ខេត្តបាត់ដំបង ៖ បន្ទាប់ពីម្ចាស់ដីយកលួសបន្លាទៅហុំព័ទ្ធបិតផ្លូវមិនឲ្យឡូរីដំណើរការដឹកភ្ញៀវទេសចរណ៏អស់រយៈពេលមួយថ្ងៃកន្លះក្នុងអំឡុងពេលចូលឆ្នាំចិន-វៀតណាម នៅរសៀលថ្ងៃទី១៩ កុម្ភៈ នេះ ម្ចាស់ដីបានយល់ព្រមបើករបងលួសឲ្យក្រុមហ៊ុន ឡូរី ដំណើរការដឹកភ្ញៀវទេចរណ៏ឡើងវិញហើយ ក្រោយពីមានការជួបចចារគ្នាអស់រយៈពេលមួយព្រឹលរវាងភាគីក្រុមហ៊ុន…
ខេត្តបាត់ដំបង ៖ បន្ទាប់ពីម្ចាស់ដីយកលួសបន្លាទៅហុំព័ទ្ធបិតផ្លូវមិនឲ្យឡូរីដំណើរការដឹកភ្ញៀវទេសចរណ៏អស់រយៈពេលមួយថ្ងៃកន្លះក្នុងអំឡុងពេលចូលឆ្នាំចិន-វៀតណាម នៅរសៀលថ្ងៃទី១៩ កុម្ភៈ នេះ ម្ចាស់ដីបានយល់ព្រមបើករបងលួសឲ្យក្រុមហ៊ុន ឡូរី ដំណើរការដឹកភ្ញៀវទេចរណ៏ឡើងវិញហើយ ក្រោយពីមានការជួបចចារគ្នាអស់រយៈពេលមួយព្រឹលរវាងភាគីក្រុមហ៊ុន ឡូរី និងម្ចាស់ដីដែលពាក់ព័ន្ធនៅកន្លែងធ្វើផ្លូវឡូរីក្បែរជើងភ្នំប្រាសាទបាណន់ដែលមានការជួយសម្របសម្រូលពីអាជ្ញាធរស្រុកបាណន់ផង ។ ក្រោយជំនួបរកដំណោះស្រាយត្រូវបានបញ្ចប់ ភាគីទាំង២បានព្រមព្រៀងគ្នារើបន្លាលួសចេញដើម្បីឲ្យ«ឡូរី»បានដំណើរការដឹកភ្ញៀវឡើងវិញ ។
លោក ជុំ ញ៉ បានថ្លែងប្រាប់អ្នកសារព័ត៏មានបន្ទាប់ពីទម្លាយភាពចម្រូងចម្រាសនេះថា តាមពិតផ្លូវ«ឡូរី»នេះក្រុមហ៊ុនបានធ្វើតាមដីតាមជើងភ្នំដែលរដ្ឋបាលព្រៃឈើបានកំណត់ថា ជាដីរបស់រដ្ឋតែម្ចាស់ដីអះអាងថា ដីនៅតំបន់នោះជារបស់គាត់ដែលបានទិញតពីម្ចាស់ដើមក្នុងអំឡុងឆ្នាំ១៩៩៦ ។ លោកអភិបាលស្រុកបានថ្លែងទៀតថា ដីនៅក្បែរជើងភ្នំប្រសាទបាណន់នោះត្រូវបានកំណត់ដោយច្បាប់រួចស្រេចហើយដែលត្រូវរក្សាការពារចាប់ពីត្រឹមណាដល់ត្រឹមណា ដូច្នេះម្ចាស់ដីគាត់មិនទាន់យល់អំពីបញ្ហានេះទើបបានជាបង្កឲ្យមានបញ្ហាបែបនេះ ។
សូមបញ្ជាក់ថា កាលពីព្រឹកថ្ថៃទី១៨ កុម្ភៈ ម្ចាស់ដីដែលគេមិនទាន់ស្គាល់ឈ្មោះបាននាំក្រុមគ្រួសារបើករថយន្តដឹកលួសបន្លាទៅពង្រាយហុំព័ទ្ធបិតផ្លូវឡូរីមិនឲ្យក្រុមហ៊ុនដឹកភ្ញៀវឡើយដោយភាគីម្ចាស់ដីអះអាងថា ក្រុមហ៊ុន និងអាជ្ញាធរបានធ្វើរំលោភបំពានលើផ្នែកខ្លះនៃដីរបស់គាត់ដែលមានផ្ទៃដីសរុបជិត១ហិកតាកន្លះដែលគាត់មានប័ណ្ណកម្មសិទ្ធិកាន់កាប់ស្របច្បាប់ត្រឹមត្រូវ ។
បុរសម្នាក់ដែលអះអាងថា គាត់ជាម្ចាស់កម្មសិទ្ធិដីនៅតំបន់នោះបាននិយាយថា មូលហេតុដែលគាត់ធ្វើដូច្នេះដោយសារតែខាងក្រុមហ៊ុនមិនព្រមជួបដោះស្រាយបើទោះជាគាត់ណាត់ជួបច្រើនលើកច្រើនសារក្ដីគឺបានត្រឹមតែសន្យាខ្យល់ ដូច្នេះហើយទើបគាត់យកបន្លាលួសហុំបិទផ្លូវដែកឡូរីនេះមិនឲ្យដំណើរតែម្ដងដើម្បីរកដំណោះស្រាយសិន ។
ទោះជាយ៉ាងណាបើតាមលោក ជុំ ញ៉ អភិបាលស្រុកបាណន់បានបញ្ជាក់ថា បន្ទាប់ពីជួបចចារគ្នាភាគីទាំង២បានព្រមព្រៀងគ្នាហើយដោយភាគីក្រុមហ៊ុន«ឡូរី»យល់ព្រមបង់ដល់ម្ចាស់ដីចំនួន៣០០០ដុល្លារក្នុង១ឆ្នាំហើយភាគីទាំង២បានព្រមព្រៀងចុះកុងត្រាជាមួយគ្នា(ជួលដី)ក្នុងរយៈពេល១០ឆ្នាំ ។ ដូច្នេះក្រោយពីបញ្ចប់នៃភាពចម្រូងចម្រាស់នេះ«ឡូរី»បានចាប់បើកដំណើរការឡើងវិញហើយ បន្ទាប់ពីបិទអស់រយៈពេលជាងមួយថ្ងៃ ៕
ចែករំលែកព័តមាននេះ