បណ្ដាស្ដ្រីដែលអស់រដូវឬមានអាយុចាប់ពី៤៣ឆ្នាំ ដល់៨០ឆ្នាំ ចូលចិត្ដទទួលទានសាច់គ្មានខ្លាញ់ក្នុងបរិមាណច្រើនដើម្បី បញ្ចុះទម្ងន់នោះអាចប្រឈមនឹងជំងឺស្ពោតឆ្អឹង ។ នេះបើ យោងតាមការអះអាងរបស់អ្នកវិទ្យាសាស្ដ្រ នៅសាកលវិទ្យាល័យ Purdue Universtiy របស់អាមេរិក ។
បណ្ដាស្ដ្រីដែលអស់រដូវឬមានអាយុចាប់ពី៤៣ឆ្នាំ ដល់៨០ឆ្នាំ ចូលចិត្ដទទួលទានសាច់គ្មានខ្លាញ់ក្នុងបរិមាណច្រើនដើម្បីបញ្ចុះទម្ងន់នោះអាចប្រឈមនឹងជំងឺស្ពោតឆ្អឹង ។ នេះបើ យោងតាមការអះអាងរបស់អ្នកវិទ្យាសាស្ដ្រ នៅសាកលវិទ្យាល័យ Purdue Universtiy របស់អាមេរិក ។
បណ្ដាអ្នកស្រាវជ្រាវបានរកឃើញថា ស្ដ្រី ដែលទទួលទានអាហារសំបូរទៅដោយប្រូតេអ៊ីនច្រើនដែលក្នុងនោះមានដូចជាសាច់គ្មានខ្លាញ់ក្នុងបរិមាណច្រើនពិតជាអាចបញ្ចុះ ទម្ងន់បាន តែទន្ទឹមនឹងនេះពួកគាត់ក៏បាត់បង់នូវដង់ស៊ីតេរ៉ែការពារឆ្អឹងយ៉ាងច្រើនផងដែរ ។
លោកសាស្ដ្រាចារ្យ Wayne Compbell បាននិយាយថា យើងដឹងថា ស្ដ្រីទាំងនេះអាចបញ្ចុះទម្ងន់ខ្លួនបានយ៉ាងច្រើននៅពេល ដែលពួកគាត់ប្រើប្រាស់ប្រូតេអ៊ីនច្រើននៅក្នុងអាហារ តែយើងក៏បានរកឃើញដែរថា ស្ដ្រីទាំងនេះកំពុងប្រឈមនឹងការបាត់បង់ដង់ស៊ីតេរ៉ែការពារឆ្អឹងលឿនជាងបណ្ដាស្ដ្រី ដែលទទួលទានអាហារមានប្រូតេអ៊ីនក្នុងកំរិតធម្មតា។
ជំងឺ Osteoporosis ឬជំងឺពុកឆ្អឹងធ្វើឱ្យ ឆ្អឹងខ្សោយស្រួយនិងងាយបាក់ ។ ជំងឺនេះភាគច្រើនកើតចំពោះស្ដ្រីដែលអស់រដូវ ។ លោកសាស្ដ្រាចារ្យជាមផបលេលបានពន្យល់ ទៀតថា លទ្ធផលនៃការស្រាវជ្រាវនេះបង្ហាញថា ស្ដ្រីវ័យចំណាស់កំពុងប្រឈម នឹងជំងឺឆ្អឹង ខណៈដែលពួកគេព្យាយាមបញ្ចុះទម្ងន់ ។ ការរកឃើញនេះក៏បានបង្ហាញទៀតថាបរិមាណនិងប្រភពនៃប្រូតេអ៊ីនជា បញ្ហាសំខាន់ដែលត្រូវពិចារណាខណៈដែលគេជ្រើសរើសយករបបអាហារដើម្បីបញ្ចុះទម្ងន់ ។
លោកសាស្ដ្រាចារ្យបានបន្ថែមថា គេគួរតែពិគ្រោះយោបល់ជាមួយក្រុមអ្នកជំនាញខាងរបបអាហារជាមុនសិនអំពីថាតើត្រូវធ្វើដូចម្ដេចដើម្បីទទួលបានការបញ្ចុះទម្ងន់រាងកាយប្រកបដោយសុខភាព ព្រមទាំងធ្វើឱ្យមានលំនឹងរាងកាយដែលក្នុងនោះមានដូចជាសាច់ដុំ និងឆ្អឹងជាដើម ៕
ចែករំលែកព័តមាននេះ