ខេត្តសៀមរាប ៖ បុរសថៃ វ័យ៥៨ឆ្នាំ ម្នាក់មានជំងឺប្រចាំកាយជាង១០ឆ្នាំគាំងបេះដូងស្លាប់នៅក្នុងសណ្ឋាគារ ខណៈមិត្តភក្តិកំពុងជួយធ្វើចលនាបេះដូងឱ្យ បង្កឱ្យមានការភ្ញាក់ផ្អើលពេញសណ្ឋាគារ ប៉ុន្តែបម្រុងបិតបាំងតែត្រូវបានសមត្ថកិច្ចដឹង ។ ហេតុការជនបរទេសស្លាប់នោះបានកើតឡើងកាលពីវេលាម៉ោង១១និង០០នាទីយប់…
ខេត្តសៀមរាប ៖ បុរសថៃ វ័យ៥៨ឆ្នាំ ម្នាក់មានជំងឺប្រចាំកាយជាង១០ឆ្នាំគាំងបេះដូងស្លាប់នៅក្នុងសណ្ឋាគារ ខណៈមិត្តភក្តិកំពុងជួយធ្វើចលនាបេះដូងឱ្យ បង្កឱ្យមានការភ្ញាក់ផ្អើលពេញសណ្ឋាគារ ប៉ុន្តែបម្រុងបិតបាំងតែត្រូវបានសមត្ថកិច្ចដឹង ។ ហេតុការជនបរទេសស្លាប់នោះបានកើតឡើងកាលពីវេលាម៉ោង១១និង០០នាទីយប់ ថ្ងៃទី១៧ កុម្ភៈ នៅសណ្ឋាគារមួយកន្លែង ដែលមានទីតាំងនៅតាមបណ្តោយផ្លូវជាតិលេខ៦ ក្នុងភូមិស្លក្រាម សង្កាត់ស្លក្រាម ក្រុងសៀមរាប ។
តាមប្រភពពីសមត្ថកិច្ចជំនាញបានប្រាប់ថា ជនរងគ្រោះដែលស្លាប់នៅក្នុងសណ្ឋាគារនោះមាន ឈ្មោះ SONGKARNPUEFPHAN ភេទប្រុស អាយុ៥៨ឆ្នាំ ជនជាតិថៃ សញ្ជាតិថៃ កាន់លិខិតឆ្លងដែនលេខAA9953237។ ប្រភពបានបន្តថា ក្រោយពេលកើតហេតុកម្លាំងនគរបាលជំនាញបានចុះទៅធ្វើការត្រួតពិនិត្យ និងស្រាវជ្រាវបានឱ្យដឹងថា តាមការបំភ្លឺរបស់សាក្សីឈ្មោះ PINYOSAMAIMONGKUL ភេទប្រុស ត្រូវជាមិត្តភក្តិរបស់ជនរងគ្រោះ(ដេកបន្ទប់រួមគ្នា)បានឱ្យដឹងថា នៅថ្ងៃទី១៧ កុម្ភៈ ខ្លួននឹងមិត្តភក្តិបានជិះរថយន្តក្រុងពីខេត្តរ៉ាក់យ៉ងឆ្លងចូលមកខេត្តសៀមរាបតាមច្រកអន្តរជាតិប៉ោយប៉ែតតាមរយៈក្រុមហ៊ុនទេសចរណ៏ ដោយមានមនុស្សសរុបទាំងអស់២១នាក់(ស្រី១១នាក់) ខ្លួន និងជនរងគ្រោះស្នាក់នៅរួមគ្នាក្នុងបន្ទប់លេខ៣០៥ ក្រោយពីបានចូលមកដល់សណ្ឋាគារនៅម៉ោងប្រហែល០៩និង០០យប់ ថ្ងៃទី១៧ កុម្ភៈ ស្រាប់តែជនរងគ្រោះមានអាការមិនស្រួលខ្លួនដោយដកដង្ហើមញាប់ៗហើយខ្លួនបានហៅមិត្តភក្តិដទៃទៀតដែលមានបន្ទប់ជាប់គ្នាមកជួយធ្វើចលនាចង្វាក់បេះដូងតែអាការកាន់តែធ្ងន់ធ្ងររហូតដាច់ខ្យល់ស្លាប់តែម្តងទៅ ហើយជនរងគ្រោះមានប្រវត្តិជំងឺរោគបេះដូងជាង១០ឆ្នាំមកហើយ ។
តាមការសន្និដ្ឋានរបស់លោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យអមអយ្យការសាលាដំបូងខេត្តសៀមរាបបានសន្និដ្ឋានថា ជនរងគ្រោះស្លាប់ដោយសារជម្ងឺគាំងបេះដូង ។ បច្ចុប្បន្នសពជនរងគ្រោះ ត្រូវបានសមត្ថកិច្ចជំនាញ តម្កល់ទុកនៅមន្ទីរពេទ្យបង្អែកខេត្តសៀមរាប ដើម្បីរង់ចាំការសម្រេចរបស់សាច់ញាតិនិងស្ថានទូតមកទទួល ៕
ចែករំលែកព័តមាននេះ