ពិធីសំណេះសំណាល ចែកសៀវភៅគ្រួសារបក្សដល់ពលរដ្ឋ២១៦គ្រួសារ
- បាត់ដំបង
ខេត្តបាត់ដំបង ៖ នៅរសៀល ថ្ងៃទី១២ ខែកុម្ភៈ ឆ្នាំ២០១៨ ស្ថិតនៅភូមិរតនៈ សង្កាត់រតនៈ ក្រុងបាត់ដំបង មានពិធីសំណេះសំណាលចែកសៀវភៅគ្រួសារបក្ស…
ខេត្តបាត់ដំបង ៖ នៅរសៀល ថ្ងៃទី១២ ខែកុម្ភៈ ឆ្នាំ២០១៨ ស្ថិតនៅភូមិរតនៈ សង្កាត់រតនៈ ក្រុងបាត់ដំបង មានពិធីសំណេះសំណាលចែកសៀវភៅគ្រួសារបក្ស…
ខេត្តបាត់ដំបង ៖ នៅរសៀល ថ្ងៃទី១២ ខែកុម្ភៈ ឆ្នាំ២០១៨ ស្ថិតនៅភូមិរតនៈ សង្កាត់រតនៈ ក្រុងបាត់ដំបង មានពិធីសំណេះសំណាលចែកសៀវភៅគ្រួសារបក្ស ដល់ប្រជាពលរដ្ឋ ចំនួន២១៦គ្រួសារ ក្រោមអធិបតីភាពលោក ឯក សំអូន ប្រធានក្រុមការងារសង្កាត់រតនៈ ដោយមានសមាជិកមកចូលរួម ប្រមាណ៤០០នាក់។ លោកស្រី សេង ស៊ីណា ជំទប់ទី១សង្កាត់រតនៈ បានរាយការណ៍ អំពីសកម្មភាពកន្លងមកដែលក្រុមការងារចុះជួយជាប្រចាំនៅពេលប្រជាពលរដ្ឋជួបការលំបាក ទាំងផ្នែកជីវភាព និងសន្តិសុខឲ្យប្រជាជននៅក្នុងភូមិមានក្តីសុខមិនឲ្យមានជួបការភ័យខ្លាចអ្វីឡើយ។
បន្ទាប់មកលោក ប៊ិន សារ៉ន ប្រធានក្រុមការងារភូមិរតនៈ បានរៀបរាប់លម្អិតការចុះជួយសម្រួលការ លំបាកក្នុងរយៈពេល៣ខែកន្លងមកនេះគឺជួយដោះស្រាយជួយធ្វើផ្ទះក្នុងការស្នាក់នៅបានចំនួន៣ខ្នង ធ្វើផ្លូវចូលក្នុងភូមិដាក់លូ ចូលរួមបុណ្យទានផ្សេងៗ ជួយស្ត្រីសម្រាលកូន អស់ថវិកាចំនួន ១៤.៥៩១.០០០រៀល និង២.១៨១ដុល្លារ និងអង្ករ៥២០គីឡូក្រាមហើយកំពុងជួយជាបន្តទៅទៀត។ លោក ឯក សំអូន ប្រធានក្រុមការងារសង្កាត់បានថ្លែងថា ការជួបគ្នានេះគឺចង់ស្គាល់មុខក្រុមការងារ ជាមួយសមាជិកទាំងអស់ឲ្យបានច្បាស់ហើយងាយស្រួលក្នុងការទំនាក់ទំនងជួយគ្នាបន្ថែមទៀត ហើយក្នុងការចេញសៀវភៅគ្រួសារបក្សនេះគឺតាមគោលការណ៍របស់សម្តេចតេជោហ៊ុន សែន ជានាយករដ្ឋមន្ត្រី និងមានភាពងាយស្រួល អំពីតម្រូវការចាំបាច់បន្ថែមទៀត ដែលបងប្អូនយើង ត្រូវការទទួលបានដោយពិតប្រាកដ។
លោកបានបន្តទៀតថា ចំពោះកិច្ចការនយោបាយពេលនេះ យើងគ្មានអ្វីដែលត្រូវមករារាំង ញុះញង់ អូសទាញអារម្មណ៍បងប្អូនឲ្យធ្លាក់ចុះក្នុងភាពវិនាសហិនហោច និងអន្តរាយដូចកាលអាណត្តិមុនដែលមានការបោះឆ្នោតហើយចាញ់ឆ្នោតនាំបង្កើតបញ្ហាទាមទាររកការបោះឆ្នោត រាប់សន្លឹកឆ្នោតសារជាថ្មី បង្កជាបាតុកម្ម បំផុសបង្កើតជាបដិវត្តពណ៌ នាំឲ្យមានភាព ច្របូកច្របល់ក្នុងសង្គម ដោយក្រុមមួយក្តាប់តូចបានអុកឡុកទៀតបានឡើយ នេះជាចំណាត់ការបានទាន់ពេលវេលាដែលរាជរដ្ឋាភិបាលយើងបានទប់ស្កាត់បានទាន់ពេលវេលា។ នាឱកាសចុងក្រោយនៃពិធីសំណេះសំណាល គណៈអធិបតីបានប្រគេនសំពៅដល់ព្រះសង្ឃ១អង្គ និងថវិកា២ម៉ឺនរៀល ក្រុមប្រឹក្សាសង្កាត់ចំនួន៤នាក់ សាខាបក្សភូមិចំនួន៣នាក់ យុវជន១១នាក់ ទទួលបានថវិកាម្នាក់២ម៉ឺនរៀល និងសមាជិកបក្សចំនួន៣៣០នាក់ ក្នុងម្នាក់ទទួលបាន៥ពាន់រៀល៕
ចែករំលែកព័តមាននេះ