ថៃ ៖ តាមប្រភពព័ត៌មាន The Sun បានឲ្យដឹងថា បុរសម្នាក់អាយុ៤២ឆ្នាំ បានបាញ់សម្លាប់ខ្លួនឯង ដោយសារតែបាត់កន្ទុយឆ្នោតប្រាក់១,៣៣០,០០០ដុល្លារអាមេរិក បន្ទាប់ពីជប់លៀងជាមួយមិត្តភក្តិរួច។…
ថៃ ៖ តាមប្រភពព័ត៌មាន The Sun បានឲ្យដឹងថា បុរសម្នាក់អាយុ៤២ឆ្នាំ បានបាញ់សម្លាប់ខ្លួនឯង ដោយសារតែបាត់កន្ទុយឆ្នោតប្រាក់១,៣៣០,០០០ដុល្លារអាមេរិក បន្ទាប់ពីជប់លៀងជាមួយមិត្តភក្តិរួច។
ការឈ្នះឆ្នោតនេះ កើតឡើងតាំងពីខែវិច្ឆិកាឆ្នាំមុន។ តែករណីបាញ់សម្លាប់ខ្លួននេះ គឺកើតឡើងនៅថ្ងៃទី៣១ ខែមុននេះឯង។ បុគ្គលស្លាប់ឈ្មោះ Jirawut Pongphan បានចំណាយប្រាក់ចាក់ឆ្នោតលេខដដែលៗចំនួន៧ដង ដែលធ្វើឲ្យរូបគេឈ្នះបានទឹកប្រាក់ដ៏ច្រើនសន្ធឹកសន្ធាប់។ គ្រាន់តែដឹងថា ឈ្នះភ្លាម បុរសវ័យ៤២ឆ្នាំរូបនេះ បានហៅមិត្តភក្តិមកស៊ីផឹកនៅផ្ទះរបស់ខ្លួន មុននឹងពេលព្រឹកទៅបើកលុយឆ្នោត។ ស្រាប់តែព្រឹកឡើងក៏រកកន្ទុយឆ្នោតមិនឃើញ។ ភាពសប្បាយអររបស់គេ ត្រូវបានបាត់មួយរំពេច។
បុរសដែលរស់នៅក្នុងខេត្ត Chonburi ម្នាក់នេះ បានធ្លាក់ខ្លួនបាក់ទឹកចិត្តយ៉ាងខ្លាំង រហូតដល់ថ្នាក់ធ្វើអ្វីមិនបានដូចមុនសោះ។ រូបលោកមិនអាចទៅធ្វើការដូចមុន ហើយអ្វីៗបានប្រែប្រួលអស់។
ដល់ថ្ងៃទី៣១ ខែមករា ប៉ូលិសបានរកឃើញសាកសពរបស់បុរសឈ្នះឆ្នោតនៅក្នុងបន្ទប់គេង ជាមួយនឹងសំបុត្រមួយច្បាប់។ សំបុត្រនោះសរសេរថា៖ «សូមកុំបន្ទោសខ្ញុំអី ហើយក៏កុំធ្វើបាបគ្រួសារខ្ញុំ។ ខ្ញុំពិតជាឈ្នះឆ្នោតពិតមែន»។
នៅខណៈនេះ គេមិនទាន់ដឹងច្បាស់ថា តើប៉ូលិសធ្វើការស្រាវជ្រាវថា កន្ទុយឆ្នោតនោះបាត់ដោយសារមនុស្សលួច ឬក៏យ៉ាងណានោះទេ៕
ចែករំលែកព័តមាននេះ