រាជធានីភ្នំពេញ ៖ មន្ត្រីអ្នកនាំពាក្យគណបក្សប្រជាជនកម្ពុជាលោក សុខ ឥសាន បានហៅទង្វើរបស់អតីតក្រុមមន្ត្រីគណបក្សសង្គ្រោះជាតិនៅក្រៅប្រទេសកំពុងធ្វើបដិវត្តន៍ពណ៌លាងខ្លួន ។
លោក សុខ ឥសាន បានឲ្យដឹងនៅថ្ងៃទី១៦ ខែកុម្ភៈ ឆ្នាំ២០១៨ ថាអ្នកណាក៏ដឹងដែរថាបដិវត្តន៏ពណ៌គឺជារូបភាពថ្មីនៃរបៀបផ្តួលរំលំរដ្ឋាភិបាលស្របច្បាប់ដែលមិនបម្រើឲ្យនយោបាយ និងមនោគមន៏វិជ្ជារបស់មេក្លោងធំលើពិភពលោកដែលចង់ដណ្តើមយកកម្ពុជាធ្វើជាភូមិសាស្ត្រនយោបាយរបស់ខ្លួន ។ បដិវត្តន៏ពណ៌បានជោគជ័យនៅប្រទេសមួយចំនួននៅអាហ្វ្រិកខាងជើង និង នៅមជ្ឈឹមបូព៌ា ដែលបង្កវិនាសកម្មដ៏ធ្ងន់ធ្ងរដល់ប្រទេសពាក់ព័ន្ធធ្វើឲ្យប្រជាជនរងទុក្ខវេទនារ ទីបំផុតគ្មាន ។
លោកបន្តថា នៅកម្ពុជាដែលប្រជាជនបានធ្លាប់ឆ្លងកាត់សោកនាដកម្មរាប់មិនអស់រួចហើយមិនចង់ឲ្យកើតគ្រោះមហន្តរាយដូចអតីតកាលជាថ្មីទៀតឡើយ ។ ដូច្នេះហើយបានជាបដិវត្តន៏ពណ៌ទោះតាមរូបភាពអ្វីក៏ដោយត្រូវបាន បរាជ័យយ៉ាងអាម៉ាស់នៅកម្ពុជា ដែលបង្កការឈឺចាប់ដល់មេក្លោង និងអាយ៉ងទាំងឡាយបាក់ស្បាត នីរទេសខ្លួនឯទៅបរទេស ទៅឱបដៃឱបជើងចៅហ្វាយនាយគ្រប់ទិសទីនៅតែមិនបានផល ។
លោក សុខ ឥសាន បានបញ្ជាក់ថា «ដើម្បីលុបលាងមុខមាត់បរាជ័យរបស់ខ្លួនមេក្លោង និងកូនជឹងបាននឹងកំពុងខិតខំផ្សព្វផ្សាយព័ត៌មានឆ្នៃប្រឌិតថា រាជរដ្ឋាភិបាលកម្ពុជារឹតបន្តឹងសេរីភាពសារព័ត៌មាន រឹតបន្តឹងសេរីភាពធ្វើនយោបាយ និងធ្វើទុក្ខបុកម្នេញបក្សប្រឆាំង ព្រមទាំងពួកដែលគេឲ្យឈ្មោះថាអ្នកប្រជាធិបតេយ្យ ហើយខិតខំពង្រីកគុណសម្បត្តិរបស់បណ្តាញរបស់ខ្លួនឲ្យមើលឃើញថា មានតែក្រុមគេទេដែលល្អលុបលាងមុខមាត់អាក្រក់របស់ពួកគេ បោកប្រាស់សាធារណមតិយ៉ាងងងើលគ្មានអៀនខ្មាស់» ៕
ចែករំលែកព័តមាននេះ