ឆ្នាំ១៦២៦
-អ្នករុករកជនជាតិហុល្លង់ លោកភីធ័រមីន្វីត បានធ្វើដំណើរទៅដល់តំបន់ New Netherland ដែលបច្ចុប្បន្នគឺកោះម៉ាន់ហាតាន់ ក្នុងទីក្រុងញូវយ៉ក សហរដ្ឋអាមេរិក ។
ឆ្នាំ១៦៨៦
-ទីក្រុងអ៊ីឡាហ្គាន ត្រូវបានបង្កើតឡើងនៅក្នុងប្រទេសហ្វ៉ីលីពីន ។
ឆ្នាំ១៧៧៦
-កោះរ៉ូដ បានក្លាយជាដែនដីអាណានិគមទី១ ក្នុងទឹកដីប្រទេសអាមេរិក ដែលបានបដិសេធពីមិត្ដភាពជាមួយស្ដេចចចទី៣ នៃចក្រភពអង់គ្លេស ។
ឆ្នាំ១៨១៤
-ព្រះចៅអធិរាជណាប៉ូឡេអុងទី១ នៃប្រទេសបារាំង បានធ្វើដំណើរទៅដល់ទីក្រុងព័រតូហ្វ័ររ៉ាយ៉ូ នៅលើកោះអេលបា ដែលនេះជាដំណើរនិរទេសរបស់ព្រះអង្គចេញពីប្រទេសបារាំង មកកាន់កោះអ៊ីតាលី ។
-ស្ដេចហ្វែរឌីណង់ទី៧ បានឡាយព្រះហស្ដលេខាលើរាជក្រឹត្យចុះថ្ងៃទី៤ ឧសភា ដោយប្រគល់អំណាចទាំងស្រុងដល់អេស្ប៉ាញឱ្យគ្រប់គ្រងលើស្ដេចទាំងអស់តាមរយៈរបបរាជានិយមផ្ដាច់ការ ។
ឆ្នាំ១៨៨៦
-ក្នុងអំឡុងពេលមានបាតុកម្មរបស់កម្មករនៅក្នុងទីក្រុងស៊ីកាហ្គោ មានគេបោះគ្រាប់បែកទៅលើក្រុមបាតុករក្នុងគោលបំណងចង់បំបែកក្រុមបាតុករបណ្ដាលឱ្យស្លាប់៨នាក់ និងរបួស៦០នាក់ ។ ក្រុមបាតុករបានប្រមូល ផ្ដុំគ្នាដើម្បីទាមទារការធ្វើការងារក្នុងមួយថ្ងៃ៨ម៉ោងនៅសហរដ្ឋអាមេរិក ។
ឆ្នាំ១៩០៤
-សហរដ្ឋអាមេរិកបានចាប់ផ្ដើមកសាងព្រែកជីកប៉ាណាម៉ា ។
ឆ្នាំ១៩១០
-កងទ័ពជើងទឹករបស់ប្រទេសកាណាដាត្រូវបានបង្កើតឡើង ។
ឆ្នាំ១៩១២
-ប្រទេសអ៊ីតាលីចូលគ្រប់គ្រងដែនកោះរ៉ូដ របស់ប្រទេសក្រិច ។
ឆ្នាំ១៩១៩
-មានសិស្សានុសិស្សជាង៣.០០០នាក់បានប្រមូលផ្ដុំគ្នានៅទីលានធៀនអានម៉េនក្នុងទីក្រុងប៉េកាំងដើម្បីប្រឆាំងនឹងសន្ធិសញាវែរសៃដែលជាសន្ធិសញាសន្ដិភាពមួយដើម្បីបញ្ចប់សង្គ្រាមលោកលើកទី១ ។ ការ ប្រឆាំងនេះ ក៏ព្រោះតែបញ្ហាដែនដីនៅសានទុង ព្រោះកាលពីមុនជាជ្រលងភ្នំដែលពួក អាល្លឺម៉ង់កាន់កាប់ តែក្រោយពីសន្ធិសញាខាងលើក៏ប្រគល់ឱ្យទៅប្រទេសជប៉ុនមិនឱ្យប្រទេសចិន ។
ឆ្នាំ១៩៤២
-ការប៉ះទង្គិចគ្នារវាងនាវាចំបាំងសហរដ្ឋអាមេរិក និងប្រទេសជប៉ុន បានចាប់ផ្ដើមកើតឡើង បន្ទាប់ពីកងទ័ពជប៉ុនបានមកឈរជើងលើដែនកោះសូឡូម៉ុង កាលពីថ្ងៃទី៣ ឧសភា ។
ឆ្នាំ១៩៤៥
-ក្នុងសង្គ្រាមលោកលើកទី២ កងទ័ពចក្រភពអង់គ្លេសបានរំដោះជំរំណេអ៊ូអេនហ្គាមរបស់ប្រទេសអាល្លឺម៉ង់ ក្នុងទីក្រុងហេមប៊ើក។ នៅពេលរំដោះជំរំនោះ មានមនុស្សស្លាប់ប្រហែល៥៣.០០០នាក់ ។
