ជាតិកាបូអ៊ីដ្រាតទាំងអស់ មិនត្រូវបានបង្កើតឡើង ដូចៗគ្នាទេ វាអាចមានចាប់ពីជាតិស្កររហូតដល់ជាតិអាមីដុង រហូតដល់ជាតិសរសៃ ដូច្នេះវាក៏មានឥទ្ធិពលចំពោះសុខភាព ខុសៗគ្នាដែរ ។ ភាពរេស៊ីស្តង់របស់អាមីដុង គឺជាកាបូអ៊ីដ្រាតមួយប្រភេទ…
ជាតិកាបូអ៊ីដ្រាតទាំងអស់ មិនត្រូវបានបង្កើតឡើង ដូចៗគ្នាទេ វាអាចមានចាប់ពីជាតិស្កររហូតដល់ជាតិអាមីដុង រហូតដល់ជាតិសរសៃ ដូច្នេះវាក៏មានឥទ្ធិពលចំពោះសុខភាព ខុសៗគ្នាដែរ ។ ភាពរេស៊ីស្តង់របស់អាមីដុង គឺជាកាបូអ៊ីដ្រាតមួយប្រភេទ ដែលត្រូវបានគេចាត់ទុកថាជាជាតិសរសៃដែរ ។
កាលណាញ៉ាំអាមីដុងរ៉េស៊ីស្តង់នេះកាន់តែច្រើន អាចមានប្រយោជន៍សម្រាប់បាក់តេរីល្អៗក្នុងពោះវៀន ព្រមទាំងកោសិការ ។ អ្វីដែលគួរឲ្យចាប់អារម្មណ៍នោះគឺថា ការស្រាវជ្រាវបានរកឃើញថា ការដែលយកបាយក្លាស្សេឲ្យត្រជាក់ អាចជួយឲ្យវាក្លាយទៅជាអាមីដុងរ៉េស៊ីស្តង់បាន ។
និយាយអំពីបាយវិញ ប្រជាជនខ្មែរយើងគឺមិនអាចអត់បាយបានទេ ព្រោះវាជាអាហារប្រចាំគ្រួសារ នីមួយៗទូទាំងប្រទេស ។ ការដែលដាក់បាយក្លាស្សេឲ្យត្រជាក់ក្រោយពីចម្អិនរួចអាចជំរុញដល់សុខភាពកាន់តែល្អ ដោយសារតែវាបង្កើនចំនួនអាមីដុងរ៉េស៊ីស្តង់។
ការសិក្សាមួយដែលប្រៀបធៀបទៅលើបាយដែលគេចម្អិនរួចថ្មី ជាមួយនឹងបាយដែលចម្អិនរួចយូរហើយដាក់ក្នុងទូទឹកកកក្លាស្សេ២៤ម៉ោង ហើយយកមកកម្តៅឡើយវិញ ។
ជាលទ្ធផលឃើញថា បាយដែលក្លាសេនោះឃើញមានចំនួនអាមីដុងរ៉េស៊ីស្តង់ច្រើនជាងបាយដាំរួចថ្មីៗរហូតដល់២,៥ដងឯណោះ ។ អ្នកស្រាវជ្រាវក៏បានធ្វើតេស្តទៅលើអ្វីដែលកើតឡើងលើបាយទាំងពីរប្រភេទនេះដែរ តាមរយៈឲ្យមនុស្សធំដែលមានសុខភាពល្អ១៥នាក់ញ៉ាំ ។ ពួកគេបានរកឃើញថា បាយដែកក្លាស្សេធ្វើឲ្យមានការឆ្លើយតបជាតិស្ករក្នុងឈាមតិចជាងបាយដែលដាំហើយ ថ្មីៗ ។
ខណៈពេលដែលរឿងនេះក៏ត្រូវការសិក្សាលើមនុស្សកាន់តែច្រើនទៀតនោះ តែការសិក្សាមួយដែលធ្វើលើសត្វកណ្តុរបានរកឃើញថា សត្វកណ្តុរដែលស៊ីបាយក្លាស្សេ គឺមិនសូវឡើងទម្ងន់ និងមានកូឡេស្តេរ៉ូលក្នុងឈាមចុះទាប ។
បើសិនជាអ្នកជាមនុស្សដែលញ៉ាំបាយជាទៀងទាត់ អ្នកប្រហែលជាអាចចម្អិនវាមួយថ្ងៃ ឬពីរថ្ងៃទុកសិន ។ បន្ទាប់មកយកវាដាក់ក្លាស្សេក្នុងទូរទឹកកកមួយយប់ ឬពីរបីថ្ងៃ ដើម្បីបង្កើនអាមីដុងរ៉េស៊ីស្តង់របស់វា ។ លើសពីនេះទៅទៀត បើយោងទៅតាមទិន្នន័យនៃការសិក្សា បាយដែលក្លាស្សេហើយ យកទៅកម្តៅឲ្យក្តៅវិញនៅតែមានអាមីដុងរ៉េស៊ីស្តង់ខ្ពស់ដដែលទេ ៕
ចែករំលែកព័តមាននេះ