រាជធានីភ្នំពេញ ៖ បុរស៣នាក់ស្រវឹងស្រាជោកជាំបើករថយន្តឡិចស៊ីសមកដល់ចំណុចត្រួតពិនិត្យច្បាប់ចរាចរណ៍មិនព្រមឈប់ឲ្យសមត្ថិច្ចត្រួតពិនិត្យបានបើករថយន្តបុកមន្ត្រីនគរបាលអន្តរាគមន៍ក្រុងម្នាក់ហោះផ្លោងទៅបុកកញ្ចក់រថយន្តបណ្តាលឱ្យរងរបួសធ្ងន់ម្នាក់ហើយរថយន្តបង្កព្យាយាមបើករត់គេចត្រូវឃាត់បាននៅតាមផ្លូវជាតិលេខ៥ ក្នុងសង្កាត់ច្រាំងចំរេះ១ ខណ្ឌឬស្សីកែវ កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៧ ខែកុម្ភៈ ឆ្នាំ២០១៨ ។
តាមប្រភពព័ត៌មានពីនគរបាលខណ្ឌឬស្សីកែវបានឱ្យដឹងថា មុនពេលកើតហេតុកម្លាំងនគរបាលខណ្ឌឬស្សីកែវបានសហការជាមួយកម្លាំងអន្តរាគមន៍ក្រុងបានធ្វើការដាក់បារាសត្រួតពិតនិត្យជាតិអាកុល និងអាវុធជាតិផ្ទុះនៅចំណុចម្តុំឃាំងសាំងស៊ូគីមិច ស្រាប់តែមានរថយន្តមួយគ្រឿងម៉ាកឡិចស៊ីស RX300 ពណ៌ស ពាក់ស្លាកលេខ ភ្នំពេញ ២AL-១៥៣០ ជិះគ្នា៣នាក់បើកបរតាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើងក្នុងស្ថានភាពស្រវឹងស្រាជោកជាំត្រូវបានសមត្ថកកិច្ចសុំត្រួតពិនិត្យ និងវាស់ជាតិអាលកុលតែអ្នកបើករថយន្តឡិចស៊ីសមិនបានឈប់នោះទេបានបន្ថែមល្បឿនបើកទៅបុកចំនគរបាលអន្តរាគមន៍ក្រុងម្នាក់បណ្តាលឱ្យហោះផ្លោងទៅបុកកញ្ចក់រថយន្តបណ្តាលឱ្យរងរបួសធ្ងន់សន្លប់ស្តូក និងមិនបានឈប់នោះទេ រថយន្តបន្តបើករត់ទៅដល់ជិតយឿត្រីសង្កាត់ច្រាំងចំរេះ១ ស្រាប់តែរថយន្តអស់សាំងត្រូវបានសមត្ថកិច្ចឃាត់ខ្លួនបានទាំង៣នាក់ជិះក្នុងរថយន្តត្រូវប្រជាពលរដ្ឋនាំគ្នាព្រួតវាយមួយដៃមួយជើងបណ្តាលឱ្យអ្នកបើកបររថយន្តរងរបួសធ្ងន់ត្រូវសមត្ថកិច្ចឃាត់ខ្លួនយកទៅស្នងការរាជធានីភ្នំពេញ ៕
ចែករំលែកព័តមាននេះ