ខេត្តកំពង់ចាម ៖ មន្ត្រីរដ្ឋបាលខេត្តកំពុងចាមបានឲ្យដឹងថា គិតចាប់ពីថ្ងៃចាប់ផ្តើមរហូតមកដល់ពេលនេះ រដ្ឋបាលខេត្តកំពង់ចាម បានបញ្ជារដល់សមត្ថកិច្ចចម្រុះចុះត្រួតពិនិត្យចាប់រថយន្តតទ្រុងខុសលក្ខណៈបច្ចេកទេសនៅតាមទីតាំងគ្រប់គោលដៅទូទាំងខេត្ត ។ មន្ត្រីដដែលបានឲ្យដឹងទៀតថា លទ្ធផលប្រតិបត្តិការជារួមបានត្រួតពិនិត្យរថយន្តធុនធ្ងន់សរុបចំនួន ២៨៦៤ គ្រឿង រថយន្តតទ្រុងខុសលក្ខណៈបច្ចេកទេសចំនួន១២៣គ្រឿង កាត់ទ្រុងចំនួន៥៩គ្រឿង ។
មន្ត្រីដដែលបានបញ្ជាក់ថា សម្រាប់ថ្ងៃទី១៧ ខែកុម្ភៈ ឆ្នាំ២០១៨ កន្លងមកនេះក្រុមការងារត្រួតពិនិត្យយានយន្តខុសលក្ខណៈបច្ចេកទេស និងលើសទំងន់ក្នុងខេត្តបានត្រួតពិនិត្យលក្ខណៈបច្ចេកទេសបាន៧៣គ្រឿង បូកយោង ២៨៦៤ គ្រឿង រថយន្តខុសលក្ខណៈបច្ចេកទេសចំនួន០២គ្រឿង បូកយោង ១២៣ គ្រឿង និងកាត់ទ្រុងបាន០២គ្រឿង បូកយោង ៥៩ គ្រឿង ។ ។
គួររំលឹកថា សម្តេចតេជោ ហ៊ុន សែន បានដាក់ឱសានវាទចាប់ពីម៉ោង០០យប់ថ្ងៃទី៩ កុម្ភៈ តទៅគ្មានវត្តមានឡាន តទ្រុងលើដងផ្លូវទៀតឡើយ ។ បើមាននៅតំបន់ណា ភូមិសាស្ត្រណា ចៅហ្វាយខេត្ត និងក្រុងនោះ ជាអ្នកទទួលខុសត្រូវ ។ បើនរណាមកតវ៉ាឬអ្នកកាងទោះជាឋានៈណាក៏ដោយ ក៏ធ្លាក់បុណ្យស័ក្តិទាំងអស់ និងបញ្ចូលព្រៃសតែម្តង ៕
ចែករំលែកព័តមាននេះ