រាជធានីភ្នំពេញ ៖ រដ្ឋសភានៅព្រឹកថ្ងៃទី ១៤ កុម្ភៈ ឆ្នាំ២០១៨ នេះ បានបោះឆ្នោតតាមរយៈការលើកដៃអនុម័ត សម្រេចជាឯកច្ឆ័នលើសេចក្តីព្រាងច្បាប់វិសោធនកម្មច្បាប់ធម្មនុញ្ញដោយគ្មានការកែប្រែពីសមាជិករដ្ឋសភា ចំនួន១២៣រូប…
រាជធានីភ្នំពេញ ៖ រដ្ឋសភានៅព្រឹកថ្ងៃទី ១៤ កុម្ភៈ ឆ្នាំ២០១៨ នេះ បានបោះឆ្នោតតាមរយៈការលើកដៃអនុម័ត សម្រេចជាឯកច្ឆ័នលើសេចក្តីព្រាងច្បាប់វិសោធនកម្មច្បាប់ធម្មនុញ្ញដោយគ្មានការកែប្រែពីសមាជិករដ្ឋសភា ចំនួន១២៣រូប ។
ការអនុម័តច្បាប់វិសោធនកម្មច្បាប់រដ្ឋធម្មនុញ្ញ ធ្វើឡើងក្នុងសម័យប្រជុំវិសាមញ្ញនីតិកាលទី៥ ក្រោមអធិបតីភាពសម្តេច ហេង រិន ប្រធានរដ្ឋសភា ។ សេចក្តីព្រាងវិសោធនកម្មច្បាប់រដ្ឋធម្មនុញ្ញ គឺមានចំនួន៥ មាត្រា ៖ មាត្រា ៣៤, មាត្រា ៤២, មាត្រា៤៩, មាត្រា៥៣ និងមាត្រា ១១៨ ។
ខ្លឹមសារវិសោធនកម្មរដ្ឋធម្មនុញ្ញមួយក្នុងចំណោមមាត្រាទាំង៥ គឺមាត្រា១១៨ ថ្មី (មួយ) បានសម្រេចលុបថ្នាក់រដ្ឋលេខាធិការចេញជាសមាជិកគណៈរដ្ឋមន្ត្រី ដោយ មាត្រា១១៨ ថ្មី (មួយ) បានចែងថា៖ «គណៈរដ្ឋមន្ត្រីរាជរដ្ឋាភិបាលនៃព្រះរាជាណាចក្រកម្ពុជា ។ គណៈរដ្ឋមន្ត្រីត្រូវបានដឹកនាំដោយ នាយករដ្ឋមន្ត្រីមួយរូប អមដោយឧបនាយករដ្ឋមន្ត្រីព្រមទាំងមានទេសរដ្ឋមន្ត្រី និងរដ្ឋជាសមាជិក»។
សូមជម្រាបថា កាលពីថ្ងៃទី២ ខែកុម្ភៈ កន្លងមក គណៈរដ្ឋមន្ត្រីបានបើកកិច្ចប្រជុំពេញអង្គ ដោយបានអនុម័តលើកសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា ៣៤ថ្មី មាត្រា៤២ មាត្រា៤៩ មាត្រា៥៣ និងមាត្រា១១៨ ថ្មី នៃរដ្ឋធម្មនុញ្ញ នៃព្រះរាជាណាចក្រកម្ពុជា។ សេចក្តីព្រាងច្បាប់ស្តីពីវិសោធនកម្មក្រមព្រហ្មទណ្ឌ។
សេចក្តីព្រាងច្បាប់ស្តីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា៣១ និងមាត្រា៣២ នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញ។ និងសេចក្តីព្រាងច្បាប់ស្តីពីអាជ្ញាបណ្ណបញ្ជាសម្រាប់សុខភាពសាធារណៈ៕
ចែករំលែកព័តមាននេះ