សហរដ្ឋអាមេរិក ៖ ក្រសួងយុត្តិធម៌អាមេរិករាយការណ៍ថា ជនវាយប្រហារដោយគ្រាប់បែកច្នៃបណ្តាលឱ្យមនុស្ស៣០នាក់រងរបួសនៅសង្កាត់CHELSEA ក្រុងញូវយ៉កកាលពីខែកញ្ញា ឆ្នាំ២០១៦ កាលពីថ្ងៃទី១៣ កុម្ភៈ ទទួលការកាត់ទោសដាក់គុកអស់មួយជីវិត ។…
សហរដ្ឋអាមេរិក ៖ ក្រសួងយុត្តិធម៌អាមេរិករាយការណ៍ថា ជនវាយប្រហារដោយគ្រាប់បែកច្នៃបណ្តាលឱ្យមនុស្ស៣០នាក់រងរបួសនៅសង្កាត់CHELSEA ក្រុងញូវយ៉កកាលពីខែកញ្ញា ឆ្នាំ២០១៦ កាលពីថ្ងៃទី១៣ កុម្ភៈ ទទួលការកាត់ទោសដាក់គុកអស់មួយជីវិត ។
ជនឈ្មោះAHMAD KHAN RAHIMI អាយុ៣០ឆ្នាំ កាលពីខែតុលា ឆ្នាំ២០១៧ ត្រូវបានតុលាការសហព័ន្ធម៉ាន់ហាតាន់ ធ្វើការចោទប្រកាន់៨ករណីក្នុងនោះមានការចោទប្រកាន់ពីបទប្រើអាវុធសម្លាប់រង្គាលមួយ ។ ជននេះកើតនៅអាហ្វហ្គានីស្ថាន មានសញ្ជាតិអាមេរិក ។
យោងតាមការស៊ើបអង្កេតថាជននោះបានប្រើគ្រាប់បែកច្នៃ២គ្រាប់កាលពីថ្ងៃទី១៧ កញ្ញា ឆ្នាំ២០១៦ វាយប្រហារនៅក្នុងសង្កាត់ CHELSEA មានមនុស្សកុះករនាកណ្តាលតំបន់ម៉ាន់ហាតាន់ ។ គ្រាប់បែក១គ្រាប់ពុំបានផ្ទុះឡើយ តែ១គ្រាប់ទៀតដាក់ក្នុងធុងសំរាមមួយនៃវិថីលេខ២៣បានផ្ទុះបណ្តាលឱ្យមនុស្ស៣០នាក់រងរបួស ហើយបណ្តាលឱ្យមានការភ្ញាក់ផ្អើលនៅក្រុងញូវយ៉ក ។ នេះជាការវាយប្រហារភេរវកម្មលើកដំបូងនៅក្រុងញូវយ៉កចាប់តាំងពីការវាយប្រហារភេរវកម្មថ្ងៃទី១១ កញ្ញា ឆ្នាំ២០០១មក ៕
ចែករំលែកព័តមាននេះ