រាជធានីភ្នំពេញ ៖ សេចក្តីរាយការថា ៣ថ្ងៃចូលឆ្នាំប្រណៃចិននេះបទល្មើសព្រហ្មទណ្ឌនៅក្នុងរាជធានីភ្នំពេញហាក់ដូចជាមានការថយចុះច្រើន ។ អាចដោយសារបណ្តាលមកពីប្រជាពលរដ្ឋចេញដំណើរទៅលេងក្រៅប្រទេស និងតាមបណ្តាលខេត្តអស់ច្រើន ។ សេចក្តីរាយការណ៍ឲ្យដឹងថា រយៈពេល៣ថ្ងៃនេះមានករណីប្លន់ ៣លើក ឆក់១លើក និងគាស់ផ្ទះ២លើក គឺពីថ្ងៃទី១៥ ដល់ថ្ងៃទី១៧ កុម្ភៈ ។
ជាក់ស្តែងករណីប្លន់លើកទី១ ថ្ងៃទី១៥ កុម្ភៈ ចោរស្ទាក់វាយប្លន់យកម៉ូតូយកម៉ូតូម៉ាកនិច នៅសង្កាត់កោះដាច់ ខណ្ឌជ្រោយចង្វារ ជនសង្ស័យមានគ្នា៨នាក់ ប៉ុន្តែត្រូវបានសមត្តឃាត់ខ្លួន២នាក់ ៦នាក់រត់គេបាត់ ។ ទី២-នៅថ្ងៃទី១៥ កុម្ភៈ ដដែលមានករណីប្លន់វាយយកខ្សែ.ក និងទូរស័ព្ទដៃពីជនរងគ្រោះ នៅក្នុងខណ្ឌព្រែកព្នៅ ជនសង្ស័យមានគ្នា២នាក់ ត្រូវបានសមត្ថកិច្ចចាប់ឃាត់ខ្លួនម្នាក់ ។ ទី៣-ថ្ងៃទី១៧ កុម្ភៈ មានករណីប្លន់រថយន្តតាក់ស៊ីដែលជនល្មើសបានហៅរថយន្តតាក់ស៊ីម៉ែត្រជិះពីខណ្ឌជ្រោយចង្វារ រួចហើយបានធ្វើសកម្មភាពប្រើកាំបិតចុងស្រួចចាក់ជនរងគ្រោះបណ្តាលឲ្យរងរបួសសុះសាច់ ។ រថយន្តក៏ត្រូវបានជនសង្ស័យជិះយកមកទុកចោលនៅក្នុងសង្កាត់ផ្សារថ្មីទី១ ខណ្ឌដូនពេញ ហើយជនល្មើសបានគេចខ្លួនបាត់ ។ ប៉ុន្តែទោះជាយ៉ាងណាអំពើប្លន់នេះ មិនអាចគេចផុតកណ្តាប់ដៃរបស់សមត្តកិច្ចបានទេ ព្រោះជនសង្ស័យមុនចាក់ប៉ុនប៉ងសម្លាប់អ្នករត់តាក់ស៊ីប្លន់យករថយន្ត ជនល្មើសបានទួរស័ព្ទទាក់អ្នករត់តាក់ស៊ីឲ្យទៅដឹក ដូច្នោះលេខទូរស័ព្ឌនោះដែលជាតម្រុយមួយ សម្រាប់សមត្ថកិច្ចវែកមុខជនសង្ស័យ ។ ករណីឆក់កើតឡើង១លើក កាលពីថ្ងៃទី១៥ កុម្ភៈ កើតឡើងនៅក្នុងទឹកដីសង្កាត់បឹងកក់២ ខណ្ឌទួលគោក គឺជនសង្ស័យមានគ្នា២នាក់បានធ្វើសកម្មភាពឆក់កាបូបលុយពីអ្នកដំណើរ ខណៈពេលជនរងគ្រោះកំពុងចុះពីរថយន្តបំរុងដើរចូលផ្ទះ ។ ករណីចោរគាស់ផ្ទះបានកើតឡើងចំនួន២លើក គឺថ្ងៃ១៦ កុម្ភៈ គាស់បន្ទប់ជួលរបស់កម្មករដែលទៅលេងស្រុក និងយកបានសម្ភារបន្តិចបន្តួចប៉ុណ្ណោះ ។
លោកឧត្តមសេនីយ៍ត្រី សុង លី ស្នងការរងទទួលបន្ទុកជាប្រធានការិយាល័យកណ្តាលនគរបាលយុត្តិធម៌ស្នងការដ្ឋាននគរបាលរាជធានីភ្នំពេញបានថ្លែងប្រាប់តាមទូរស័ព្ទឲ្យដឹងនៅថ្ងៃទី១៨ កុម្ភៈ ថារយៈពេល៣ថ្ងៃចូលឆ្នាំចិន-វៀតណាម នៅរាជធានីភ្នំពេញ បទល្មើសឧក្រិដ្ឋធំៗ ដូចជាឃាតកម្ម បាញ់សម្លាប់ប្លន់ ស្ទើគ្មាន ៕
ចែករំលែកព័តមាននេះ