ជប៉ុន ៖ តាមប្រភពព័ត៌មាន Viral4real បានឲ្យដឹងថា ស្ត្រីមិនបញ្ចេញឈ្មោះម្នាក់ បានបង្ហោះរូបថតជាច្រើនសន្លឹក ដែលបង្ហាញពីនាងកាលពីដប់ឆ្នាំមុន។ នាងបានអះអាងថា កាលនោះនាងស្គមបែបនេះ ដោយសារតែជីតារបស់នាងបង្អត់អាហារមិនឲ្យនាងទទួលទានអ្វីឡើយ ដែលធ្វើឲ្យនាងស្រក់ទម្ងន់នៅសល់ត្រឹមតែ១៧គីឡូក្រាម។
នាងប្រាប់ថា ជីតារបស់នាងមិនត្រឹមតែបង្អត់អាហារនោះទេ គាត់ថែមទាំងប្រើកម្លាំងបាយវាយធ្វើបាបនាងឲ្យក្អួតជាញឹកញាប់ទៀតផង។ នាងថា កាលនោះនាងស្ទើរតែស្លាប់ទៅហើយ កុំតែបានលួចញ៉ាំពេលជីតានាងមិនដឹងតែប៉ុណ្ណោះ។
នាងបង្ហោះរូបថតពីអតីតកាលរបស់នាង ដើម្បីឲ្យអ្នករាល់គ្នាដែលជួបប្រទះនឹងរឿងរ៉ាវដូចនាង ហ៊ានក្រោកឈរឡើងហើយស្រែករកអ្នកជួយ។ បើមិនដូច្នោះទេ វានឹងយឺតពេលហើយ។
នាងបានបន្ថែមថា ពេលដែលនាងចេញផុតពីកណ្តាប់ដៃរបស់ជីតាគំរកម្នាក់នោះហើយ គ្រូពេទ្យថា តែដប់នាទីទៀតនាងនឹងស្លាប់ហើយ ប្រសិនបើនៅតែបែបនេះទៀត។
ថ្វីបើនាងបង្ហោះនេះក្នុងន័យល្អ មហាជននៅក្នុងបណ្តាញសង្គមចោទថា នាងកុហក ហើយថារូបនោះមិនមែនជារូបរបស់នាងឡើយ។ ក្រោយមកនាងក៏បង្ហោះរូប ពេលដែលនាងទៅមន្ទីរពេទ្យជាមួយនឹងស្នាមជាំលើទ្រូងរបស់នាងទៀត ដែលបន្សល់ទុកពីស្នាដៃជីតារបស់នាង។
នៅបច្ចុប្បន្ននេះ នាងមានរូបរាងស្អាតដូចគេដូចឯងវិញហើយ ក្នុងវ័យខ្ទង់២០ឆ្នាំ។ នេះពិតជាស្ទើរតែមិនគួរឲ្យជឿ ដែលនាងអាចរួចផុតពីសេចក្តីស្លាប់ទាន់ពេលវេលា៕
ចែករំលែកព័តមាននេះ