ទាញកាំបិតដេញកា.ប់ម្ដាយឪពុក និងប្រពន្ធខ្លួនព្រោះទារលុយទៅជក់ថ្នាំមិនបាន
- តាកែវ
ខេត្តតាកែវ ៖ នៅម៉ោង១៦និង១៥នាទី ថ្ងៃទី១៨ ខែកុម្ភៈ ឆ្នាំ២០១៨ ស្ថិតនៅភូមិអង្គនរាយណ៍ ឃុំលាយបូរ ស្រុកត្រាំកក់ ។…
ខេត្តតាកែវ ៖ នៅម៉ោង១៦និង១៥នាទី ថ្ងៃទី១៨ ខែកុម្ភៈ ឆ្នាំ២០១៨ ស្ថិតនៅភូមិអង្គនរាយណ៍ ឃុំលាយបូរ ស្រុកត្រាំកក់ ។ លោក ឌុច ធីយ៉ា អធិការនគរបាលស្រុកត្រាំកក់ បានឲ្យដឹងថា ឃាត់ខ្លួនជនសង្ស័យដែលត្រូវឃាត់ខ្លួនពាក់ព័ន្ធករណីហិង្សា មានឈ្មោះ យ៉ែម សុភក្ត្រ័ ភេទប្រុស អាយុ២២ឆ្នាំ រស់នៅភូមិឃុំខាងលើបាន យកកាំបិត ដំបងឫស្សីដេញកាប់ឪពុកម្ដាយ នឹងប្រពន្ធខ្លួន រួចគំរាមគំហែងថា នឹងសម្លាប់ចោល បើសិនមិនឲ្យលុយ តែត្រូវឪពុកម្តាយ និងប្រពន្ធ បានរត់គេចខ្លួនអស់ ហើយក៏បានទៅប្តឹងសមត្ថកិច្ចឲ្យចាប់ខ្លួនឲ្យយកទៅដាក់គុកទៅតាមច្បាប់ ។
លោកអធិការនគរបាលស្រុក បានបន្តទៀតថា មុនពេលកើតហេតុ ជនសង្ស័យបានសុំលុយឪពុកម្តាយ និងប្រពន្ធ មិនព្រមឲ្យដើម្បីយកទៅទិញសារធាតុញៀនជក់មិនបាន ។ ហើយជនសង្ស័យរបនេះ ទើបចេញពីមណ្ឌលបន្សាបគ្រឿងញៀន លុះដល់ពេលត្រលប់មកផ្ទះវិញ បានគំរាមគំហែងថា នឹងសម្លាប់ពួកគាត់ និងប្រពន្ធជាញឹកញាប់ និងបំផ្លិចបំផ្លាញទ្រព្យសម្បត្តិក្នុងផ្ទះអស់ជាច្រើន ដោយអត់ទ្រាំលែងបាន ឪពុកម្តាយ និងប្រពន្ធបានសម្រេចចិត្តប្តឹងសមត្ថកិច្ចឲ្យចាប់ខ្លួនតែម្ដង ។
នៅចំពោះមុខសមត្ថកិច្ច ជនរូបនេះបាននិយាយសារភាពថា រូបគេពិតជាបានយកកាំបិត និងគល់ឫស្សីដេញកាប់ឱពុកម្តាយ និងប្រពន្ធ ពិតប្រាកដមែន ដោយគ្រាន់តែសុំលុយមិនព្រមឲ្យ ។ នៅពេលនេះ នគរបាលការិយាល័យព្រហ្មទណ្ឌកំរិតស្រាលខេត្ត កំពុងកសាងសំណុំរឿងដើម្បីបញ្ជូនជនសង្ស័យទៅសាលាដំបូងខេត្ត នៅថ្ងែទី១៩ ខែកុម្ភៈ ឆ្នាំ២០១៨ ចាត់ការទៅតាមច្បាប់ ៕
ចែករំលែកព័តមាននេះ