ខេត្តកោះកុង ៖ កញ្ឆាចំនួន១១ផើងដែលពលរដ្ឋ២គ្រួសារបានលួចដាំនៅលើផ្ទះរបស់ខ្លួនអស់រយៈពេលជាច្រើនសប្តាហ៍រៀបនឹងបានផលទៅហើយនោះត្រូវបានសមត្ថកិច្ចស្រាវជ្រាវរកឃើញហើយបានចុះបង្ក្រាបដោយកាប់ដុតបំផ្លាញចោលកាលពីព្រឹកថ្ងៃទី១២ ខែកុម្ភៈ ឆ្នាំ២០១៨ នៅចំណុចភូមិព្រែកស្វាយសង្កាត់ស្ទឹងវែង ក្រុងខេមរះភូមិន្ទ ខេត្តកោះកុង ។
លោកវរសេនីយ៍ត្រី ង៉ែត សុវណ្ណារ៉ា អធិការរងក្រុងខេមរះភូមិន្ទដែលបានដឹកនាំកម្លាំងចុះបង្ក្រាបការលួចដាំកញ្ឆានៅលើផ្ទះខាងលើនេះបញ្ជាក់ឱ្យដឹងថា ពលរដ្ឋទាំង២រូបនោះទី១-ឈ្មោះ នូ រៀម ភេទប្រុស អាយុ៥២ឆ្នាំ មានដាក់ផើងដាំកញ្ឆានៅលើផ្ទះចំនួន៨ផើងសរុបមានចំនួន២២ដើម និងទី២-ឈ្មោះ ជិត វ៉ាន់ឆៃ ភេទប្រុស អាយុ៣៧ឆ្នាំ មានដាំកញ្ឆា៣ផើងស្មើនឹង១២ដើម ។
លោកអធិការរងបញ្ជាក់ទៀតថា ក្រោយពីការបង្ក្រាបដោយការកាប់យកទៅដុតបំផ្លាញចោលកម្លាំងសមត្ថកិច្ចរបស់លោកបានហៅពលរដ្ឋទាំង២នាក់ទៅធ្វើកិច្ចសន្យាបញ្ឈប់សកម្មភាពលួចដាំកញ្ឆាបែបនេះតទៅទៀត ក្នុងករណីមិនរាងចាលថ្ងៃក្រោយបើនៅធ្វើសកម្មភាពបន្តនឹងត្រូវទទួលទោសតាមផ្លូវច្បាប់ ៕
ចែករំលែកព័តមាននេះ