រាជធានីភ្នំពេញ ៖ គណៈកម្មាធិការអចិន្ត្រៃយ៍ព្រឹទ្ធសភាបានបើកិច្ចប្រជុំពិភាក្សាលើកសេចក្តីព្រាងវិសោធនកម្មច្បាប់ចំនួន៣ និងសេចក្តីព្រាងច្បាប់ចំនួន១ នៅព្រឹកថ្ងៃទី២០ ខែកុម្ភៈ ឆ្នាំ២០១៨ ។ កិច្ចប្រជុំក្រោមអធិបតីភាពសម្តេចវិបុលភក្តី សាយ…
រាជធានីភ្នំពេញ ៖ គណៈកម្មាធិការអចិន្ត្រៃយ៍ព្រឹទ្ធសភាបានបើកិច្ចប្រជុំពិភាក្សាលើកសេចក្តីព្រាងវិសោធនកម្មច្បាប់ចំនួន៣ និងសេចក្តីព្រាងច្បាប់ចំនួន១ នៅព្រឹកថ្ងៃទី២០ ខែកុម្ភៈ ឆ្នាំ២០១៨ ។ កិច្ចប្រជុំក្រោមអធិបតីភាពសម្តេចវិបុលភក្តី សាយ ឈុំ ប្រធានព្រឹទ្ធសភា និងមានការចូលរួមពីសមាជិកអចិន្ត្រៃយ៍ទាំងអស់១៣រូប ។
កិច្ចប្រជុំបានលើយករបៀបវារចំនួន៤ មកធ្វើការពិភាក្សា និងអនុម័តដើម្បីដាក់ទៅក្នុងសម័យប្រជុំពេញអង្គព្រឹទ្ធសភានៅពេលខាងមុខមានទី១- ការពិភាក្សា និងអនុម័តសេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា៣៤ថ្មី មាត្រា៤២ មាត្រា៤៩ មាត្រា៥៣ និងមាត្រា១១៨ថ្មីនៃរដ្ឋធម្មនុញ្ញនៃព្រះរាជាណាចក្រកម្ពុជា ។ ២- ការពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មក្រមព្រហ្មទណ្ឌ ។ ៣- ការពិភាក្សា និងអនុម័ត សេចក្តីព្រាប់ច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា៣១ និងមាត្រា៣២ នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញ ។ ទី៤- ការពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រម លើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម ។
សូមជម្រាបថា សេចក្តីព្រាងច្បាប់ខាងលើនេះ ត្រូវបានរដ្ឋសភាលើដៃអនុម័តរួចកាលពីថ្ងៃទី១៤ ខែកុម្ភៈឆ្នាំ២០១៨ កន្លងមកហើយ ។ ដែលទី១-រដ្ឋសភាបានពិភាក្សា និងអនុម័តសេចក្តីព្រាងច្បាប់ធម្មនុញ្ញស្តីពី វិសោធនកម្មមាត្រា៣៤ថ្មី មាត្រា៤២ មាត្រា៤៩ មាត្រា៥៣ និងមាត្រា១១៨ថ្មី នៃរដ្ឋធម្មនុញ្ញនៃព្រះរាជាណា ចក្រកម្ពុជាមាន៣ មាត្រាដោយអង្គសភាបានអនុម័តយល់ព្រមទទួលយកសេចក្តីព្រាងច្បាប់ធម្មនុញ្ញ មកពិចារណា មានចំនួន១២៣សំឡេង ។ ទី២- អង្គសភាបានពិភាក្សា និងអនុម័តសេចក្តីព្រាងច្បាប់ស្តីពី វិសោធនកម្មក្រមព្រហ្មទណ្ឌដែលមាន២មាត្រា ហើយបានអនុម័តយល់ព្រមលើមាត្រា២ មានចំនួន១២៣សំឡេង ។ ទី៣- អង្គសភាបានពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា៣១ និងមាត្រា៣២ នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញហើយ អង្គសភាបានអនុម័តយល់ព្រមលើសេចក្តីព្រាងច្បាប់ទាំងមូលមានចំនួន១១៧សំឡេង ។ ទី៤-អង្គសភាបានពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម ដោយច្បាប់នេះមានបីមាត្រា និងត្រូវបានអនុម័តលើសេចក្តីព្រាងច្បាប់ទាំងមូលមានចំនួន១២១សំឡេង ៕
ចែករំលែកព័តមាននេះ