យោងទៅតាមសេចក្តីរាយការណ៍របស់សារព័ត៌មាន Mail Online បានឲ្យដឹងថា សារធាតុគីមីដែលជាប់ទាក់ទងនឹងជំងឺមហារីកសុដន់ និងក្រពេញប្រូស្តាត ត្រូវបានគេរកឃើញនៅក្នុងរាងកាយយុវវ័យរហូតដល់៨៦ភាគរយឯណោះ។ ការស្រាវជ្រាវបានបារម្ភទៅលើសារធាតុគីមី Bisphenol A (BPA) ដែលមានក្នុងផលិតផលប្លាស្ទិច ។
សារធាតុ BPA ត្រូវបានគេរកឃើញក្នុងទឹកនោមរបស់មនុស្សភាគច្រើន ហើយការសិក្សាក្នុងមន្ទីរពិសោធន៍ជាច្រើន បានបង្ហាញនូវការបារម្ភថា វាប្រហែលជាអាចរំខានដល់តុល្យភាពអ៊័រម៉ូនក្នុងខ្លួនបាន ។ អ្នកខ្លះនិយាយថា ការប៉ះពាល់នឹងសារធាតុមួយនេះ ប្រហែលជាធ្វើឲ្យថយចុះដល់មធ្យមភាគចំនួនមេជីវិតឈ្មោលក្នុងប្រទេសអភិវឌ្ឈន៍រយៈពេល៤០ឆ្នាំចុងក្រោយនេះ ហើយវាក៏ត្រូវបានគេពិនិត្យមើលក្នុឆ្នាំ២០១៧នេះដែរ ។
ការសិក្សានេះមានការចូលរួមពីយុវវ័យតែ៩៤នាក់ប៉ុណ្ណោះ ដែលមានអាយុ១៧ទៅ១៩នាក់ មកពីភាគខាងត្បូងឈាងខាងលិចប្រទេសអង់គ្លេស ។ BPA ត្រូវបានគេរកឃើញក្នុងទឹកនោមរបស់ពួកគេរហូតដល់៨៦ភាគរយឯណោះ។ បន្ទាប់មក អ្នកស្រាវជ្រាវ និងយុវវ័យបានសហការគ្នា ដើម្បីបង្កើតជាក្បួនណែនាំទាក់ទងនឹងរបបអាហារដែលពួកគេអាចធ្វើបានដើម្បីព្យាយាមសាកល្បងបន្ថយការប៉ះពាល់នឹងសារធាតុ BPA របស់ពួកគេក្នុងរយៈពេលមួយសប្តាហ៍ ។ ទោះបីជាយ៉ាងណាក៏ដោយ លក្ខណៈក្បួនណែនាំនេះ ហាក់បីដូចជាមិនអាចប្រើប្រាស់បានឡើយ ដោយសារតែមិនមានអ្វីខុសគ្នាសោះ ។
ទោះបីជាយ៉ាងណាក៏ដោយ ការសិក្សានេះបានធ្វើសេចក្តីសន្និដ្ឋានថា យកល្អគួរតែមានការស្វែងយល់អំពីស្លាកសញ្ញាដែលមានក្នុងអាហារ និងភេសជ្ជៈ និងកត់ចំណាំទៅលើវត្តមានរបស់សារធាតុ BPA ក្នុងផលិតផលនានា ទោះបីជាវាមិនត្រូវបានគេនិយាយថា ប៉ះពាល់ដល់សុខភាពដល់កម្រិតណាក៏ដោយ ៕
ចែករំលែកព័តមាននេះ