ប្រទេសអ៊ីរ៉ាក់ ៖ ថ្ងៃទី១២ កុម្ភៈ នៅvvប្រទេសគុយវ៉ែតមានបើកធ្វើសន្និសីទមួយស្តីពីការកសាងអ៊ីរ៉ាក់ឡើងវិញ ខណៈតុល្យភាពរវាងពួកស៊ីអ៊ីត និងពួកស៊ុននីត នៅទីនោះពុំទាន់មានការធានាដោយគេខ្លាចក្រោយសង្គ្រាមប្រឆាំងក្រុមរដ្ឋអ៊ិស្លាមសង្គ្រាមស៊ីវិលមួយនឹងកើតមានបន្ត ។ ក្រោយការប្រមូលកម្លាំងរបស់អន្តរជាតិប្រឆាំងក្រុមរដ្ឋអ៊ិស្លាមនៅអ៊ីរ៉ាក់…
ប្រទេសអ៊ីរ៉ាក់ ៖ ថ្ងៃទី១២ កុម្ភៈ នៅvvប្រទេសគុយវ៉ែតមានបើកធ្វើសន្និសីទមួយស្តីពីការកសាងអ៊ីរ៉ាក់ឡើងវិញ ខណៈតុល្យភាពរវាងពួកស៊ីអ៊ីត និងពួកស៊ុននីត នៅទីនោះពុំទាន់មានការធានាដោយគេខ្លាចក្រោយសង្គ្រាមប្រឆាំងក្រុមរដ្ឋអ៊ិស្លាមសង្គ្រាមស៊ីវិលមួយនឹងកើតមានបន្ត ។
ក្រោយការប្រមូលកម្លាំងរបស់អន្តរជាតិប្រឆាំងក្រុមរដ្ឋអ៊ិស្លាមនៅអ៊ីរ៉ាក់ ពេលនេះគេអំពាវនាវឱ្យមានការកែប្រែថ្មីដោយត្រូវផ្តោតលើការស្តារឡើងវិញក្រោយការបំផ្លិចបំផ្លាញរយៈពេល៣ឆ្នាំនៃសង្គ្រាមប្រឆាំងពួកជីហាដ ។ នេះជាកម្មវត្ថុនៃសន្និសីទអន្តរជាតិស្តីពីការកសាងអ៊ីរ៉ាក់ឡើងវិញ នៅប្រទេសគុយវ៉ែត ដែលធ្វើពីថ្ងៃទី១២ ដល់១៤ កុម្ភៈ ។
ក្រសួងផែនការអ៊ីរ៉ាក់ដែលរៀបចំចាប់តាំងពីច្រើនខែមកហើយ បណ្តាសំណុំរឿងដាក់ជូនពួកអ្នកវិនិយោគនិយាយថាការប្រមូលមូលនិធិសម្រាប់ការដ្ឋានដ៏មហាសាលនោះមានប្រមាណជា៨៨,២ពាន់លានដុល្លារ ។ គេត្រូវការទឹកប្រាក់២២ពាន់លានដុល្លារ សម្រាប់រយៈពេលខ្លី និង៦៦ពាន់លានដុល្លារសម្រាប់រយៈពេលមធ្យម ។
អ៊ីរ៉ាក់បានចេញផ្សាយបញ្ជីមួយមានគម្រោងដល់ទៅ១៥៧ សម្រាប់ការផ្តល់ហិរញ្ញវត្ថុឯកជន ។ នោះជាគម្រោងស្តារឡើងវិញរយៈពេល២ឆ្នាំបណ្តាសេវាកម្មមូលដ្ឋានក្នុងកន្លែងជាច្រើនដែលរងការបំផ្លាញ ពិសេសនៅទីក្រុងម៉ូសស៊ុល ។ ការកសាងឡើងវិញព្រលានយន្តហោះនៃទីក្រុងធំទី២នេះរបស់ប្រទេសក៏ស្ថិតក្នុងគម្រោងទាំងនោះដែរ តែពិសេសបំផុតគឺការកសាងកន្លែងរស់នៅសម្រាប់ពលរដ្ឋអ៊ីរ៉ាក់ពី២ទៅ៣លាននាក់ដែលរត់ភៀសខ្លួន ។ តាមរបាយការណ៍ថា ផ្ទះដល់ទៅជាង១៣៨.០០០ខ្នង រងការបំផ្លាញក្នុងនោះពាក់កណ្តាលរងការបំផ្លាញទាំងស្រុង ។
បណ្តាអ្នកទទួលខុសត្រូវខាងនយោបាយបណ្តាអង្គការក្រៅរដ្ឋាភិបាល ព្រមទាំងបណ្តាតំណាងរបស់ផ្នែកឯកជនរបស់ប្រទេសប្រមាណជា១០០ ចូលរួមក្នុងសន្និសីទនោះ។
ក្រោយឈប់សំចតនៅក្រុងបាដាដ លោក JEAN YVES LE DRIAN រដ្ឋមន្ត្រីការបរទេសបារាំងត្រូវទៅចូលរួមសន្និសីទនោះនាថ្ងៃទី១៣ កុម្ភៈ ក៏ដូចជាសមភាគីអាមេរិកលោក REX TILLERSON ដែលកំពុងបំពេញដំណើរទស្សនកិច្ចមួយនៅមជ្ឈិមបូព៌ា ។ ទោះបីយ៉ាងណាក្រុងវ៉ាស៊ីនតោនបានប្រាប់ឱ្យដឹងថា រដ្ឋមន្ត្រីការបរទេសរបស់ខ្លួននឹងពុំធ្វើការសន្យាពីការផ្តល់មូលនិធិឡើយនាឱកាសនៃសន្និសីទនេះ ដែលក៏ចូលរួមដោយសហគ្រាសអាមេរិកប្រមាណជា១០០ ។
ការកសាងអ៊ីរ៉ាក់ជាប្រទេសផលិតប្រេងកាតធំទី២នៃអង្គការ OPEC ពិតជាមានការលំបាក ។ ប្រទេសនេះមានធនធានប្រេងច្រើន ប៉ុន្តែទំនុកចិត្តរបស់ពួកអ្នកវិនិយោគនៅតែពុំប្រាកដប្រជា ព្រោះតែអំពើពុករលួយបំផ្លាញសេដ្ឋកិច្ចប្រទេសនោះ ទោះជាក្រុងបាដាដមានឆន្ទៈប្រយុទ្ធប្រឆាំងក៏ដោយ ។
ពួកអ្នកសង្កេតការណ៍មួយចំនួននិយាយថា តើគេអាចកសាងខាងនយោបាយឡើងវិញក្នុងប្រទេសនោះដែរទេ ។ នេះពិតជាបញ្ហាធំមួយមុនពេលនិយាយដល់បញ្ហាហិរញ្ញវត្ថុ ។ រួចការគំរាមកំហែងសំខាន់គឺបញ្ហាពុំចុះសំរុងគ្នារវាងពួកស៊ីអ៊ីតនិងពួកស៊ុននីត ៕
ចែករំលែកព័តមាននេះ