រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដង្កោរួមជាមួយកម្លាំងនគរបាលប៉ុស្តិ៍ក្រាំងពង្របានចុះទៅធ្វើការបង្ក្រាប និងចាប់ខ្លួនអ្នកជួញដូរ និងប្រើប្រាស់គ្រឿងញៀនបានចំនួន៧នាក់ ដោយដកហូតបានជិត១០កញ្ចប់ព្រមទាំងវត្ថុតាងមួយចំនួនទៀតផងដែរ ។ ហេតុការណ៍នោះបានកើតឡើងកាលពីវេលាម៉ោង៤ល្ងាចថ្ងៃទី១២ ខែកុម្ភៈ ឆ្នាំ២០១៨…
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដង្កោរួមជាមួយកម្លាំងនគរបាលប៉ុស្តិ៍ក្រាំងពង្របានចុះទៅធ្វើការបង្ក្រាប និងចាប់ខ្លួនអ្នកជួញដូរ និងប្រើប្រាស់គ្រឿងញៀនបានចំនួន៧នាក់ ដោយដកហូតបានជិត១០កញ្ចប់ព្រមទាំងវត្ថុតាងមួយចំនួនទៀតផងដែរ ។ ហេតុការណ៍នោះបានកើតឡើងកាលពីវេលាម៉ោង៤ល្ងាចថ្ងៃទី១២ ខែកុម្ភៈ ឆ្នាំ២០១៨ នៅត្រង់ចំណុចផ្ទះលេខ៣៨ ផ្លូវលំ ស្ថិតនៅក្នុងភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
តាមប្រភពពីនគរបាលបានឱ្យដឹងថា នៅមុនពេលឈានដល់ការចាប់ខ្លួនជនសង្ស័យទាំងនោះបានកម្លាំងនគរបាលនៃអធិការដ្ឋានខណ្ឌដង្កោបានសហការណ៏ជាមួយកម្លាំងប៉ុស្ដិ៍នគរបាលរដ្ឋបាលក្រាំងពង្រដឹកនាំដោយលោកវរសេនីយ៏ឯក ជឹម ស៊ីថា អធិការនគរបាលខណ្ឌដង្កោបានធ្វើការស្រាវជ្រាវរហូតកំណត់បានមុខសញ្ញាច្បាស់លាស់ ។ បន្ទាប់មកទើបចុះទៅធ្វើការបង្ក្រាបករណីជួញដូរ ខណៈដែលជនទាំងនោះកំពុងប្រមូលផ្ដុំគ្នានៅចំណុចផ្ទះលេខ៣៨ ផ្លូវលំ ស្ថិតក្នុងភូមិព្រៃសំព័រ សង្កាត់ក្រាំងពង្រ ខណ្ឌដង្កោ ។
ពេលនោះកម្លាំងនគរបាលបានធ្វើការឃាត់ខ្លួនជនសង្ស័យចំនួន០៦នាក់ និងឆែកឆេរកឃើញថ្នាំញៀនចំនួន៨កញ្ចប់តូចដែលក្នុងនោះជនសង្ស័យឈ្មោះ ឈួន ម៉ាឡៃ បានលាក់ទុកនៅក្នុងកំប៉ុងជ័រ ពណ៌ស ចំនួន៦កញ្ចប់ ។ ចំណែជនសង្ស័យឈ្មោះ ណៃ ស្រស់ បានលាក់ទុកនៅក្នុងហោប៉ៅខោមុខខាងស្ដាំ១កញ្ចប់ និង១កញ្ចប់ទៀតត្រូវជនសង្ស័យឈ្មោះ ឈួន ផល្លី លាក់ទុកនៅក្នុងកាបូបលុយពណ៌សូកូឡា ។
ប្រភពដដែលបានបន្តទៀតថា ក្រោយពេលចាប់ខ្លួនកម្លាំងបាននាំជនទាំង០៦នាក់នោះរួមនឹងវត្ថុតាងយកទៅធ្វើការសាកសួរនៅអធិការដ្ឋាននគរបាលខណ្ឌដង្កោ ។ ហើយពួកគេបានសារភាពថា នៅមានបក្សពួកម្នាក់ទៀតឈ្មោះ ក្រូច វណ្ណដា ទើបកម្លាំងបន្តទៅចាប់ខ្លួនបក្សពួកខាងលើដល់ផ្ទះលេខ៦ ផ្លូវជាតិលេខ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ ។ បន្ទាប់មកបាននាំយកទៅធ្វើការសាកសួរនៅអធិការដ្ឋាននគរបាលខណ្ឌដង្កោ និងឃុំខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់ ៕
ចែករំលែកព័តមាននេះ