ខេត្តតាកែវ ៖ ស្នងការរងនគបាលខេត្តតាកែវទទួលបន្ទុកព្រំដែនគឺលោកឧត្តមសេនីយ៏ត្រី វង្ស ណាវុធ ត្រូវបានប្រជាពលរដ្ឋ និងមន្ត្រីនគបាលមួយចំនួនបានធ្វើរិះគន់ថា បានយកតួនាទីជាស្នងការរងទៅបើកល្បែងស៊ីសងខុសច្បាប់ជាច្រើនកន្លែងនៅតាមបណ្ដោយព្រំដែនរវាងខេត្តតាកែវ និងខេត្តអានយ៉ាង របស់វៀតណាម…
ខេត្តតាកែវ ៖ ស្នងការរងនគបាលខេត្តតាកែវទទួលបន្ទុកព្រំដែនគឺលោកឧត្តមសេនីយ៏ត្រី វង្ស ណាវុធ ត្រូវបានប្រជាពលរដ្ឋ និងមន្ត្រីនគបាលមួយចំនួនបានធ្វើរិះគន់ថា បានយកតួនាទីជាស្នងការរងទៅបើកល្បែងស៊ីសងខុសច្បាប់ជាច្រើនកន្លែងនៅតាមបណ្ដោយព្រំដែនរវាងខេត្តតាកែវ និងខេត្តអានយ៉ាង របស់វៀតណាម ។
យោងតាមមន្ត្រីនគបាលនៅច្រកទ្វាកំពង់ក្រសាំងនៅក្នុងស្រុកបូរីជលសាដែលសុំមិនបញ្ចេញឈ្មោះបានថ្លែងឲ្យដឹងថា នៅក្នុងឃុំកំពង់ក្រសាំង ជិតប្រឡាយលោក ប៉ុល សារឿន មានការស៊ីណូអត់ច្បាប់២កន្លែងរបស់លោកស្នងការរងខេត្តម្នាក់ដែលមានល្បែងជល់មាន់យ៉ាងគគ្រឹកគគ្រេងជារៀងរាល់ថ្ងៃជាពិសេសថ្ងៃសៅរ៏ និងថ្ងៃអាទឹត្យ ។ អ្នកចូលមកលេងជល់មាន់មានទាំងជនជាតិខ្មែរ និងជនជាតិវៀតណាម ។ បើទោះបីជាកាស៊ីណូលនេះគ្មានច្បាប់ក៏ដោយក៏អាជ្ញាធស្រុកបូរីជលសារ ឬសមត្ថកិច្ចមិនហ៊ានទៅហាមឃាត់ដែរ ព្រោះជារបស់លោកស្នងការរងខេត្តដ៏មានឥទ្ធិពល ។
មន្ត្រីនគបាលខាងលើបានបន្តថា កាស៊ីណូនៅស្រុកបូរីជលសានេះបានបើកលេងយូរណាស់មកហើយ ហើយនៅពេលថ្មីនេះលោកស្នងការរងម្នាក់បានទៅបើកកាស៊ីណូមួយកន្លែងទៀតនៅព្រំដែនកំណប់កែវដែលជាច្រករបៀងមួយតែបើតាមច្បាប់ការបើកល្បែងស៊ីសងដោយជ្រកក្រោមស្លាកកាស៊ីណូមិនបានឱ្យបើកនៅតាមច្រករបៀងឡើយគឺឱ្យបើកនៅតាមច្រកទ្វាអន្តរជាតិ ។ តែនេះគ្រាន់ច្រករបៀងកំណប់កែវ១មានកាបើកល្បែងស៊ីសងដោយជ្រកក្រោមស្លាកកាស៊ីណូចំនួន២កន្លែង ស្ថិតនៅក្នុងឃុំតាអូ ស្រុកគីរីវង់ ។ កាស៊ីណូនេះឮថាមានការត់ការសុំច្បាប់អនុញ្ញាតិ ក៏ប៉ុន្តែបើយោងតាមច្បាប់កាស៊ីណូគឺមិនអនុញ្ញាតិឱ្យមានល្បែងជល់មាន់ និងមិនអនុញ្ញាតិឱ្យជនជាតិខ្មែរចូលលេងនោះទេ តែកាស៊ីណូលោកស្នងការរងគេឃើញមានជនជាតិវៀតណាម និងខ្មែរចូលលេងពេញៗមិនខ្លាចរអានឹងច្បាប់អីនោះទេ ៕
ចែករំលែកព័តមាននេះ