មុននេះ បញ្ជូនជនជាតិចិន-ថៃទៅតុលាការ (មានវីដេអូ)
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច ប៉េអឹមបានបញ្ជូនជនជាតិ ចិន ថៃ ខ្មែរ ដែលចាប់ជំរិតតាមប្រព័ន្ធអ៊ីនធើរណេត ទៅតុលាការ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច ប៉េអឹមបានបញ្ជូនជនជាតិ ចិន ថៃ ខ្មែរ ដែលចាប់ជំរិតតាមប្រព័ន្ធអ៊ីនធើរណេត ទៅតុលាការ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច ប៉េអឹមបានបញ្ជូនជនជាតិ ចិន ថៃ ខ្មែរ ដែលចាប់ជំរិតតាមប្រព័ន្ធអ៊ីនធើរណេត ទៅតុលាការ នៅព្រឹកថ្ងៃទី19 ខែកុម្ភៈ ឆ្នាំ២០១៨ នេះ។
សេចក្តីរាយការណ៍បានបន្តទៀតថា ក្រុមអ្នកចាប់ជំរិតដែលត្រូវបញ្ជូនទៅតុលាការនោះ មានសរុបទាំងអស់២៩នាក់ ក្នុងនោះជនជាតិចិន២៥នាក់ ជនជាតិថៃ៤នាក់ ចំណែកឯជនជាតិខ្មែរត្រូវបានដោះលែងត្រឡប់ទៅវិញអស់ហើយ ព្រោះពួកគេគ្រាន់តែជាអ្នកដាំបាយទឹកប៉ុណ្ណោះ ។
គួររំលឹកថា កាលពីព្រឹកម៉ោង៩និង៣០នាទី ថ្ងៃទី១៦ ខែកុម្ភៈ ឆ្នាំ២០១៨ កម្លាំងសមត្ថកិច្ចកងរាជអាវុធហត្ថលើផ្ទៃប្រទេស កងរាជអាវុធហត្ថរាជធានីភ្នំពេញ កងរាជអាវុធហត្ថខេត្តព្រះសីហនុ និងមូលដ្ឋាន បានសហការជាមួយមន្ត្រីជំនាញ ដែលមានដីកាឱ្យចាប់ខ្លួនពីតុលាការប្រទេសថៃ បានធ្វើការបង្ក្រាបលើករណីក្រុមជនចាប់ជំរិតតាមប្រព័ន្ធ Internet មានពីរគោលដៅនៅរាជធានីភ្នំពេញ និងខេត្តព្រះសីហនុ ដោយឃាត់បានជនសង្ស័យសរុបចំនួន៣៦នាក់ ។
គួររំលឹកទៀតថា ករណីបង្ក្រាបនៅក្នុងខណ្ឌសែនសុខ រាជធានីភ្នំពេញ កម្លាំងអាវុធហត្ថបានឃាត់ខ្លួនជនសង្ស័យចំនួន៣៣នាក់ រួមមានជនជាតិថៃ២៥នាក់ (ស្រី៨នាក់) ជនជាតិចិនតៃវ៉ាន់៤នាក់ និងជនខ្មែរ៤នាក់ (ស្រីម្នាក់)។ ចំណែកឯប្រតិបត្តិការនៅខេត្តព្រះសីហនុវិញ ឃាត់ខ្លួនបាន៣នាក់ ក្នុងនោះមានជនជាតិថៃម្នាក់ និងជនជាតិចិនតៃវ៉ាន់២នាក់ ។
ហើយនៅក្នុងរាជធានីភ្នំពេញ ដែលកម្លាំងអន្តរាគមន៍ពិសេសរបស់អាវុធហត្ថរាជធានីភ្នំពេញឡោមព័ទ្ធបង្ក្រាប ទីតាំងទី១ ខាងក្រោយវត្តសំរោងអណ្តែត និងទីតាំង២ នៅជិតផ្សារក្រមួន ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ប្រតិបត្តិការនេះសមត្ថកិច្ចក៏កំពុងស្វែងរកចាប់ខ្លួនមេក្លោងចាប់ជំរិតចាប់ប្រព័ន្ធ Internet ២នាក់ប្តីប្រពន្ធ ដែលជាជនជាតិចិនតៃវ៉ាន់កំពុងរត់គេចខ្លួន ហើយមេក្លោងទាំង២នាក់ ប្តីប្រពន្ធនោះ ក៏មានដីកាឲ្យចាប់ខ្លួនពីតុលាការប្រទេសថៃផងដែរ ៕
ចែករំលែកព័តមាននេះ