រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ថា(គ.ជ.ប) បានអះអាងថា ក្នុងរយៈពេល៥ថ្ងៃ នៃយុទ្ធនាការឃោសនាបោះឆ្នោតព្រឹទ្ធសភារបស់គណបក្សនយោបាយមានភាពល្អប្រសើរ និងគ្មានហិង្សានោះទេ ។ យោងតាមសេចក្តីប្រកាសព័ត៌មានរបស់(គ.ជ.ប)…
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ថា(គ.ជ.ប) បានអះអាងថា ក្នុងរយៈពេល៥ថ្ងៃ នៃយុទ្ធនាការឃោសនាបោះឆ្នោតព្រឹទ្ធសភារបស់គណបក្សនយោបាយមានភាពល្អប្រសើរ និងគ្មានហិង្សានោះទេ ។
យោងតាមសេចក្តីប្រកាសព័ត៌មានរបស់(គ.ជ.ប) កាលពីថ្ងៃទី១៤ ខែកុម្ភៈនេះបានឲ្យដឹងថ្ងៃទី១៤ គឺជាថ្ងៃទី៥ នៃយុទ្ធនាការឃោសនាបោះឆ្នោតរបស់គណបក្សនយោបាយ ដែលបានឈរ ឈ្មោះក្នុងការបោះឆ្នោតព្រឹទ្ធសភា នីតិកាលទី៤ ដែលនឹងប្រព្រឹត្តិទៅនាថ្ងៃទី២៥ ខែកុម្ភៈខាងមុខនេះមានភាពល្អប្រសើរ ។
គណបក្សប្រជាជនកម្ពុជា បានធ្វើសកម្មភាពប្រមូលផ្តុំគ្នា ប្រជុំឃោសនាផ្សព្វផ្សាយ គោលនយោបាយនៅតាមទីស្នាក់ការគណបក្សស្រុកវាលវែង ខេត្តពោធិ៍សាត់ ដោយមានអ្នកចូលរួមចំនួន១០០នាក់ នៅស្រុកស្រីសន្ធរ ខេត្តកំពងចាម មានអ្នកចូលរួមចំនួន១០១នាក់ នៅក្រុងបាវិតខេត្តស្វាយរៀង តាមរយបាយការបញ្ជាក់ពីប្រធានគណៈកម្មការរៀបចំការបោះឆ្នោត ខេត្តពោធិ៍សាត់ កំពង់ចាម និងខេត្តស្វាយវៀង ។
(គ.ជ.ប) ក៏បានលើកឡើងទៀតថា របាយការណ៍របស់គណៈកម្មការរៀបចំការបោះឆ្នោតខេត្តព្រៃវែង សៀមរាប ត្បូងឃ្មុំ និងខេត្តបន្ទាយមានជ័យ សម្រាប់ថ្ងៃទី៥ នៃយុទ្ធនាការឃោសនាបោះឆ្នោត មិនមានគណបក្សនយោបាយណាមួយហែក្បូនឃោសនាបោះឆ្នោតទេ ។
ជាទូទៅយុទ្ធនាការឃោសនាបោះឆ្នោតរយៈពេលប្រាំថ្ងៃបានប្រព្រឹត្តិទៅដោយភាពស្ងប់ស្ងាត់ ស្ថិរភាពល្អ គ្មានហិង្សា និងគ្មានបណ្តឹងណាមួយត្រូវបានដាក់នៅគណៈកម្មការរាជធានីខេត្តរៀបចំការបោះឆ្នោតនោះទេ ។
សូមស្វែងយល់ពីការបោះឆ្នោតព្រឹទ្ធសភាអាណត្តិទី៤ នៅកម្ពុជា ។ ការបោះឆ្នោតព្រឹទ្ធសភា អាណត្តិទី៤ ធ្វើឡើងថ្ងៃទី២៥ ខែកុម្ភៈ ឆ្នាំ២០១៨ មានគណបក្សនយោបាយដែលចូលរួមមានចំនួន៤ ក្នុងនោះមានគណបក្សប្រជាជនកម្ពុជា គណបក្សហ្វ៊ុន ស៊ិនប៉ិច គណបក្សខ្មែររួបរួមជាតិ និងគណបក្សយុវជនកម្ពុជា ។ យុទ្ធនាការឃោសនាធ្វើឡើងរយៈពេល២សប្តាហ៍ ចាប់ពីថ្ងៃទី១០ ដល់២៣ ខែកុម្ភៈ ឆ្នាំ២០១៨ ។ សមាជិក (គ.