ្ហាទិញអាវុធប្រើ ។
អ្នកនាំពាក្យសេតវិមានលោកស្រី SARAH SANDERS គូសបញ្ជាក់ថា ប្រធានាធិបតីគាំទ្រការខិតខំប្រឹងប្រែងកែលម្អប្រព័ន្ធសហព័ន្ធនៃការត្រួតពិនិត្យលើបណ្តាអំពើកាលពីមុនៗរបស់ពួកអ្នកទិញអាវុធ ៕
ចែករំលែកព័តមាននេះ