ទីក្រុងប៉េកាំង ៖ កាលពីថ្ងៃសៅរ៍កន្លងមកនេះ ប្រទេសចិនបានព្រមានថា ពួកគេនឹងចេញវិធានការចាំបាច់ការពារអត្ថប្រយោជន៍របស់ខ្លួន ប្រសិនបើសហរដ្ឋអាមេរិកដាក់ទណ្ឌកម្មសេដ្ឋកិច្ចតឹងរ៉ឹងលើការនាំចេញដែកថែប និងអាលុយមីញ៉ូមរបស់ចិន ។ គួរបញ្ជាក់ថា កាលពីថ្ងៃសុក្រ…
ទីក្រុងប៉េកាំង ៖ កាលពីថ្ងៃសៅរ៍កន្លងមកនេះ ប្រទេសចិនបានព្រមានថា ពួកគេនឹងចេញវិធានការចាំបាច់ការពារអត្ថប្រយោជន៍របស់ខ្លួន ប្រសិនបើសហរដ្ឋអាមេរិកដាក់ទណ្ឌកម្មសេដ្ឋកិច្ចតឹងរ៉ឹងលើការនាំចេញដែកថែប និងអាលុយមីញ៉ូមរបស់ចិន ។
គួរបញ្ជាក់ថា កាលពីថ្ងៃសុក្រ ក្រសួងពាណិជ្ជកម្មសហរដ្ឋអាមេរិកបានស្នើឲ្យដាក់ពន្ធធ្ងន់ធ្ងរលើចិន និងប្រទេសដទៃទៀត ខណៈចិនបានផលិតដែកថែប និងអាលុយមីញ៉ូមលើសលប់ ។
សំណើនេះផ្តល់ឱកាសដល់លោកត្រាំ បង្ហាញដល់សាធារណជនពីគោលនយោបាយអាមេរិកទី១របស់លោក ប៉ុន្តែវាក៏បានបង្កការបារម្ភថា ចិនអាចនឹងសងសឹក ឬកើតសង្គ្រាមពាណិជ្ជកម្មរវាងប្រទេសមានសេដ្ឋកិច្ចធំជាងគេទាំងពីរនៅលើពិភពលោកផងដែរ ។
លោក Wang Hejun នាយកក្រសួងពាណិជ្ជកម្មចិន បានថ្លែងក្នុងសេចក្តីថ្លែងការណ៍ថា៖« ប្រសិនបើការសម្រេចចិត្តចុងក្រោយរបស់សហរដ្ឋអាមេរិកប៉ះពាល់ដល់អត្ថប្រយោជន៍របស់ចិននោះ យើងនឹងចេញវិធានការចាំបាច់ដើម្បីការពារសិទ្ធិរបស់យើង»។
របាយការណ៍របស់អាមេរិកទីក្រុងប៉េកាំង ៖ កាលពីថ្ងៃសៅរ៍កន្លងមកនេះ ប្រទេសចិនបានព្រមានថាបានបង្ហាញទីក្រុងប៉េកាំង ៖ កាលពីថ្ងៃសៅរ៍កន្លងមកនេះ ប្រទេសចិនបានព្រមានថាពីការបារម្ភថា ការផលិតលើសលប់ពីភាគីចិន គឺអាចនឹងប៉ះពាល់ដល់សន្តិសុខ និងការការពារជាតិ ។
ប៉ុន្តែលោក Wang បដិសេធនឹងគំនិតនេះនិងថា ៖« លទ្ធផលនៃការស៊ើបអង្កេតរបស់ក្រសួងពាណិជ្ជកម្ម គឺគ្មានភស្តុតាងឡើយ និងមិនពិតទេ » ។
លោកបន្តថា សហរដ្ឋអាមេរិកមិនគួរងាយចេញវិធានការទប់ស្កាត់ក្រោមមូលហេតុសន្តិសុខជាតិទេ ព្រោះវាមានភាពស្រពេចស្រពិល និងអាចត្រូវរំលោភបំពានបាន ។
ប្រទេសចិនបានផលិតដែកថែបប្រមាណពាក់កណ្តាលនៃដែកថែបសរុបក្នុងពិភពលោក ប៉ុន្តែផ្គត់ផ្គង់បានប្រមាណតែ២%ប៉ុណ្ណោះ នៃដែកថែបនាំចូលដោយសហរដ្ឋអាមេរិក ។
សហរដ្ឋអាមេរិក និងសហភាពអឺរ៉ុបអះអាងថា ចិនបានផលិតដែកថែបលើសលប់ គឺក្រុមហ៊ុនចិនបានទទួលការឧបត្ថម្ភធនយ៉ាងច្រើនពីរដ្ឋាភិបាលរបស់ខ្លួន ដែលធ្វើឲ្យប៉ះពាល់ដល់តម្លៃដែកថែបពិភពលោក និងប៉ះពាល់ផលិតកម្មក្នុងស្រុករបស់ពួកគេផងដែរ ៕
ចែករំលែកព័តមាននេះ