ខេត្តតាកែវ ៖ ដើម្បីធានាបាននូវសុខមាលភាពរបស់ប្រជាពលរដ្ឋ នៅក្នុងឱកាសបុណ្យចូលឆ្នាំប្រពៃណីចិន វៀតណាម នៅព្រឹកថ្ងៃទី១២ ខែកុម្ភៈ ឆ្នាំ២០១៨ សាខាកាំកុងត្រូលខេត្តតាកែវ ដឹកនាំដោយ…
ខេត្តតាកែវ ៖ ដើម្បីធានាបាននូវសុខមាលភាពរបស់ប្រជាពលរដ្ឋ នៅក្នុងឱកាសបុណ្យចូលឆ្នាំប្រពៃណីចិន វៀតណាម នៅព្រឹកថ្ងៃទី១២ ខែកុម្ភៈ ឆ្នាំ២០១៨ សាខាកាំកុងត្រូលខេត្តតាកែវ ដឹកនាំដោយ លោក ប៉ោ លាងគង់ ប្រធានសាខាសហការណ៍មន្ទីរពាណិជ្ជកម្មខេត្ត បានចុះធ្វើការត្រួតពិនិត្យទំនិញជាគ្រឿងកំប៉ុង និងចំណីអាហារ នៅក្នុងផ្សារអង្គតាសោម ក្នុងស្រុកត្រាំកក់ ខេត្តតាកែវ ។
មន្ត្រីជំនាញបានធ្វើត្តេសបឋមទៅលើគុយទាវបាញ់កាញ់ ឈាមជ្រូក ជ្រក់ សណ្តែកប្រដុះ ស្ករត្នោត មឹក និងបន្លែផ្លែឈើជាច្រើនមុខ ក្នុងនោះមន្ត្រីជំនាញបានរកឃើញសារធាតុគីមីសូដ្យូមអីដ្រូសូហ្វីត នៅក្នុងស្ករត្នោតដោយដកហូតស្ករត្នោតចំនួន៣០គីឡូយកមកបំផ្លាញចោល ។
លោក ប៉ោ លាងគង់ ប្រធានសាខាកាំកុងត្រូលខេត្តបានឲ្យដឹងថា បន្ទាប់ពីធ្វើការពិនិត្យទំនិញនៅក្នុងផ្សារអង្គតាសោមរួចមក លោកបានដឹកនាំកម្លាំងមកធ្វើការត្រួតពិនិត្យទំនឹញនៅក្រុងដូនកែវ ដោយបានរកឃើញទឹកបរិសុទ្ធចំណុះ៣៥០ml ចំនួន៦០កេស ស្មើនឹង១៤៤០ដប និងស្រាបៀរដែលហួសកាលបរិច្ឆេទប្រើប្រាស់នៅក្នុងដេប៉ូចែកចាយយកទៅដុតបំផ្លាញចោលនៅស្នាក់ការសាខាកាំកុងត្រួលខេត្ត ៕
ចែករំលែកព័តមាននេះ