យោងទៅតាមសេចក្តីរាយការណ៍របស់សារព័ត៌មាន The Daily Telegraph បានឲ្យដឹងថា ការរលាកដោយសារតែពន្លឺព្រះអាទិត្យយ៉ាងធ្ងន់ប្រឈមកាន់តែខ្ពស់នឹងជំងឺមហារីកស្បែករហូតដល់៨០ភាគរយ ។ ការសិក្សារបស់អាមេរិកមួយនេះបានរកឃើញថា ការប៉ះពាល់នឹងពន្លឺព្រះអាទិត្យក្នុងពេលជាយុវវ័យ មានការប្រឈមកាន់តែខ្ពស់ទៅនឹងការកើតជំងឺមហារីកស្បែកនៅថ្ងៃក្រោយ ។
ការសិក្សាបានតាមដានទៅលើគិលានុបដ្ឋាយិកាច្រើនជាង១១០០០០នាក់ រយៈពេលច្រើនជាង២០ឆ្នាំ ដោយការប្រើប្រាស់តារាងសំណួរ។ គេបានរកឃើញថា ស្ត្រីដែលមានពងបែកនៅស្បែកដោយសារពន្លឺព្រះអាទិត្យ ចាប់ពី៥ដងឡើងទៅនៅចន្លោះអាយុ១៥ទៅ២០ឆ្នាំ ទំនងជាងាយកើតជំងឺមហារីកស្បែកប្រភេទ Melanoma ជាងអ្នកដែលមិនមាន ។
កត្តាប្រឈមមុខ ផ្សេងៗ ទៀតដូចជា សក់ពណ៌ក្រហម ការមានប្រតិកម្មខ្ពស់ទៅនឹងការរលាកស្បែក ដោយសារពន្លឺព្រះអាទិត្យក្នុងវ័យក្មេង ឬជំងឺទង់ និងការគេងលើម៉ាស៊ីនអាំងពន្លឺព្រះអាទិត្យ សុទ្ធតែត្រូវបានគេរកឃើញថា មានជាប់ទាក់ទងនឹងការប្រឈមកាន់តែខ្ពស់នឹងជំងឺមហារីកស្បែកទាំងបីប្រភេទ ។
លទ្ធផលដែលមិនមានការរំពឹងទុកមួយគឺថា ការដែលប៉ះពាល់នឹងកាំរស្មីយូវី ទាំងដោយសារពន្លឺព្រះអាទិត្យ ព្រមទាំងម៉ាស៊ីនអាំងថ្ងៃ ក្នុងពេលជាវ័យកណ្តាល មានជាប់ទាក់ទងនឹងប្រឈមកាន់តែខ្ពស់នឹងជំងឺមហារីកស្បែកដែលមិនមែនជា Melanoma។
រឿងនេះមិនមែនមានន័យថា វាទាក់ទងនឹងសុវត្ថិភាពក្នុងការប៉ះពាល់ដល់កាំរស្មីយូវីក្នុងកម្រិតខ្ពស់ក្នុងវ័យកណ្តាលឡើយ ព្រោះថា ការប៉ះពាល់នឹងកាំរស្មីនេះ មិនត្រូវបានគេវាស់យ៉ាងសុក្រឹតក្នុងការសិក្សាឡើយ ។ កត្តាបន្ថែមទៀតដូចជា រយៈពេលដែលស្ត្រីចំណាយពេលនៅខាងក្រៅផ្ទះ និងការប៉ះពាល់ទៅលើស្បែករបស់ពួកគេច្រើនប៉ុណ្ណានោះ មិនត្រូវបានគេរាប់បញ្ចូលផង ។
ជំងឺមហារីកស្បែកគឺជាមហារីកដែលកើតញឹកញាប់បំផុត ក្នុងប្រទេសអង់គ្លេស ហើយការសិក្សានេះបានបញ្ជាក់អំពីសារសំខាន់ ក្នុងការវាស់វែងលើភាពមានសុវត្ថិភាពនៃការប៉ះពាល់នឹងពន្លឺព្រះអាទិត្យ ៕
ចែករំលែកព័តមាននេះ