ខេត្តស្ទឹងត្រែង ៖ សពក្មេងប្រុសដែលបានបាត់ខ្លួនដោយសារក្រឡាប់ទូកគ្រាទៅដាក់មងជាមួយឪពុកកាលពីយប់ថ្ងៃទី១៥ ខែកុម្ភៈ ឆ្នាំ២០១៨ នៅទន្លេភូមិសៀងមប៉ាង ឃុំសេកុង ស្រុកសៀមប៉ាង នៅព្រឹកថ្ងៃទី១៧ ខែកុម្ភៈ…
ខេត្តស្ទឹងត្រែង ៖ សពក្មេងប្រុសដែលបានបាត់ខ្លួនដោយសារក្រឡាប់ទូកគ្រាទៅដាក់មងជាមួយឪពុកកាលពីយប់ថ្ងៃទី១៥ ខែកុម្ភៈ ឆ្នាំ២០១៨ នៅទន្លេភូមិសៀងមប៉ាង ឃុំសេកុង ស្រុកសៀមប៉ាង នៅព្រឹកថ្ងៃទី១៧ ខែកុម្ភៈ ឆ្នាំ២០១៨ នេះ បានផុសពីទឹកមកវិញហើយ ហើយត្រូវបានក្រុមគ្រួសារស្រងមកលើគោកព្រមទាំងបាននិមន្តព្រះសង្ឃមកសូន្យមន្ត នៅនឹងកន្លែងរួមធ្វើការបូជាក្នុងវេលានោះដែរ ។
គួររំឭកថា គ្រោះអកុសលមួយទៀត បានកើតឡើងកាលពីយប់ថ្ងៃទី១៥ ខែកុម្ភៈ ឆ្នាំ២០១៨ ដោយក្មេងប្រុសវ័យ១២ឆ្នាំម្នាក់ បានក្រឡាប់ទូកគ្រាទៅដាក់មងជាមួយឪពុកនៅទន្លេសៀមប៉ាង ឃុំសេកុង ស្រុកសៀមប៉ាង ។ ទាក់ទិនករណីនេះ ត្រូវបានក្រុមគ្រួសារក្មេងរងគ្រោះបានបញ្ជាក់យ៉ាងខ្លីថា នៅយប់កើតហេតុ ឪពុក និងកូនបានអុំទូកទៅដាក់មង គ្រាដល់ទីតាំងចតទម្លាក់មង ឪពុកជាអ្នកអុំទូកចំណែកកូនជាអ្នកទម្លាក់មង គ្រាទម្លាក់មងចុះក្នុងទឹកទន្លេបែរខ្សែមងចងដោយដុំថ្មរុំ និងក្បាលទូកបណ្តាលឲ្យក្រឡាប់លិច ហើយឪពុកបានស្រវាចាប់យកប៊ីដុងដើម្បីឱបកូន តែជាអកុសលកូនប្រុសរបស់ខ្លួនបានលិចទៅក្នុងទន្លេបាត់សូន្យតែម្តង ៕
ចែករំលែកព័តមាននេះ