តាមប្រភពពីព្រះបុរមរាជវាំង «Kensington» បានបញ្ជាក់ថា ពិធីរៀបអភិសេករវាងព្រះអង្គម្ចាស់ហែរី និងនាង Meghan Markle តារាសម្តែងជនជាតិអាមេរិកនឹងរៀបចំឡើងនៅឯវិហារ «St George» ក្នុងព្រះរាជវាំងវីនស៊័រ ចក្រភពអង់គ្លេសនៅថ្ងៃទី១៩ ឧសភា ២០១៨ ដោយមានរៀបក្បួនរទេះសេះទាំង២ព្រះអង្គយាងទៅសួរសុខទុក្ខពលរដ្ឋក្នុងក្រុងវីនស៊័រ នៅភាគខាងលិចក្រុងឡុងដ៍មានចម្ងាយប្រហែល៣,២គីឡូម៉ែត្រ ។
ក្រោយពីសួរសុខទុក្ខ និងទស្សនារួចរាល់ព្រះអង្គទាំង២នឹងទទួលភ្ញៀវនៅក្នុងព្រះរាជវាំងវីនស៊័រ ខណៈពេលព្រះអង្គម្ចាស់ឆាលក៏ទទួលស្វាគមន៍ភ្ញៀវនៅពេលល្ងាច ។
ពិធីរៀបអភិសេកនេះនឹងមានចំណាប់អារម្មណ៍ពីមហាជននៅទូទាំងពិភពលោកដូចគ្នានឹងពិធីរៀបអភិសេករបស់ព្រះអង្គម្ចាស់ វីល្លៀម និងព្រះនាងKate Middleton នៅឆ្នាំ២០១២ ដែលមានមនុស្សចាប់អារម្មណ៍ដល់ទៅ២.០០០លាននាក់ ៕
ចែករំលែកព័តមាននេះ