បែកធ្លាយព័ត៌មានបន្ថែមពី Samsung Galaxy S9
ក្រុមហ៊ុន Samsung អាចនឹងប្រកាសពីព័ត៌មានទូរស័ព្ទ Samsung Galaxy S9 ដែលមនុស្សជាច្រើនកំពុងតែរង់ចាំក្នុងរយៈពេលប៉ុន្មានសប្តាហ៍ខាងមុខនេះ ។ Samsung Galaxy…
ក្រុមហ៊ុន Samsung អាចនឹងប្រកាសពីព័ត៌មានទូរស័ព្ទ Samsung Galaxy S9 ដែលមនុស្សជាច្រើនកំពុងតែរង់ចាំក្នុងរយៈពេលប៉ុន្មានសប្តាហ៍ខាងមុខនេះ ។ Samsung Galaxy…
ក្រុមហ៊ុន Samsung អាចនឹងប្រកាសពីព័ត៌មានទូរស័ព្ទ Samsung Galaxy S9 ដែលមនុស្សជាច្រើនកំពុងតែរង់ចាំក្នុងរយៈពេលប៉ុន្មានសប្តាហ៍ខាងមុខនេះ ។
Samsung Galaxy S9 គឺជាទូរស័ព្ទថ្មីជាងគេ ក្នុងចំណោមទូរស័ព្ទស្មាតហ្វូនជួរមុខរបស់ក្រុមហ៊ុន ដែលមានកម្លាំងម៉ាស៊ីនដ៏ខ្លាំង, ស្គ្រីនធំ, មាន Animoji និងកាមេរ៉ាចំនួន២ ។
Samsung បានចេញសំបុត្រអញ្ជើញចូលរួមកម្មវិធី Mobile World Congress នៅ Barcelona ដែលនឹងប្រារព្ធនៅថ្ងៃទី២៥ កុម្ភៈ ខាងមុខ ដើម្បីបង្ហាញពីទូរស័ព្ទថ្មីរបស់ខ្លួនដែលអាចប្រកួតប្រជែងជាមួយ iPhone X របស់ Apple បាន ។ កាលពីឆ្នាំមុន Samsung Galaxy S8 បាននាំមកនូវភាពជោគជ័យដ៏ធំមួយដល់ក្រុមហ៊ុន ។
ទូរស័ព្ទថ្មីនេះនឹងបង្ហាញមុនកម្មវិធី Mobile World Congress បន្តិច ។ ទូរស័ព្ទនេះនឹងដាក់លក់នៅថ្ងៃទី១៦ មីនា ប៉ុន្តែមានការកុម្មង់ទុកមុនចាប់ពីថ្ងៃទី១ មីនា ផងដែរ ។
Galaxy S9 នឹងមានរូបរាងស្រដៀងនឹង S8។ យោងតាម ETNews របស់ប្រទេសកូរ៉េខាងត្បូងថា វាអាចនឹងមានស្គ្រីនទំហំ៥,៧៧អុីញ ខណៈ Galaxy S9+ នឹងមានស្គ្រីន៦,២២អ៊ីញ។ វាអាចនឹងមានកន្លែងស្កេនក្រយៅដៃនៅខាងក្រោយ និងមានស្គ្រីនធំ ដូចដែលបានឃើញលើស្មាតហ្វូនថ្មីៗរបស់ Samsung ។
បើទោះជា iPhone X មានកម្លាំងម៉ាស៊ីនដ៏ខ្លាំងក្លាក្តី ប៉ុន្តែអ្នកតាមដានទីផ្សារមួយចំនួនគិតថា Galaxy S9 របស់ Samsung អាចនឹងមានកម្លាំងម៉ាស៊ីនល្អជាង S8 ដែលចេញកាលពីឆ្នាំមុនទៅទៀត ។
ទូរស័ព្ទនេះអាចនឹងភ្ជាប់មកជាមួយនូវ Android 8.0 ផងដែរ ។ វាអាចនឹងមាន RAM 4GB និងកន្លែងផ្ទុក 64GB ខណៈ Galaxy S9+ មាន RAM 6GB និងកន្លែងផ្ទុក 128GB។
គួរបញ្ជាក់ថា Galaxy S9 នេះត្រូវបានគេគិតថា គឺជាការ Upgrade លើ Galaxy S8 និងមិនមែនជាការច្នៃម៉ូដថ្មីទាំងស្រុងដូច iPhone X ឡើយ ៕
ចែករំលែកព័តមាននេះ