រាជធានីភ្នំពេញ ៖ មន្ត្រីជាន់ខ្ពស់គណបក្សប្រជាជនកម្ពុជាបានហៅការខិតខំរបស់លោក សម រង្ស៊ី អតីតប្រធានគណបក្សសង្គ្រោះជាតិនៅក្រៅប្រទេសគឺជាការខិតខំក្នុងវគ្គផ្តាច់ព្រ័ត្រសម្រាប់ជីវិតនយោបាយខ្លួន ។ ការហៅរបស់មន្ត្រីជាន់ខ្ពស់គណបក្សកាន់អំណាចនេះស្របពេលដែលលោក សម រង្ស៊ី កំពុងរស់នៅក្រៅប្រទេសបានខិតខំយ៉ាងខ្លាំងក្នុងការតស៊ូផ្នែកនយោបាយអន្តរជាតិដើម្បីជួយអតីតគណបក្សសង្គ្រោះជាតិ ។
លោក សុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី១៩ ខែកុម្ភៈ ឆ្នាំ២០១៨ ដោយបានហៅលោក សម រង្ស៊ី ជាទណ្ឌិតថា «វគ្គផ្តាច់ព្រ័ត្ររបស់ទណ្ឌិត សម រង្ស៊ី? បានប្តេជ្ញាចិត្តតស៊ូ និងតតាំងជាមួយសម្តេចតេជោ ហ៊ុន សែន រហូតដល់ទីបញ្ចាប់ ។ លោកបញ្ជាក់ថាមហិច្ឆតារបស់ សម រង្ស៊ី គឺចង់បានឲ្យ កឹម សុខា រួចចេញពីការឃុំឃាំងឲ្យអតីតបក្សប្រឆាំងបានរស់ឡើងវិញឱ្យបក្សប្រឆាំងបានចូលរូមបោះឆ្នោតជ្រើសតាំងតំណាងរាស្ត្រនាខែកក្កដា ឆ្នាំ២០១៨ នាប៉ុន្មានខែខាងមុខ» ។
លោកបន្តែមថា ការចង់បានរបស់ទណ្ឌិត សម រង្ស៊ី អាចមានសង្ឃឹមឬទេ? ព្រោះតាមសម្តីរបស់អ្នកវិភាគឯករាជ្យពិតប្រាកដបាននិយាយថា មហិច្ឆតាទាំងបីខាងលើគឺជាវគ្គផ្តាច់ព្រ័ត្ររបស់ សម រង្ស៊ី មែនពីព្រោះទោះទណ្ឌិត សម រង្ស៊ី ខិតខំយ៉ាងណាក៏មិនបានលទ្ធផលអ្វីដែរ វាគ្រាន់ជាវោហាសាស្ត្រនយោបាយដើម្បីបន្លំមហាជនប្រជាជនកម្ពុជាតែប៉ុណ្ណោះ ។
លោកបានគូសបញ្ជក់យ៉ាងដូច្នេះថា«នេះហើយដែលហៅថា វគ្គផ្តាច់ព្រ័ត្ររបស់ទណ្ឌិត សម រង្ស៊ី គឺអស់ក្រឡាលោត និងអស់ផ្លូវដើរ ប្រៀបដូចអុកអាប់ក្រឡារតែប៉ុណ្ណោះ ។ ធ្វើនយោបាយតាំងពីនៅក្នុងស្រុក មានតួនាទីមុខមាត់តែទីបំផុតរត់ចោលខោអាវនៅតែខោលីអូរត់ចោលស្រុកហើយនៅអួតខ្លួនថាខ្លាំងទៀត ។ មានផ្លូវអីទៀតមានតែចប់ទេ នេះទើបហៅថាផ្តាច់ព្រ័ត្រ» ៕
ចែករំលែកព័តមាននេះ