សុដន់ប្រហែលជាផ្នែកមួយដ៏ស្រស់ស្អាតជាងគេបំផុតនៅលើរាងកាយស្ត្រី ។ វាគឺជាទីតាំងមួយក្នុងចំណោមទីតាំងលំដាប់ទី១ដែលបណ្តាបុរសៗចោលភ្នែកមើល ។ ស្ត្រីតែងតែសង្កេតមើលសុដន់របស់ខ្លួន ប៉ុន្តែយ៉ាងណាក៏ដោយ ពួកគេបានដឹងតិចតួចបំផុតអំពីវា ។ ក្រៅតែពីធ្វើឱ្យមានចំណង់ផ្លូវភេទ សុដន់ក៏ជានិមិត្តរូបសម្រស់សម្រាប់ស្ត្រីផងដែរ ។ យើងសូមបង្ហាញជូននូវលក្ខណៈពិសេស៧ចំណុចដែលគេគួរតែដឹង ជាពិសេសគឺស្ត្រីខ្លួនឯងដើម្បីកុំឱ្យមានការភ្ញាក់ផ្អើល ឬអំពល់ចិត្ត ៖
១- សុដន់ស្ត្រីខាងឆ្វេងរមែងធំជាងខាងស្តាំ៖ ចំណុចនេះពិតជាពិបាកសង្កេតបន្តិច ប៉ុន្តែជាធម្មតាខាងឆ្វេងពិតជាធំជាងខាងស្តាំ ។ ជាការពិតសុដន់មួួយគូនេះមិនមានទំហំប៉ុនគ្នាទេ ។ ចំណែកឯក្បាលដោះវិញក៏ផ្លាស់ប្តូរទំហំផងដែរ និងមានអ្នកខ្លះវៀចទៅម្ខាង។ ដូច្នេះស្ត្រីមិនគួរភ្ញាក់ផ្អើល។
២- គ្រប់ស្ត្រីតែងមានដុះរោមនៅលើបរិវេណជុំវិញក្បាលសុដន់ (Areola)៖
រោមនៅទីនេះ សម្រាប់បុរសគឺមិនចូលចិត្តទេ ប៉ុន្តែនេះគឺជាការពិត ។ ដោយឡែកពណ៌រោមនេះអាស្រ័យទៅតាមសំបុររបស់ស្បែកនិងសក់របស់ស្ត្រីផងដែរ ។ ប្រសិនជាគេមានសក់ខ្មៅ និងសំបុរខ្មៅ រោមនៅជុំវិញក្បាលសុដន់នោះក៏ខ្មៅដែរ ។ មួយវិញទៀត សុដន់ស្ត្រីក៏អាចកើតមុននិងអាចម៌រុយដែរ ។ ដូច្នេះសូមថែរក្សាជាពិសេសចំពោះសុដន់របស់អ្នក ។
៣- ជាមធ្យមសុដន់មានទម្ងន់ប្រហែល ០,៥គីឡូក្រាម ៖
ទម្ងន់ជាមធ្យមរបស់សុដន់គឺប្រហែលជា ០,៥គីឡូក្រាម ប៉ុន្តែទម្ងន់អាចនឹងប្រែប្រួល(ធ្ងន់ជាងមុន)នៅពេលស្ត្រីមានវ័យចាស់បន្តិច ។ ត្រូវចងចាំថាស្ត្រីជក់បារីមានសុដន់យារធ្លាក់ជាងស្ត្រីមិនជក់។
៤- ស្ត្រីជាង២លាននាក់លើលោកវះកាត់កែសុដន់ ៖
សយោងតាមតួលេខនេះបញ្ជាក់ថា ស្ត្រីភាគច្រើនគិតពីសុដន់របស់ខ្លួន ដ្បិតមិនមែនស្ត្រីគ្រប់រូបដែលវះកាត់រួចសុទ្ធតែទទួលបានលទ្ធផលពេញចិត្តនោះឡើយ ។ ទោះយ៉ាងណាក្តី ស្ត្រីចូលចិត្តធ្វើបែបនេះភាគច្រើនមានអាយុចាប់ពី៣៤ឆ្នាំឡើងទៅ ។
៥- សុដន់រីកធំឡើងនៅពេលដែលមានអារម្មណ៍រីករាយផ្នែកផ្លូវភេទ ៖
សុដន់ឡើងតឹងនៅពេលស្ត្រីមានអារម្មណ៍រីករាយផ្លូវភេទ ។
៦- សុដន់មិនត្រូវការការបោកយោលទៅមកទេ ៖
ការរត់ ការដើរនិងការហាត់ប្រាណអ៊ែរ៉ូប៊ិចអាចធ្វើឱ្យសុដន់យោលបោកទៅមក ។ ចូរពាក់អាទ្រនាប់ពិសេសណាមួយកាត់បន្ថយការយោលបោកឱ្យបានទាបបំផុត ។ ធ្វើបែបនេះអាចជួយឱ្យស្ត្រីកាត់បន្ថយបានការឈឺចាប់ ។ ត្រូវចងចាំថា មុខងារសំខាន់របស់អាវទ្រនាប់គឺជួយការពារសុដន់របស់អ្នកឱ្យមានសុខភាពល្អ។
៧- សុដន់អាចប្តូររូបរាង ៖
វាស្តាប់ទៅហាក់ដូចជាចម្លែក ប៉ុន្តែការដេកផ្កាប់មុខជួនកាលអាចធ្វើឱ្យខូចរូបរាងសុដន់ ។ ស្ត្រីគួរយកចិត្តបន្ថែមទៀតលើឥរិយាបថដេកទើបអាចរក្សាបានភាពរឹងក្បំ និងទ្រង់ទ្រាយទំហំសុដន់របស់ខ្លួន ។ ឥរិយាបថដេកល្អជាងគេគឺផ្អៀង និងយកខ្នើយកល់ពីក្រោមជៀសវាងសុដន់ធ្លាក់សំយុងចុះ ៕
ចែករំលែកព័តមាននេះ