សហរដ្ឋអាមេរិក ៖ កាលពីថ្ងៃចន្ទ រដ្ឋាភិបាលលោកប្រធានាធិបតី ដូណាល់ ត្រាំ បានចេញផែនការលម្អិតស្តីពីថវិកាសម្រាប់ឆ្នាំ២០១៩ ដែលស្នើឲ្យផ្លាស់ប្តូរការបង់ប្រាក់ផ្នែកសុខាភិបាល និងអភិវឌ្ឍន៍ឱសថ ។…
សហរដ្ឋអាមេរិក ៖ កាលពីថ្ងៃចន្ទ រដ្ឋាភិបាលលោកប្រធានាធិបតី ដូណាល់ ត្រាំ បានចេញផែនការលម្អិតស្តីពីថវិកាសម្រាប់ឆ្នាំ២០១៩ ដែលស្នើឲ្យផ្លាស់ប្តូរការបង់ប្រាក់ផ្នែកសុខាភិបាល និងអភិវឌ្ឍន៍ឱសថ ។
រដ្ឋមន្ត្រីសុខាភិបាល Alex Azar និយាយថា ៖« ការខិតខំប្រឹងប្រែងកាត់បន្ថយការចំណាយលើឱសថចេញដោយវេជ្ជបញ្ជា ជាពិសេស សម្រាប់មនុស្សចាស់ គឺឆ្លុះបញ្ចាំងពីការប្តេជ្ញាចិត្តដោះស្រាយបញ្ហាដ៏សំខាន់របស់លោកត្រាំ » ។
ផែនការថវិកានេះ ស្នើអនុញ្ញាតឲ្យរដ្ឋចំនួន៥ សាកល្បងផ្គត់ផ្គង់ឱសថ និងគំរូបង់ប្រាក់ក្នុងកម្មវិធីសុខាភិបាល ។ រដ្ឋទាំងនេះអាចជ្រើសរើសឱសថណាដែលទទួលបានការផ្គត់ផ្គង់ ដូច្នេះ ពួកគេអាចចរចាជាមួយក្រុមហ៊ុនផលិតដោយផ្ទាល់ដើម្បីបញ្ចុះតម្លៃ ។
ផែនការថវិកានេះ ក៏ទាមទារឲ្យកាត់បន្ថយតម្លៃឱសថសម្រាប់មនុស្សចាស់ផងដែរ ។
រដ្ឋាភិបាលនឹងតម្រូវឲ្យក្រុមហ៊ុនធានារ៉ាប់រង និងអ្នកគ្រប់គ្រងអត្ថប្រយោជន៍ឱសថស្ថានទាមទារការបញ្ចុះតម្លៃបន្ថែមទៀតសម្រាប់កម្មវិថីឱសថ Part D ។
សំណើមួយគ្មានក្នុងផែនការខាងលើ គឺអនុញ្ញាតឲ្យរដ្ឋាភិបាលចរចាតម្លៃទាំងនេះដោយផ្ទាល់ ។ អ្នកជំនាញគោលនយោបាយសុខាភិបាល និងសកម្មជនជាច្រើនថា រដ្ឋាភិបាលអាចចរចាឲ្យមានការបញ្ចុះតម្លៃបន្ថែមទៀតសម្រាប់ពលរដ្ឋប្រមាណ៥៧លាននាក់ក្នុងកម្មវិធីនេះ ។ ប៉ុន្តែក្រុមហ៊ុនឱសថបានព្យាយាមជៀសវាងមិនឲ្យរដ្ឋាភិបាលចូលរួម ហើយសមាជិកគណបក្សសាធារណរដ្ឋភាគច្រើនមិនគាំទ្រសំណើនេះទេ ។
ផែនការនេះក៏ផ្លាស់ប្តូរតម្លៃឱសថក្នុងកម្មវិធី Part B ដែរ ដែលត្រូវបានចេញដោយការិយាល័យវេជ្ជបណ្ឌិត ឬមន្ទីរពេទ្យ ដើម្បីបញ្ឈប់ក្រុមហ៊ុនផលិតឱសថដែលបង្កើនតម្លៃខ្ពស់ជាងអត្រាអតិផរណា ។
សំណើបន្ថយតម្លៃឱសថនេះកើតឡើងបន្ទាប់ពីក្រុមប្រឹក្សាផ្នែកសេដ្ឋកិច្ចរបស់លោកត្រាំ ចេញរបាយការណ៍មួយ ស្តីពីវិធីកាត់បន្ថយការចំណាយផ្នែកឱសថ ខណៈជំរុញការបង្កើតថ្មី។ របាយការណ៍នេះអះអាងថា តម្លៃឱសថដ៏ខ្ពស់ គឺមកពីប្រទេសដទៃគ្រប់គ្រងតម្លៃឱសថ ដែលធ្វើឲ្យពួកគេអាចទាញប្រយោជន៍ពីការបង្កើតថ្មីរបស់អាមេរិក ដោយការចំណាយតិច ៕
ចែករំលែកព័តមាននេះ