-កងទ័ពអាល្លឺម៉ង់នៅភាគខាងជើងនៃប្រទេស បានប្រកាសចុះចាញ់ទៅកាន់លោកមេបញ្ជាការកងទ័ពសម្ព័ន្ធមិត្ដប៊ែរណាដម៉ុង ហ្គោមេរី ។
ឆ្នាំ១៩៧០
-ក្រុមសិស្ស-និស្សិតនៃសាកលវិទ្យាល័យខេនស្ដេត បានប្រមូលផ្ដុំគ្នាធ្វើបាតុកម្មនៅក្នុងសាកលវិទ្យាល័យកើតមានការបាញ់ប្រហារពីសំណាក់កងកំលាំងរដ្ឋាភិបាលបណ្ដាលឱ្យស្លាប់សិស្ស៤នាក់ និងរបួស៩នាក់។ ការធ្វើបាតុកម្មនេះ មានបំណងប្រឆាំងនឹងសហរដ្ឋអាមេរិកដែលចូលឈ្លានពានប្រទេសកម្ពុជា ដែលជាប្រទេសអាព្យាក្រឹត ។
ឆ្នាំ១៩៧៩
-លោកស្រីម៉ាហ្ការ៉េត ថាច់ឈ័រ គឺជាស្ដ្រីទី១ ដែលបានក្លាយជានាយករដ្ឋមន្ដ្រីចក្រភពអង់គ្លេស ។
ឆ្នាំ១៩៩០
-ប្រទេសឡាត់វីយ៉ា បានប្រកាសពីឯក រាជ្យភាពរបស់ខ្លួនឡើងវិញ បន្ទាប់ពីសហភាពសូវៀតចូលកាន់កាប់ក្នុងអំឡុងមានសង្គ្រាមលោកលើកទី២ ។
ឆ្នាំ១៩៩៤
-លោកប្រធានាធិបតីអ៊ីស្រាអែល យឹត ហ្សាក់ រ៉ាបីន និងលោកយ៉ាស៊ែរអារ៉ាហ្វាត បានចុះហត្ថលេខាលើកិច្ចព្រមព្រៀងដោយឱ្យប៉ាឡេស្ទីនមានសិទ្ធិស្វ័យភាពក្នុងការគ្រប់គ្រងលើតំបន់ហ្កាហ្សា និងទីក្រុងជេរីឆូ ។
ឆ្នាំ១៩៩៨
-លោកតេអូឌ័រ កាសហ្ស៊ីនស្គី ត្រូវបានកាត់ទោសឱ្យជាប់ពន្ធនាគារអស់មួយជីវិតបន្ទាប់ពីបានដាក់គ្រាប់បែកចំនួន១៦គ្រាប់ នៅក្នុងសាកលវិទ្យាល័យ និងព្រលានយន្ដហោះនានាក្នុងទីក្រុងកាលីហ្វ័រនីញ៉ា បណ្ដាលឱ្យស្លាប់មនុស្ស៣នាក់ និងរបួស២៣នាក់ ។
ឆ្នាំ២០០៥
-សាលាក្រុងភ្នំពេញ នៃព្រះរាជាណាចក្រកម្ពុជា បានប្រកាសអនុញតឱ្យក្រុមហ៊ុន JC Royal co.។ ធ្វើការអភិវឌ្ឍន៍តំបន់ប្រវត្ដិសាស្ដ្រក្នុងសម័យប៉ុលពត គឺមជ្ឈមណ្ឌលប្រល័យពូជសាសន៍ជើងឯក ដែលបានសំលាប់ មនុស្សប្រហែល១៧.០០០នាក់ ។
ឆ្នាំ២០០៦
-ផ្ទាំងគំនូរពីកាសូ ឈ្មោះ Dora Maar With Cat បានលក់ក្នុងតំលៃ៩៥.២១៦.០០០ ដុល្លារអាមេរិក ហើយបានក្លាយជាផ្ទាំងគំនូរ ដែលលក់បានថ្លៃបំផុតក្នុងពិភពលោក ។
ឆ្នាំ២០០៨
-ខ្យល់ព្យុះស៊ីក្លូន បានបោកបក់មកលើប្រទេសភូមាបណ្ដាលឱ្យស្លាប់មនុស្ស៣៥១នាក់ និងមានមហន្ដរាយយ៉ាងធំធេង ។
ឆ្នាំ២០០៩
-នាវាចំបាំងរបស់ប្រទេសកូរ៉េខាងត្បូងបានជួយសង្គ្រោះនាវាដឹកទំនិញរបស់ប្រទេសកូរ៉េខាងជើងពីការប្លន់របស់ចោរសមុទ្រសូម៉ាលី ៕
ចែករំលែកព័តមាននេះ