ខេត្តកំពង់ធំ ៖ ហេតុគ្រោះថ្នាក់ចរាចរមួយដ៏រន្ធត់ បានកើតឡើងកាលវេលាម៉ោង០៧និង៣០នាទីយប់ ថ្ងៃទី១៦ ខែកុម្ភៈ ឆ្នាំ២០១៨ នៅតាមបណ្តោយផ្លូវជាតិលេខ០៦ ស្ថិតនៅក្នុងភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ ។
យោងតាមប្រភពពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញជនរងគ្រោះ ជីដូនបានដឹកដៃចៅប្រុសស្រីពីរនាក់ដើរឆ្លងថ្នល់ពីលិចទៅកើត ក្នុងគោលបំណងទៅមើលគេរាំធុងបាសនៅក្នុងភូមិ ខណៈនោះគេឃើញរថយន្តសាំងយ៉ុង ពណ៌លឿង ពាក់ស្លាកលេខ ភ្នំពេញ 2AA-៨០៩៧ បើកបរក្នុងទិសដៅពីត្បូងទៅជើងក្នុងល្បឿនយ៉ាងលឿន លុះមកដល់ចំណុចកើតហេតុខាងលើ រថយន្តក៏បានបុកចំជីដូន និងចៅដែលកំពុងតែដើរឆ្លងថ្នល់ យ៉ាងពេញទំហឹង បណ្តាលឱ្យយាយ និងចៅម្នាក់ស្លាប់ភ្លាមៗនៅនឹងកន្លែងកើតហេតុ ហើយចៅម្នាក់ទៀតរងរបួសធ្ងន់ ចំណែកអ្នកបើកបររថយន្តឃើញដូច្នោះក៏ចុះរត់គេចខ្លួនបាត់ស្រមោល ។
ស្ត្រីរងគ្រោះត្រូវជាជីដួនឈ្មោះ សេង ណា អាយុ៤៥ឆ្នាំ (ស្លាប់) ទី២.ចៅស្រីឈ្មោះ ឃាត់ សំណាង អាយុ៦ឆ្នាំ (ស្លាប់) និងទី៣.ឈ្មោះ ផល សុផាត ភេទប្រុស អាយុ១៨ខែ (របួសធ្ងន់) អ្នកទាំង៣រស់នៅភូមិឃុំកើតហេតុខាងលើ ។
ក្រោយពេកកើតហេតុ បន្ទាប់ពីសមត្ថកិច្ចវាស់វែងរួច សាកសពជនរងគ្រោះទាំង២នាក់ ត្រូវបងប្អូនសាច់ញាត្តិយកទៅធ្វើបុណ្យតាមប្រពៃណី កុមារារងគ្រោះបងប្អូនដឹងយកទៅសង្រោះនៅមន្ទីពេទ្យបង្អែកបារាយណ៍-សន្ទុក រថយន្តសាំងយ៉ុងត្រូវបានអូសយកទៅរក្សារទុកអធិការដ្ឋាននគរបាលស្រុក ដើម្បីរង់ចាំដោះស្រាយទៅតាមនីតិវិធី ៕
ចែករំលែកព័តមាននេះ