ខេត្តបាត់ដំបង ៖ កុមារាអាយុជាងមួយខួបបានដើរធ្លាក់ទឹកស្រះ បណ្ដាលឲ្យលង់ស្លាប់ កាលពីវេលាម៉ោង០៨និង៥0នាទីព្រឹក ថ្ងៃទី១៩ ខែកុម្ភៈ ឆ្នាំ២០១៨ ខណៈដែលម្ដាយកំពុងបោកខោអាវនៅខាងក្រោមផ្ទះ ដែលស្ថិតនៅក្នុងភូមិស្វាយព្រៃ…
ខេត្តបាត់ដំបង ៖ កុមារាអាយុជាងមួយខួបបានដើរធ្លាក់ទឹកស្រះ បណ្ដាលឲ្យលង់ស្លាប់ កាលពីវេលាម៉ោង០៨និង៥0នាទីព្រឹក ថ្ងៃទី១៩ ខែកុម្ភៈ ឆ្នាំ២០១៨ ខណៈដែលម្ដាយកំពុងបោកខោអាវនៅខាងក្រោមផ្ទះ ដែលស្ថិតនៅក្នុងភូមិស្វាយព្រៃ ឃុំកន្ទឺ១ ស្រុកបាណន់ ។
សមត្ថកិច្ចបានឲ្យដឹងថា កុមារារងគ្រោះឈ្មោះ ពិន ណាផានិត អាយុ២២ខែ ។ កុមារារូបនេះបានលង់ទឹកស្រះនៅខាងជើងផ្ទះរបស់ខ្លួន ប្រហែលជាង១០ម៉ែត្រ ពេលម្ដាយជាប់រវល់បោកខោអាវ ។ ក្រោយពីមិនឃើញកូន ក៏ងើបដើរកស្រាប់តែឃើញកូនស្លាប់នៅក្នុងស្រះ បង្កឲ្យមានការភ្ញាក់ផ្អើលតែម្ដង ។
បើតាមម្ដាយបាននិយាយប្រាប់សមត្ថកិច្ចថា កូនប្រុសចេះដើរតេះតះ ហើយពេលគាត់កំពុងបោកខោអាវនៅក្រោមផ្ទះ កូនគាត់ក៏នៅលេងក្បែរគាត់ដែរ ប៉ុន្តែពេលគាត់ភ្លេចមើល ទើបកូនមានគ្រោះថ្នាក់បែបនេះ ។ គាត់និយាយទៀតថា គ្រានោះគាត់ហាក់ភ្លេចមើលកូនមួយភាំង ព្រោះជាប់រវល់បោកខោអាវ តែពេលបាត់មិនឮមាត់កូន ហើយងាករកមើលមិនឃើញក៏ស្ទុះទៅមើលក្នុងក៏ឃើញកូនធ្លាក់ទឹកស្លាប់បាត់ទៅហើយ ។ គាត់រន្ធត់ចិត្តបំផុតពេលឃើញកូនស្លាប់ក្នុងទឹកបែបនេះ ។
ទោះជាយ៉ាងណា សមត្ថកិច្ចមូលដ្ឋានបានចុះទៅពិនិត្យកន្លែងកើតហេតុ និងសពកុមារារងគ្រោះភ្លាមៗដែរ ក្រោយពីទទូលបានព័ត៌មាននេះ ៕
ចែករំលែកព័តមាននេះ