រាជធានីភ្នំពេញ ៖ ស្ត្រីម្នាក់មិនស្គាល់អត្តសញ្ញាណនោះទេ តែមានវ័យ២៥ទៅ២៦ឆ្នាំ មិនដឹងថា ដើរមកពីណានោះទេ បានខ្យល់គដួលសន្លប់ផ្អើលប្រជាពលរដ្ឋនាំគ្នាជួយសង្គ្រោះបឋម ហេតុការណ៍នេះបានកើតឡើងកាលពីវេលាម៉ោង៨និង30នាទីយប់ថ្ងៃទី១៩ ខែកុម្ភៈ ឆ្នាំ២០១៨…
រាជធានីភ្នំពេញ ៖ ស្ត្រីម្នាក់មិនស្គាល់អត្តសញ្ញាណនោះទេ តែមានវ័យ២៥ទៅ២៦ឆ្នាំ មិនដឹងថា ដើរមកពីណានោះទេ បានខ្យល់គដួលសន្លប់ផ្អើលប្រជាពលរដ្ឋនាំគ្នាជួយសង្គ្រោះបឋម ហេតុការណ៍នេះបានកើតឡើងកាលពីវេលាម៉ោង៨និង30នាទីយប់ថ្ងៃទី១៩ ខែកុម្ភៈ ឆ្នាំ២០១៨ តាមបណ្តោយផ្លូវព្រះមុនីវង្ស នៅចំណុចកែងសណ្ឋាគារRoyal ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញស្ត្រីម្នាក់ មិនស្គាល់អត្តសញ្ញាណវ័យ២៥ទៅ២៦ឆ្នាំ មិនដឹងថា គាត់ដើរមកពីណានោះទេ ខណៈពេលកំពុងដើរសុខៗមកដួលសន្លប់នៅចំណុចកើតហេតុខាងលើ បង្កឲ្យមានការភ្ញាក់ផ្អើលដល់ប្រជាពលរដ្ឋដែលធ្វើដំណើរតាមផ្លូវនាំគ្នាជួយសង្គ្រោះបឋម ធ្វើចលនាឲ្យ នឹងយកប្រេងកូឡាយកមករឹតឲ្យ ភ្លាមៗនោះដែរ សមត្ថកិច្ចមូលដ្ឋានបានចុះមកដល់កន្លែងកើតហេតុជួយទំនាក់ទំនងហៅរថយន្តសង្គ្រោះរបស់មន្ទីរពេទ្យកាល់ម៉ែត្រមកដឹកយកទៅព្យាបាល តែស្ត្រីខាងលើបានដឹងខ្លួនវិញហើយ បែរជាសមត្ថកិច្ចសួរនាំរកបងប្អូនសាច់ញាតិ ស្ត្រីរូបនោះឆ្លើយប្រាប់សមត្ថកិច្ចថា គាត់មិនមានបងប្អូនសាច់ញាតិនោះទេ ។
ក្រោយពេលកើតហេតុរថយន្តសង្គ្រោះរបស់មន្ទីរពេទ្យកាលម៉ែត្រ បានមកដល់ដឹកស្ត្រីខាងលើយកទៅព្យាបាល ។ សមត្ថកិច្ចអះអាងថា ករណីខាងលើនេះស្ត្រីវ័យក្មេងនេះខ្យល់គ រហូតដើរដួលសន្លប់តែម្តង ៕
ចែករំលែកព័តមាននេះ