ប្រទេសអង់គ្លេស ៖ សង្គ្រាមលោកលើកទី២ បានបញ្ចប់ចាប់តាំងពីជាង៧៦ឆ្នាំមកហើយ ក៏ប៉ុន្តែគ្រាប់បែកមួយចំនួននៅតែសល់ឯព្រលានយន្តហោះឡុងដ៍-ស៊ីធី ដែលស្ថិតនៅកៀកកណ្តាលរាជធានីអង់គ្លេស ។
ព្រលានយន្តហោះនេះកាលពីថ្ងៃទី១១ កុម្ភៈ ប្រកាសពីការបិទបណ្តោះអាសន្នក្រោយការរកឃើញគ្រាប់បែកមួយគ្រាប់សម័យសង្គ្រាមលោកលើកទី២ ។ តំបន់រង្វង់២១៤ម៉ែត្រ ត្រូវប៉ូលិសហាមមិនឱ្យមានមនុស្សចេញ-ចូលជាការប្រុងប្រយ័ត្ន រួចព្រលានយន្តហោះឡុងដ៍-ស៊ីធីត្រូវបិទបណ្តោះអាសន្ន ។ ក្នុងសេចក្តីប្រកាសមួយព្រលានយន្តហោះនេះឱ្យដឹងថា បណ្តាអ្នកដំណើរស្នើទាក់ទងជាមួយក្រុមហ៊ុនអាកាសចរណ៍ ហើយចៀសវាងកុំទៅកាន់ព្រលានយន្តហោះនេះ ។
គ្រាប់បែកត្រូវបានរកឃើញក្នុងឱកាសនៃការងារឯកន្លែងមួយក្បែរផ្លូវយន្តហោះ ។ ស្ថិតនៅភាគខាងកើតទីក្រុងឡុងដ៍ ព្រលានយន្តហោះឡុងដ៍-ស៊ីធី ធានាការហោះហើររបស់បណ្តាយន្តហោះដែលហោះផ្លូវជិត ។
ប៉ូលិសបញ្ជាក់ថា គ្រាប់បែកត្រូវបានរកឃើញនាថ្ងៃទី១១ កុម្ភៈ វេលាម៉ោង៦ម៉ោងនៅក្រុងប៉ារីស និងថា តំបន់ហាមឃាត់ត្រូវបានបង្កើតឡើង ដើម្បីអាចដោះស្រាយយកគ្រាប់បែកនេះចេញដោយមានសន្តិសុខ ។
គ្រាប់បែកច្រើនពាន់គ្រាប់ត្រូវបានទម្លាក់លើទីក្រុងឡុងដ៍ ដោយកងទ័ពអាកាសអាល្លឺម៉ង់រវាងខែកញ្ញា ឆ្នាំ១៩៤០ និងខែឧសភា ឆ្នាំ១៩៤១ ៕
ចែករំលែកព័តមាននេះ