ជ.ប) ដែលដឹកនាំការរៀបចំការបោះឆ្នោតនេះ មានចំនួន៩នាក់ ដែលមានលោក ស៊ិក ប៊ុនហុក កូតាមកពីគណបក្សប្រជាជន កម្ពុជាជាប្រធាន ។ ការបោះឆ្នោតជ្រើសតាំងសមាជិកព្រឹទ្ធសភានីតិកាលទី៤ ឆ្នាំ២០១៨ មាន អាសនៈ ចំនួន ៦២អាសនៈ និងអ្នកបោះឆ្នោតមានចំនួន ១១,៦៩៥នាក់ ។
(គ.ជ.ប) នេះមានអ្នកនាំពាក្យ២រូប គឺលោកហង្ស ពុទ្ធាអតីតប្រធាននិកហ្វិក និងលោក ឌឹម សុវ ណ្ណារុំ ប្រធានផ្នែកទំនាក់ទំនងសាធារណៈនៃសាលាក្តីខ្មែរក្រហម ។ ការបោះឆ្នោតនេះមាន ការិយាល័យបោះឆ្នោតចំនួន៣៣ នៅក្នុង២៥ រាជធានី-ខេត្ត និងមានអង្គបោះឆ្នោត (អ្នកបោះឆ្នោត) សរុបចំនួន១១,៦៩៥នាក់ ក្នុងនោះមានសមាជិកក្រុមប្រឹក្សាឃុំ-សង្កាត់ ចំនួន ១១,៥៧២នាក់ និងតំណាងរាស្ត្រ មានចំនួន ១២៣នាក់ ។
តាមគោលការណ៍ច្បាប់ សមាជិកព្រឹទ្ធសភាចំនួន២រូប ត្រូវចាត់តាំងដោយព្រះមហាក្សត្រ និង២រូបទៀតត្រូវជ្រើសតាំង ដោយរដ្ឋសភាតាមសំឡេងភាគច្រើន ។ ដោយឡែកសមាជិកព្រឹទ្ធសភាចំនួន៥៨រូបទៀត ដែលត្រូវជ្រើសតាមការបោះឆ្នោតជាអសកល ដោយសមាសភាពក្រុមប្រឹក្សាឃុំ សង្កាត់ ។ ការបោះឆ្នោតជ្រើសតាំងសមាជិក ព្រឹទ្ធសភា សម្រាប់នីតិកាលទី៤ ត្រូវបែងចែកតាមភូមិភាគដូចជា ភូមិភាគទី១ គឺរាជធានីភ្នំពេញ មានចំនួន៦អាសនៈ ។ ភូមិភាគទី២ គឺខេត្តកំពង់ចាម និងខេត្តត្បូងឃ្មុំ មានចំនួន៨អាសនៈ ។ ភូមិភាគទី៣ គឺខេត្តកណ្តាលមានចំនួន៥អាសនៈ ។ ភូមិភាគទី៣ គឺខេត្តកណ្តាលមានចំនួន៥អាសនៈ ។ ភូមិភាគទី៤ ខេត្តបាត់ដំបង ខេត្តបន្ទាយមានជ័យ ខេត្តរៀមរាប ខេត្តឧត្តរមានជ័យ និងខេត្តប៉ៃលិន មាន១០អាសនៈ ។ ភូមិភាគទី៥ ខេត្តតាកែវ ខេត្តកំពត និងខេត្តកែប មាន៧អាសនៈ ។ ភូមិភាគទី៦ ខេត្តព្រៃវែង និងខេត្តស្វាយរៀង មាន៧អាសនៈ ។ ភូមិភាគទី៦ ខេត្តព្រៃវែង និងខេត្តស្វាយរៀង មាន៧អាសនៈ ។ ភូមិភាគទី៧ គឺខេត្តកំពង់ស្ពឺ ខេត្តកំពង់ឆ្នាំង ខេត្តពោធិសាត់ ខេត្តកោះកុង និងខេត្តព្រះសីហនុ មាន៩អាសនៈ ។ ភូមិភាគទី៨ ខេត្តកំពង់ធំ ខេត្តព្រះវិហារ ខេត្តក្រចេះ ខេត្តស្ទឹងត្រែង ខេត្តរតនគិរី និងខេត្តមណ្ឌលគិរី មាន៦អាសនៈ ៕
ចែករំលែកព័តមាននេះ