រាជធានីភ្នំពេញ៖ គណៈកម្មាធិការអចិន្ត្រៃយ៍រដ្ឋសភាបានកំណត់យកថ្ងៃទី១៤ ខែកុម្ភៈ ឆ្នាំ ២០១៨ ដើម្បីបើកសម័យប្រជុំពេញអង្គវិសាមញ្ញនីតិកាលទី៥ ដើម្បីពិភាក្សា និងអនុម័តលើសេចក្តីវិសោធនកម្មច្បាប់មួយចំនួនរួមទាំងច្បាប់វិសោធនកម្មរដ្ឋធម្មនុញ្ញផងដែរ ។ នេះបើតាមការឲ្យដឹងរបស់អ្នកនាំពាក្យរដ្ឋ…
រាជធានីភ្នំពេញ៖ គណៈកម្មាធិការអចិន្ត្រៃយ៍រដ្ឋសភាបានកំណត់យកថ្ងៃទី១៤ ខែកុម្ភៈ ឆ្នាំ ២០១៨ ដើម្បីបើកសម័យប្រជុំពេញអង្គវិសាមញ្ញនីតិកាលទី៥ ដើម្បីពិភាក្សា និងអនុម័តលើសេចក្តីវិសោធនកម្មច្បាប់មួយចំនួនរួមទាំងច្បាប់វិសោធនកម្មរដ្ឋធម្មនុញ្ញផងដែរ ។ នេះបើតាមការឲ្យដឹងរបស់អ្នកនាំពាក្យរដ្ឋ សភា ។
ការកំណត់នេះធ្វើឡើងក្រោមអធិបតីភាពសម្តេច ហេង សំរិន ប្រធានរដ្ឋសភាបានដឹកនាំកិច្ចប្រជុំគណៈ កម្មាធិការអចិន្ត្រៃយ៍រដ្ឋសភានារសៀលថ្ងៃទី១២ ខែកុម្ភះ ឆ្នាំ២០១៨ ។ លោកឈាងវុន អ្នកនាំពាក្យរដ្ឋសភាបានឱ្យដឹងក្រោយកិច្ចប្រជុំថា អចិន្ត្រៃយ៍បានកំណត់សម្រេចដាក់ សេចក្តីព្រាងច្បាប់ធម្មនុញ្ញស្តីពីវិសោធនកម្មរដ្ឋនុញ្ញមាត្រា៣៤ថ្មី មាត្រា៤២ មាត្រា៤៩ មាត្រា៥៣ និងមាត្រា១១៨ នៃរដ្ឋធម្មនុញ្ញនៃព្រះរាជាណាចក្រកម្ពុជាទៅគណៈកម្មការនីតិកម្ម និងយុត្តិធម៌ ដើម្បីសិក្សា និងពិនិត្យ រួចហើយរបាយការណ៍បញ្ជូនមកអចិន្ត្រៃយ៍ និងអង្គសភា ។
លោកបន្តថា ក្រៅពីការសម្រេចដាក់សេចក្តីព្រាងវិសោធនកម្មរដ្ឋម្មនុញ្ញ អចិន្ត្រៃយ៍បានសម្រេចដាក់សេចក្តីព្រាងច្បាប់ចំនួនបីចូលទៅក្នុងរបៀបវារៈសម័យប្រជុំវិសាមញ្ញមានទី១- ការពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មក្រមព្រហ្មទណ្ឌ ។ ទី២- ការពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨មាត្រា៣១ និងមាត្រា៣២នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញ ។ ទី៣- ការពិភាក្សា និងអនុម័តសេចក្តីព្រាងច្បាប់ស្តីពីការអនុម័ត យល់ព្រមលើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា -ឡាវ- វៀតណាម ។
បើតាមលោកឈាង វុន បានឲ្យដឹងដែរថា សេចក្តីព្រាងវិសោនធនកម្មរដ្ឋធម្មនុញ្ញនឹងយមកពិភាក្សានៅក្នុងអចិន្ត្រៃយ៍នឹងបើកសម័យប្រជុំនៅព្រឹកថ្ងៃទី១៤ ខែកុម្ភះនេះ វេលាម៉ោង៧ព្រឹក រួចហើយដាក់បញ្ចូលក្នុងសម័យប្រជុំពេញអង្គតែម្តង ។ អ្នកនាំពាក្យរដ្ឋសភារូបនេះក៏បានឲ្យដឹងដែរថា សេចក្តីនៅពេលដែលរដ្ឋធម្មនុញ្ញអនុម័តរួច ចំនួនសមាជិកគណៈរដ្ឋមន្ត្រី នឹងត្រូវកាត់បន្ថយមកត្រឹមថ្នាក់រដ្ឋមន្ត្រីជាសមាជិក គណៈ រដ្ឋមន្ត្រីដែលបច្ចុប្បន្នសមាជិកគណៈរដ្ឋមន្ត្រីមានត្រឹមថ្នាក់រដ្ឋលេខាធិការដែលធ្វើឲ្យធ្វើឲ្យទំហំធំ ។
លោកក៏បានលើកឡើងថាច្បាប់រដ្ឋធម្មនុញ្ញធ្វើវិសោធនកម្មដើម្បីផល់ប្រយោជន៍ប្រជាជននិងប្រទេស និងផ្តល់សិទ្ធិដល់ប្រជាពលរដ្ឋ និងអង្កការសង្គមស៊ីវិលផងដែរ ឱ្យយល់ដឹងពីសិទ្ធិ និងកាតព្វកិច្ចច្បាស់លាស់ ។ ជាមួយគ្នានោះដែរ លោកក៏បានលើកច្បាប់ការវិសោធនកម្មក្រមព្រហ្មទណ្ឌ ក៏នឹងដាក់ទោសទណ្ឌដល់អ្នកធ្វើការវាយប្រហារដល់ស្ថាប័នព្រះមហាក្សត្រ ទោះបីជាលក្ខណៈប្រយោល ឬផ្ទាល់ក្តី ៕
ចែករំលែកព័តមាននេះ