អស់ទាំងខ្លួន អស់ទាំងថ្លៃទឹកដោះ ព្រោះតែល្បិចបោកថ្មី
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ស្ត្រីម្នាក់នៅរដ្ឋ Uttar Pradesh ប្រទេសឥណ្ឌា…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ស្ត្រីម្នាក់នៅរដ្ឋ Uttar Pradesh ប្រទេសឥណ្ឌា…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ស្ត្រីម្នាក់នៅរដ្ឋ Uttar Pradesh ប្រទេសឥណ្ឌា ក្លែងខ្លួនជាប្រុសអស់រយៈពេល៤ឆ្នាំ ដើម្បីបោកយកថ្លៃទឹកដោះពីស្ត្រី២នាក់ទៀត ដែលខ្លួនរៀបការជាមួយ។
ជនខិលខូចឈ្មោះ Krishna Sen តែងខ្លួនធ្វើប្រុសហើយរៀបការជាមួយនឹងស្ត្រីម្នាក់ទៀត ដើម្បីបោកយកថ្លៃទឹកដោះ។ នេះដោយសារតែនៅប្រទេសឥណ្ឌា គេឲ្យថ្លៃទឹកដោះទៅកូនកម្លោះ ខុសពីស្រុកយើង។ ប្រពន្ធទីមួយដែល Sen រៀបការជាមួយ គឺនាង Kamini។ ពួកគេរៀបការជាមួយគ្នានៅឆ្នាំ២០១៤។ ក្រោយមកនាពេលថ្មីៗនេះ Kamini រាយការណ៍មកប៉ូលិសថា Sen តែងតែវាយធ្វើបាបនាងរហូត ដោយសារតែរឿងថ្លៃទឹកដោះ។
នៅឆ្នាំ២០១៦ Sen ក៏រៀបការជាមួយនឹងស្ត្រីម្នាក់ទៀតឈ្មោះថា Nisha។ នាងម្នាក់នេះហើយ ដែលដឹងថា Sen តាមពិតគឺជាស្រី។ តែនាងមិនបានប្រាប់ទៅនរណាទេ ព្រោះថា Sen ឲ្យលុយដើម្បីបំបិទមាត់របស់នាង។
ទើបតែពេលប៉ូលិសចាប់ខ្លួនតាមពាក្យបណ្តឹងរបស់ប្រពន្ធទីមួយទេ ទើបដឹងថា Sen គឺជាស្រីពិតប្រាកដ។ ប្រពន្ធទីមួយ ដែលជានាង Kamini ប្រាប់ថា រាល់ដងប្តីជាស្រីរបស់នាង មិនឲ្យប៉ះរាងកាយពេលភ្លឺទេ។ គេតែងតែឲ្យរួមភេទពេលយប់ងងឹត។ តាមពិត គឺ Sen យកលិង្គជ័រមកបន្លំសោះ ព្រោះថា ងងឹតមើលអ្វីៗមិនឃើញ។
នៅពេលនេះ Sen ជាប់ពីបទបោកប្រាស់ ហើយបញ្ជូនទៅពន្ធនាគារ Haidwani។ ចំពោះទោសនៃការអំពើហិង្សាក្នុងគ្រួសារមិនអាចដាក់បានទេ ព្រោះតែ Sen គឺជាស្រី ហើយរៀបការជាមួយស្រីគ្នាឯង៕
ចែករំលែកព័តមាននេះ