ខេត្តព្រះសីហនុ ៖ ស្ពានជារឿងសំខាន់ណាស់ដែលរាជរដ្ឋាភិបាលកំពង់យកចិត្តទុកដាក់ ហើយចំពោះដីអូរគឺជាដីសាធារណៈរបស់រដ្ឋមិនអាចឲ្យបុគ្គល់ណាម្នាក់វាទីយកធ្វើជាកម្មសិទ្ធិបានទេ នេះបើយោងតាមការបញ្ជាក់ពី លោក លី ចិត្តនិយម ប្រធានក្រុមការងារថ្លែងបញ្ជាក់ក្រោយបានចុះដល់កន្លែង ដែលប្រជាពលរដ្ឋចំនួនប្រមាណ១៣០គ្រូសាររស់នៅភូមិលេខ០១…
ខេត្តព្រះសីហនុ ៖ ស្ពានជារឿងសំខាន់ណាស់ដែលរាជរដ្ឋាភិបាលកំពង់យកចិត្តទុកដាក់ ហើយចំពោះដីអូរគឺជាដីសាធារណៈរបស់រដ្ឋមិនអាចឲ្យបុគ្គល់ណាម្នាក់វាទីយកធ្វើជាកម្មសិទ្ធិបានទេ នេះបើយោងតាមការបញ្ជាក់ពី លោក លី ចិត្តនិយម ប្រធានក្រុមការងារថ្លែងបញ្ជាក់ក្រោយបានចុះដល់កន្លែង ដែលប្រជាពលរដ្ឋចំនួនប្រមាណ១៣០គ្រូសាររស់នៅភូមិលេខ០១ សង្កាត់លេខ០១ ក្រុងព្រះសីហនុ ដាក់ពាក្យបណ្តឹងចូលទៅថ្នាក់ដឹកនាំអាជ្ញាធរខេត្ត ដើម្បីសូមជូយអន្តរាគមន៍តាមផ្លូវច្បាប់ ចំពោះ លោក លឹម សំអឿន ហៅចាន់ ជាអនុប្រធានភូមិ ដែលបានបង្កភាពរាំស្ទះដំណើរការសាងសង់ស្ពានឆ្លងអូរតភ្ជាប់ពីរផ្លូវក្នុងភូមិទៅផ្លូវជាតិលេខ៤ ។
ជាលទ្ធផល បើតាមរបាយការណ៏របស់ក្រុមការងារចម្រុះរបស់អាជ្ញាធរខេត្ត បានធ្វើការបញ្ជាក់ថា នៅសងខាងនៃអូរដែលប្រជាពលរដ្ឋគ្រោងធ្វើការសាងសង់ស្ពានគឺជាផ្លូវដែលមានស្រាប់ ប៉ុន្តែរគម្រោងសា្ពនរបស់ប្រជាពលរដ្ឋមិនអាចធ្វើការសាងសង់បាន ដោយសារតែ លោក លឹម សំអឿន ហៅចាន់ ជាអនុប្រធានភូមិតំបន់នោះតែម្តង បានធ្វើការការបោះបង្គោលថ្មចូលក្នុងដីអូរ និងសាងសង់ផ្ទះនៅលើដីអូរចំពីមុខចំណុចដែលសាងសង់ស្ពាន ក្នុងគោលបំណងប្រឆាំងដាច់ខាត មិនឲ្យប្រជាពលរដ្ឋរស់នៅក្នុងភូមិសាងសង់ស្ពានបាន ដោយលើហេតុផលថា ដីផ្លូវដែលគាត់សាងសង់ផ្ទះនោះ គឺជាដីកម្មសិទ្ធិស្របច្បាប់របស់គាត់ ។
បងស្រី ណូ ចរណែ បងស្រី ម៉ី សុខា ជាតំណាងប្រជាពលរដ្ឋក្នុងភូមិខាងលើបានធ្វើការបញ្ជាក់ថា ស្ពានថ្មចាក់បេតុង ទំហំបណ្តោយប្រវែង១៩ម៉ែត្រ និងទទឹងប្រវែង៤ម៉ែត្រខាងលើនេះ គឺជាការចំណាយថវិការូមគ្នារបស់ប្រជាពលរដ្ឋរស់នៅក្នុងភូមិ ដើម្បីប្រើប្រាស់ជាសាធារណៈទុកជាសម្បត្តិរបស់រដ្ឋ មិនមែនសម្រាប់បម្រើឲ្យផលប្រយោជន៍ឲ្យបុគ្គលណាម្នាក់ឡើយ ហើយចំណុចដែលសាងសង់ស្ពាននេះ ក៏មិនមានការប៉ះពាល់លើដីកម្មសិទ្ធិឯកជនរបស់បុគ្គលណានោះដែរ គឺធ្វើឆ្លងអូរពីរផ្លូវម្ខាងទៅផ្លូវម្ខាងទៀត ដែលមានស្រាប់តែប៉ុណ្ណោះ ។ ដូចនេះបងប្អូនប្រជាពលរដ្ឋសុំណូមពរទៅដល់ថ្នាក់ដឹកខេត្តមេត្តាជួយអន្តរាគមន៍ លើបញ្ហានេះតាមផ្លូវច្បាប់ផង ដើម្បីប្រជាពលរដ្ឋក្នុងភូមិ បានប្រើប្រាស់ពីព្រោះស្ពានឆ្លងអូរមួយនេះ មានសារៈសំខាន់ណាស់ គឺជាផ្លូវជិតហើយត្រង់ ចេញពីរភូមិមកកាន់ផ្លូវជាតិលេខ៤ ។ ហើយដោយសារតែទង្វើរបស់ លោក លឹម សំអឿន ហៅចាន់ បែបនេះ បានធ្វើឲ្យប្រជាពលរដ្ឋមិនសប្បាយចិត្ត និងទើបការបោះឆ្នោតសម្រាប់ភូមិនេះ កន្លងមកបានធ្លាក់គួរឲ្យអាម៉ាស់ ។
លោក លឹម សំអឿន អនុប្រធានភូមិដែលកំពង់រងការចោទប្រកាន់ពីប្រជាពលរដ្ឋរបស់ខ្លូនខាងលើនេះ នៅចំពោះមុខប្រជាពលរដ្ឋជាច្រើន រូមនឹងមន្ត្រីក្រុមការងារចម្រុះរបស់អាជ្ញាធរខេត្ត គាត់បាននិយាយជាជំហរថា ស្ពានឆ្លងអូរមួយនេះ មិនអាចធ្វើការសាងសង់បានទេ ពីព្រោះស្ពាននេះធ្វើឆ្លងកាត់ដីកម្មសិទ្ធិរបស់គាត់ ដូចនេះបើប្រជាពលរដ្ឋចង់ធ្វើលុះត្រាតែទិញដីរបស់គាត់ទើបបាន បើមិនអញ្ជឹងទេមិនបានដាច់ខាត ហើយប្រជាពលរដ្ឋដែលអាចដើរលើផ្លូវរបស់គាត់បាន មានតែប្រជាពលរដ្ឋចំនួន៥ទៅ៦គ្រូសារ ដែលទិញដីឡូត៍របស់គាត់តែប៉ុណ្ណោះ ៕
ចែករំលែកព័តមាននេះ