ខេត្តកំពង់ឆ្នាំង ៖ យុវតី២នាក់ ស្លាប់ម្នាក់ និងរបួសធ្ងន់ម្នាក់ ក្នុងហេតុការណ៍គ្រោះថ្នាក់ចរាចររថយន្ តនិងម៉ូតូបុកគ្នា ។ ហេតុការណ៍នេះ កើតឡើងកាលពីវេលាម៉ោង០១និង២០នាទីរសៀល…
ខេត្តកំពង់ឆ្នាំង ៖ យុវតី២នាក់ ស្លាប់ម្នាក់ និងរបួសធ្ងន់ម្នាក់ ក្នុងហេតុការណ៍គ្រោះថ្នាក់ចរាចររថយន្ តនិងម៉ូតូបុកគ្នា ។ ហេតុការណ៍នេះ កើតឡើងកាលពីវេលាម៉ោង០១និង២០នាទីរសៀល ថ្ងៃទី១៨ ខែកុម្ភៈ ឆ្នាំ២០១៨ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៨៥ និងលេខ៨៦ ស្ថិតភូមិព្រៃពួច ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចដែលចុះពិនិត្យកន្លែងកើតហេតុ បានឲ្យដឹងថា ជនរងគ្រោះក្នុងឧប្បត្តិហេតុគ្រោះថ្នាក់ចរាចរនេះ ឈ្មោះ ភឹម សៅរ៉ា ភេទស្រី អាយុ១៦ឆ្នាំ ជាអ្នកបើកបរម៉ូតូ បានស្លាប់នៅនឹងកន្លែង ចំណែកម្នាក់ទៀតមិនទាន់ស្គាល់អត្តសញ្ញាណ រងរបួសធ្ងន់ ។
ប្រភពដដែលបានបន្តថា នៅមុនពេលកើតហេតុ ជនរងគ្រោះបានជិះម៉ូតូមួយគ្រឿងម៉ាកហុងដាវ៉េវ សេ១១០ ពាក់ស្លាកលេខ កំពង់ឆ្នាំង ១G-៣១៧៥ បើកបរក្នុងទិសដៅពីជើងទៅត្បូង នៅពេលមកដល់ចំណុចកើតហេតុ ក៏មានរថយន្តមួយគ្រឿងម៉ាកតូយ៉ូតាកាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ ២P-៩៤១៤ ធ្វើដំណើរស្របទិសគ្នា ក៏បានបុកគ្នាជាមួយម៉ូតូ បណ្ដាលឲ្យម៉ូតូជនរងគ្រោះដួលបោកទៅនឹងថ្នល់បែកក្បាលស្លាប់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសធ្ងន់ ដឹកមកសង្គ្រោះនៅមន្ទីរពេទ្យខេត្ត ។ ចំណែកឯកអ្នកបើកបររថយន្តឈ្មោះ គីម សុខ ត្រូវបានសមត្ថកិច្ចឃាត់ខ្លួន ។
ក្រោយពេលកើតហេតុ សមត្ថកិច្ចបានយករថយន្ត និងម៉ូតូជនរងគ្រោះទៅរក្សាទុក ដើម្បីរង់ចាំការដោះស្រាយតាមផ្លូវច្បាប់ ចំណែកសពជនរងគ្រោះ ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ៕
ចែករំលែកព័តមាននេះ