ឧត្តមនាវីម្នាក់អំពាវនាវឱ្យអាមេរិករៀបចំខ្លួនសម្រាប់សង្គ្រាម
សហរដ្ឋអាមេរិក ៖ ឧត្តមនាវី HARRY HARRIS បានព្រមានកាលពីថ្ងៃទី១៧ កុម្ភៈ នៅមុខសភាពីការពង្រឹងខាងយោធារបស់កងទ័ពចិន ។ យោងតាមឧត្តមនាវីរូបនេះថា…
សហរដ្ឋអាមេរិក ៖ ឧត្តមនាវី HARRY HARRIS បានព្រមានកាលពីថ្ងៃទី១៧ កុម្ភៈ នៅមុខសភាពីការពង្រឹងខាងយោធារបស់កងទ័ពចិន ។
យោងតាមឧត្តមនាវីរូបនេះថា ពេលវេលាបានមកដល់ហើយ សម្រាប់សហរដ្ឋអាេមរិករៀបចំខ្លួនសម្រាប់លទ្ធភាពនៃសង្គ្រាមមួយប្រឆាំងចិន ។
ឧត្តមនាវី HARRY HARRIS ដែលទើបតែងតាំងជាឯកអគ្គរដ្ឋទូតអាមេរិកប្រចាំអូស្ត្រាលីថ្លែងនៅមុខសភាថា ក្រុងវ៉ាស៊ីនតោនត្រូវរៀបចំខ្លួនចំពោះលទ្ធភាពនៃសង្គ្រាមមួយប្រឆាំងចិន ។
យោងតាមលោក HARRIS ថា ចិនបានពង្រឹងសក្តានុពលយោធារបស់ខ្លួន ហើយមានបំណងបង្កើតការគ្របដណ្តប់របស់ខ្លួននៅសមុទ្រចិនខាងត្បូង ។ លោកក៏វាយតម្លៃផងដែរថា កងទ័ពចិននាពេលឆាប់ៗខាងមុខអាចប្រកួតប្រជែងជាមួយសហរដ្ឋអាមេរិកស្ទើរគ្រប់វិស័យ ។ ខ្ញុំមានការព្រួយបារម្ភដែលចិននាពេលនេះបំផ្លាញរបៀបរបបអន្តរជាតិ ។
ឧត្តមនាវី HARRY HARRIS បន្តថា ប្រភពនៃការព្រួយបារម្ភមួយទៀតគឺការកសាងបណ្តាមូលដ្ឋានយោធាចិននៅលើកោះ៧ ក្នុងសមុទ្រចិនខាងត្បូងដែលទាមទារដោយបណ្តាប្រទេសជិតខាង ។
កាលពីថ្ងៃទី២ កុម្ភៈ មន្ទីរប៉ង់តាហ្គោនបានចេញផ្សាយលទ្ធិនុយក្លេអ៊ែរថ្មីរបស់អាមេរិក ដោយលទ្ធិនេះត្រូវបានរុស្ស៊ី ចិន និងកូរ៉េខាងជើង ចាត់ទុកថាជាគ្រោះថ្នាក់ដែលគំរាមកំហែងដល់ផលប្រយោជន៍របស់សហរដ្ឋអាេមរិក និងបណ្តាសម្ព័ន្ធមិត្តនៅអាស៊ី-ប៉ាស៊ីហ្វិក ៕
ចែករំលែកព័តមាននេះ