យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា ក្មេងដែលចូលគេងទៀងម៉ោង មិនសូវជាមានអត្តចរិតមិនល្អឡើយ ។ រឿងនេះបានមកពីការសិក្សាថ្មីមួយ ដែលធ្វើទៅលើឥទ្ធិពលនៃការគេងមិនទៀង ពេលលើអាកប្បកិរិយារបស់ក្មេងៗ…
យោងទៅតាមសេចក្តីរាយការណ៍របស់សារព័ត៌មាន The Guardian បានឲ្យដឹងថា ក្មេងដែលចូលគេងទៀងម៉ោង មិនសូវជាមានអត្តចរិតមិនល្អឡើយ ។ រឿងនេះបានមកពីការសិក្សាថ្មីមួយ ដែលធ្វើទៅលើឥទ្ធិពលនៃការគេងមិនទៀង ពេលលើអាកប្បកិរិយារបស់ក្មេងៗ ។
អ្នកស្រាវជ្រាវបានសិក្សាទៅលើអាកប្បកិរិយា និងម៉ោងគេងរបស់ក្មេងច្រើនជាង១០០០០នាក់ ហើយក៏បានតាមដានរឿងនេះ នៅពេលពួកគេអាយុ៣ឆ្នាំ៥ឆ្នាំ និង៧ឆ្នាំដែរ ។ គេបានរកឃើញថា ក្មេងដែលគេងមិនទៀងពេលវេលា គឺមានបញ្ហាលើអត្តចរិតរយៈពេលច្រើនឆ្នាំ ហើយក៏ច្រើនជាងក្មេងដែលគេងទៀងពេលដែរ ។ រឿងនេះត្រូវបានគេវាយតម្លៃតាមរយៈការប្រើប្រាស់កម្រងសំណួរ ដែលតម្រូវឲ្យម្តាយ និងគ្រូបង្រៀនរបស់ពួកគេ ឆ្លើយទាក់ទងនឹងអត្តចរិតរបស់ក្មេងទាំងនេះ ។
អ្វីដែលលើកទឹកចិត្តនោះគឺថា ទំនាក់ទំនងរវាងម៉ោងគេងមិនទៀងទាត់ និងអត្តចរិកមិនល្អកើតឡើងនេះ គឺអាចស្រួលបួលមកវិញបាន ។ មានក្មេងៗជាច្រើន ដែលមានប្រវត្តិអត្តចរិតមិនល្អកាលពីពេល មុនៗ ក៏ធ្លាប់មានអត្តចរិតល្អប្រសើរវិញដែរ នៅពេលពួកគេគេងទៀងពេលល្អឡើយងវិញ ។
ការពន្យល់មួយអំពីលទ្ធផលនៃការសិក្សានេះគឺថា អ្នកដែលគេងមិនទៀងពេល គឺមិន សូវគេងបានច្រើនឡើយ ។ រឿងនេះអាចជាឥទ្ធិពលយ៉ាងខ្លាំង ទៅលើការលូតលាស់នៃតំបន់ជាច្រើនរបស់ខួរក្បាល ដែលវាជាប់ទាក់ទងនឹងការសម្រួលខាងអាកប្បកិរិយារបស់ក្មេង ។ យ៉ាងណាមិញ ពួកគេមិនបានវាស់វែងទៅលើការគេងដោយផ្ទាល់ទេ ដូច្នេះយើងក៏ពិបាកនឹងទទួលយកលទ្ធផលនៃការសិក្សានេះដែរ ។
ការសិក្សានេះតែមួយ មិនអាចអះអាងបានថា កត្តា ផ្សេងៗ ក្រៅពីទម្លាប់នៃការគេង គឺមិនជះឥទ្ធិពលទៅលើអាកប្បកិរិយារបស់ក្មេងឡើយ ។ អាកប្បកិរិយារបស់ក្មេង គឺជាលក្ខណៈដ៏ស្មុគស្មាញខ្លាំងមួយ ហើយក៏មានកត្តាច្រើនដែលជះឥទ្ធិពលទៅលើវាដែរ។
ចូរចាំថា ការដែលចូលគេងទៀងពេល គឺត្រូវបានគេចាត់ទុកថា ជាអ្វីដែលក្មេងត្រូវការខ្លាំងបំផុត ហើយក៏ជាវិធីសាស្ត្រដ៏ល្អបំផុត ដើម្បីប្រាកដថា កូនអ្នកគេងក្នុងរយៈពេលមួយត្រឹមត្រូវ និងពង្រឹងដល់គុណភាពនៃការគេងរបស់គេទៀតផង ៕
ចែករំលែកព័តមាននេះ