រាជធានីភ្នំពេញ ៖ ធន់ មករា មកពីសមាគមកីឡាប្រដាល់ក្រសួងការពារជាតិ និងសរ រាជសីហ៍ មកពីក្លិបមោងឬស្សីមរតកគុនខ្មែរ ត្រូវបានគេរៀបចំផ្គូផ្គងឱ្យជួបប្រកួតជាមួយកីឡាករថៃនៅលើសង្វៀនទូរទស្សន៍MyTVនាថ្ងៃសុក្រទី១៦ កុម្ភៈ…
រាជធានីភ្នំពេញ ៖ ធន់ មករា មកពីសមាគមកីឡាប្រដាល់ក្រសួងការពារជាតិ និងសរ រាជសីហ៍ មកពីក្លិបមោងឬស្សីមរតកគុនខ្មែរ ត្រូវបានគេរៀបចំផ្គូផ្គងឱ្យជួបប្រកួតជាមួយកីឡាករថៃនៅលើសង្វៀនទូរទស្សន៍MyTVនាថ្ងៃសុក្រទី១៦ កុម្ភៈ ស្អែកនេះ។ អ្នកនិយមទស្សនាកីឡាប្រដាល់កំពុងតែទន្ទឹងរង់ចាំមើលថាតើកីឡាករកម្ពុជាទាំង២រូបនេះមួយណាសម្រេចគោលដៅ ខណៈកីឡាករថៃដែលពួកគេត្រូវជួបហាក់មានវិជ្ជាគុនខ្លាំងពិបាកផ្ដួលអ៊ីចឹងនោះ។
ធន់ មករា ធ្លាប់ប្រកួត៣៣ដង ឈ្នះ៣១ដង(ផ្ដួលគូប្រកួតឱ្យសន្លប់១៣ដង) ស្មើ២ដង និងចាញ់១ដង ត្រូវជួបប្រកួតជាមួយកីឡាករថៃឈ្មោះដាំងកានវ៉ាន ស៊ីត.ក ក្នុងប្រភេទទម្ងន់៥៧គីឡូក្រាម ។ កីឡាករថៃរូបនេះធ្លាប់ប្រកួត៨៣ដង ឈ្នះ៦២ដង(ផ្ដួលគូប្រកួតឱ្យសន្លប់៨ដង) ស្មើ៥ដង និងចាញ់១៧ដង ។
យោងតាមប្រវត្តិប្រកួត ធន់ មករា គ្រាន់តែជាអ្នកប្រដាល់ក្មេងខ្ចីម្នាក់ប៉ុណ្ណោះ ប៉ុន្តែបើមើលលទ្ធផលប្រកួតដែលគេទទួលបានវិញពិតជាមិនធម្មតា ទើបគេពិបាកប៉ាន់ស្មាន
លទ្ធផលចុងក្រោយនៅក្នុងជំនួបជាមួយជើងខ្លាំងថៃដែលមានប្រវត្តិប្រកួតច្រើនជាងពាក់កណ្ដាលនាពេលនេះណាស់ ។
សរ រាជសីហ៍ ធ្លាប់ប្រកួត៨០ដង ឈ្នះ៥៨ដង(ផ្ដួលគូប្រកួតឱ្យសន្លប់១៨ដង)ស្មើ១ដងនិងចាញ់២១ដង ត្រូវជួបប្រកួតជាមួយកីឡាករថៃឈ្មោះឆាយឆាក់កាន់ គៀតវិនៃ ក្នុងប្រភេទទម្ងន់៧១គីឡូក្រាម ។ កីឡាករថៃរូបនេះធ្លាប់ប្រកួត៨៥ដង ឈ្នះ៦០ដង(ផ្ដួលគូប្រកួតឱ្យសន្លប់២០ដង) ស្មើ៥ដង និងចាញ់២០ដង ។ គូនេះបើយោងតាមប្រវត្តិប្រកួតពួកគេអាចស៊ីសងគ្នាបាន ដូច្នេះចាំមើល៍មើលរវាងសរ រាជសីហ៍ និងឆាយឆាក់កាន់ គៀតវិនៃ មួយណាជាអធិរាជនៅលើសង្វៀន។
ចំណែកគូប្រកួតមិត្តភាពធម្មតាវិញកីឡាករ ទឹម នី មកពីសមាគមកីឡាប្រដាល់ក្រសួង
កសិកម ត្រូវជួបប្រកួតជាមួយកីឡាករ ចៅ ចេក មកពីក្លិបយុវវាលស្បូវខណ្ឌច្បារអំពៅ និងកីឡាករ យ៉ុន ដារ័ត្ន មកពីក្លិបតាឡីដំរីមានរិទ្ធ ប្រកួតជាមួយកីឡាករ ពុទ្ធ សំបូរ មកពីក្លិបពុទ្ធសេរីវង្សពោធិសែនជ័យ៕
ចែករំលែកព័តមាននេះ