រាជធានីភ្នំពេញ ៖ ស្ត្រីអ្នកបម្រើតាមផ្ទះម្នាក់ កាលពីរសៀលថ្ងៃទី១៨ ខែកុម្ភៈ បានត្រូវតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ជាផ្លូវការ ក្រោមបទហិង្សាតាមមាត្រា២១៧នៃក្រមព្រហ្ម ទណ្ឌ ដោយយោងតាមពាក្យបណ្តឹងឧកញ៉ា…
រាជធានីភ្នំពេញ ៖ ស្ត្រីអ្នកបម្រើតាមផ្ទះម្នាក់ កាលពីរសៀលថ្ងៃទី១៨ ខែកុម្ភៈ បានត្រូវតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ជាផ្លូវការ ក្រោមបទហិង្សាតាមមាត្រា២១៧នៃក្រមព្រហ្ម ទណ្ឌ ដោយយោងតាមពាក្យបណ្តឹងឧកញ៉ា ឌួង ឆាយ ។ ក្រោយពេលតំណាងអយ្យការចោទប្រកាន់ស្ត្រីអ្នកបម្រើតាមផ្ទះរូបនេះជាផ្លូវការហើយនោះ នៅព្រឹកថ្ងៃទី១៩ កុម្ភៈ សំណុំរឿងនេះបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួន ឬមិនឃុំខ្លួន តាមឆន្ទានុសិទ្ធិរបស់ចៅក្រមស៊ើបសួរ ។
ស្ត្រីអ្នកបម្រើដែលរងការចោទប្រកាន់នេះ ឈ្មោះ អ៊ុំ សុផាន់ណា អាយុ២៣ឆ្នាំ ជាអ្នកបម្រើតាមផ្ទះឲ្យលោកឧកញ៉ា ឌួង ឆាយ ដែលនាងជាកូនអ្នកក្រីក្រមកពីជនបទ ។ នាង អ៊ុំ សុផាន់ណា បានត្រូវលោកឧកញ៉ា ឌួង ឆាយ ឃាត់ខ្លួននៅថ្ងៃចូលឆ្នាំចិន ប្រគល់ឲ្យនគរបាលខណ្ឌសែនសុខចាត់ការតាមផ្លូវច្បាប់ ពាក់ព័ន្ធពីបទប្រើអំពើហិង្សាវាយដំកូនប្រុសតូចៗរបស់លោក២នាក់ជាច្រើនលើកច្រើនសា ។
ឯចុងក្រោយនេះ នាងត្រូវបានចោទថា បានធ្វើទារុណកម្មវាយនិងក្តិចពងស្វាសកូនប្រុសលោកយ៉ាងព្រៃផ្សៃបំផុត រហូតបណ្តាលឲ្យហើមខុសប្រក្រតី ។ នៅក្នុងដំណាក់កាលសមត្ថកិច្ចកំពុងចាត់ការលើសំណុំរឿងនេះ លោកឧកញ៉ា ឌួង ឆាយ ក៏បានបង្ហោះឃ្លីបវីដេអូមួយតាមអាខោនហ្វេសប៊ុកឈ្មោះ Duong Chay (ឌួង ឆាយ) រៀបរាប់សាច់រឿងនេះ យ៉ាងលំអិតជាច្រើននាទីផងដែរ ដោយបានបង្ហាញនូវការខឹងសម្បារទៅលើស្ត្រីឈ្មោះ អ៊ុំ សុផាន់ណា ដែលជាអ្នកបម្រើ ។ ប៉ុន្តែជាមួយនឹងការខឹងសម្បារ នាងអ្នកបម្រើ លោកឧកញ៉ា ក៏បានបង្ហាញពីការអាណិតអាសូរទៅដល់ឪពុកម្តាយ និងបងប្អូនរបស់នាងដែរ ដែលបានទៅសំពះអង្វរលោកដល់ផ្ទះ សុំការសន្តោសប្រណីទោសឲ្យនាង ។
លោកឧកញ៉ា ឌួង ឆាយ បានបង្ហាញការឈឺចាប់នៅពេលឃើញកូនប្រុស ដែលមិនទាន់ដឹងក្តី និងជាក្មេងពិការសុខភាពទៀត ដែលគេទាំងពីរនាក់បានស្រែកយំនៅចំពោះមុខឪពុកម្តាយយ៉ាងដូច្នេះ ។ លោកលើកជាសំណួរថា តើឪពុកម្តាយមានការឈឺចាប់ប៉ុនណា ? យ៉ាងណាក៏ដោយ ពេលនេះលោកទុកពេលឲ្យច្បាប់ជាអ្នកវិនិច្ឆ័យទៅចុះ ។
នៅល្ងាចថ្ងៃដដែល ការសាកសួររបស់លោកចៅក្រមមិនទាន់បញ្ចប់នោះទេ ដោយបានផ្ញើស្ត្រីជាប់ចោទនៅកន្លែងសមត្ថកិច្ចសិន ដោយរង់ចាំថ្ងៃនេះសាកសួរបន្ត ។
https://www.facebook.com/DuongChayPage/videos/584783355202670/
ចែករំលែកព័តមាននេះ