ប្រទេសស៊ីរី-ប្រទេសរុស្ស៊ី ៖ ក្រសួងការបរទេសរុស្ស៊ីគូសបញ្ជាក់កាលពីថ្ងៃទី១៥ កុម្ភៈថា ជនជាតិរុស្ស៊ី៥នាក់បានត្រូវស្លាប់ហើយច្រើននាក់ទៀតរបួសក្នុងការវាយប្រហារតាមអាកាសនានារបស់ក្រុមចម្រុះនាំមុខដោយសហរដ្ឋអាមេរិកកាលពីសប្តាហ៍មុននៅភាគខាងកើតស៊ីរីហើយបញ្ជាក់ថាជនរងគ្រោះទាំងនេះពុំស្ថិតក្នុងកងទ័ពរុស្ស៊ីឡើយ ។
បណ្តាអង្គការយោធាប្រតិព័ទ្ធ និងជាតិនិយមរុស្ស៊ីរៀបរាប់ពីមនុស្សរបស់ពួកគេស្លាប់និងរបួស ក្រោយការវាយប្រហារទាំងនោះកាលពីថ្ងៃទី៧ កុម្ភៈ នៅតំបន់ DEIR EZZOR ប្រឆាំងកងកម្លាំងស្និទ្ធលោកអាសាដ ។
អ្នកនាំពាក្យក្រសួងការបរទេសរុស្ស៊ី លោកស្រីម៉ារីយ៉ា ហ្សាខារ៉ូវ៉ា ថ្លែងទៅកាន់ក្រុមអ្នកកាសែតពី យោងតាមព័ត៌មានដំបូងៗគេអាចនិយាយថា ការស្លាប់មនុស្ស៥នាក់ដែលជាជនជាតិរុស្ស៊ី ដោយសារការប៉ះទង្គិចគ្នាដោយអាវុធហើយមូលហេតុកំពុងធ្វើការសិក្សា។ លោកស្រីបន្តថា ក៏មានអ្នករបួសផងដែរ ។ ជនរងគ្រោះទាំងនេះពុំមែនជាទាហានរុស្ស៊ីទេ ។
សារព័ត៌មានរុស្ស៊ីនិងបរទេសមួយចំនួនមុននេះរៀបរាប់ពីតុល្យការខុសៗគ្នា ដោយខ្លះថាអ្នកស្លាប់មានដល់ជាង២០០នាក់ឯណោះ ក្នុងការវាយប្រហារនេះ ។
យោងតាមមន្ទីរប៉ង់តាហ្គោនថា យុទ្ធជនស្និទ្ធរបបស៊ីរីដល់ទៅយ៉ាងតិច១០០នាក់ស្លាប់ក្នុងការវាយប្រហារទាំងនេះធ្វើឡើងជាការតបតចំពោះការវាយប្រហារមួយប្រឆាំងទីតាំងរបស់ក្រុមចម្រុះអារ៉ាប់-ឃើត ស៊ីរីមួយទ្រទ្រង់ដោយអាមេរិក ។ ក្រោយការវាយប្រហារនេះក្រសួងការពារប្រទេសរុស្ស៊ីអះអាងថាពុំមានទាហានរុស្ស៊ីណាម្នាក់នៅ DEIR EZZORឡើយ ។ ប៉ុន្តែបណ្តាសារព័ត៌មានរុស្ស៊ីគូសបញ្ជាក់ថា មានជនជាតិរុស្ស៊ីច្រើននាក់ដែលមកប្រយុទ្ធនៅស៊ីរី ក្នុងឋានៈជាទាហានស៊ីឈ្នួល ពិសេសសម្រាប់ក្រុមហ៊ុនយោធាឯកជនមួយហៅក្រុម «GROUPE WAGNER » ៕
ចែករំលែកព័តមាននេះ