ប្រទេសរុស្ស៊ី ៖ កាសែតរុស្ស៊ី KRASNAIA ZVEZDA ជាកាសែតផ្លូវការរបស់ក្រសួងការពារប្រទេសរុស្ស៊ីរាយការណ៍កាលពីថ្ងៃទី១២ កុម្ភៈ ថា កងទ័ពរុស្ស៊ីបានធ្វើការសាកល្បងប្រកបដោយជោគជ័យមីស៊ីលនៃប្រព័ន្ធការពារប្រឆាំងមីស៊ីលនៅឯទីលានបាញ់បង្ហោះ SARY…
ប្រទេសរុស្ស៊ី ៖ កាសែតរុស្ស៊ី KRASNAIA ZVEZDA ជាកាសែតផ្លូវការរបស់ក្រសួងការពារប្រទេសរុស្ស៊ីរាយការណ៍កាលពីថ្ងៃទី១២ កុម្ភៈ ថា កងទ័ពរុស្ស៊ីបានធ្វើការសាកល្បងប្រកបដោយជោគជ័យមីស៊ីលនៃប្រព័ន្ធការពារប្រឆាំងមីស៊ីលនៅឯទីលានបាញ់បង្ហោះ SARY CHAGAN ប្រទេសកាហ្សាក់ស្ថាន ។ ក្រសួងការពារប្រទេសបានចេញផ្សាយវីដេអូមួយអំពីការសាកល្បងនេះតាម TWITTER ។
កាសែតនេះសរសេរថា មីស៊ីលទំនើបមួយនៃប្រព័ន្ធការពារប្រឆាំងមីស៊ីលរុស្ស៊ីបានឆ្លងកាត់ការសាកល្បងប្រកបដោយជោគជ័យនៅឯមជ្ឈមណ្ឌលសាកល្បងមីស៊ីលប្រឆាំងបាលីស្ទិក SARY CHAGAN ប្រទេសកាហ្សាក់ស្ថាន ។ នេះជាការសាកល្បងមីស៊ីលប្រឆាំងមីស៊ីលលឿនជាងសំឡេងទំនើបចុងក្រោយ ។
យោងតាមវរសេនីយ៍ឯក ANDREI PRIKHODKO ថា លក្ខណៈសម្បត្តិតាក់ទិក និងបច្ចេកទេសរបស់មីស៊ីលថ្មីនេះ មានការកែលម្អយ៉ាងខ្លាំង បើប្រៀបធៀបទៅនឹងលក្ខណៈសម្បត្តិរបស់បណ្តាអាវុធដែលរុស្ស៊ីកំពុងប្រើ ។
ប្រព័ន្ធការពារប្រឆាំងមីស៊ីលជាប្រព័ន្ធការពារសំខាន់បំផុតមួយស្ថិតក្នុងផ្នែកការពារអាកាស និងប្រឆាំងមីស៊ីលរបស់កងទ័ពរុស្ស៊ី ហើយផលិតដើម្បីការពារទីក្រុងមូស្គូប្រឆាំងការវាយប្រហារតាមអាកាស ៕
ចែករំលែកព័តមាននេះ