រាជធានីភ្នំពេញ ៖ ក្រុមហ៊ុនស្រាបៀរអង្គរបានរៀបចំពិធីជប់លៀងមហាសំណាងលើកដំបូងកាលពីថ្ងៃទី ១០ កុម្ភៈ នៅមជ្ឈមណ្ឌលកោះពេជ្រ ដើម្បីស្វាគមន៍ឆ្នាំថ្មីប្រពៃណីចិនដែលនឹងខិតចូលមកដល់នាពេលខាងមុខ ជូនអតិថិជនរបស់ខ្លួន ដោយមានផ្តល់ឱកាសដល់អ្នកចូលរួមរាប់ពាន់នាក់។
តាមសេចក្តីប្រកាសរបស់ក្រុមហ៊ុន អ្នកចូលរួមក៏បានរីករាយទស្សនីយភាពប្លែកៗជាច្រើន ដោយចាប់ផ្តើមពីការសម្តែងរបាំតោ ជាមួយការហក់លោតពីបង្គោលមួយទៅបង្គោលមួយយ៉ាងប៉ិនប្រសប់ ដើម្បីជានិម្មិត្តរូបនៃការនាំមកសេចក្តីសុខចម្រើន មានបាន និងសុភមង្គល។ បន្ទាប់មកក៏មានការសម្តែងផ្សេងទៀតដូចជា ការសម្តែងរបាំនាគជាគូ ប្រវែង២០ម៉ែត្រ របាំវាយស្គរ និងរបាំសូត្រ ។
ក្រៅពីនេះអ្នកចូលរួមក៏បានរីករាយទទួលទានមីនាំសំណាង ដែលអ្នកជាប់ខ្សែស្រឡាយចិននិយមយកមកទទួលក្នុងឆ្នាំថ្មីដោយមានជំនឿថា នឹងបានអាយុយឺនយូរនិងចម្រុងចម្រើន។ ជាងនេះទៅទៀតស្រាបៀរអង្គរក៏មានរង្វាន់សន្ធឹកសន្ធាប់ទៀតពេញមួយឆ្នាំ គិតជាទឹកប្រាក់សរុបជាង ៥លានដុល្លារ ដែលជាចំនួនមួយច្រើនបំផុតមិនធ្លាប់មាននៅកម្ពុជា សម្រាប់លើកទឹកចិត្តដល់អតិថិជនរបស់ខ្លួនដែលទិញស្រាបៀរអង្គរកំប៉ុងចំណុះ ៣៣០មម ។ ប្រសិនបើអតិថិជនគាស់ឃើញអក្សរ A, N, G, K, O ឬ R នៅក្រោមក្រវិលកំប៉ុង នោះនឹងឈ្នះរង្វាន់តាមលំដាប់ដូចជា iPhone X បាស JBL ប្រាក់សុទ្ធ 10,000 ដុល្លារ ស្រាបៀរអង្គរ ១កេស និងរង្វាន់ជាច្រើនផ្សេងទៀត។
ប្រធានផ្នែកលក់ក្រុមហ៊ុនស្រាបៀរកម្ពុជា ខេមប្រ៊ូវ លោក អុង គីកុង មានស្រសាសន៍ថា៖ «យើងមានក្តីរំភើបជាខ្លាំងដែលបានរៀបចំពិធីជប់លៀងមហាសំណាងលើកទីមួយនេះ សម្រាប់គ្រប់គ្នាអបអរ និងទទួលយកលាភសំណាងក្នុងឱកាសឆ្នាំថ្មីនេះ។
ម្យ៉ាងទៀតដើម្បីឲ្យកាន់តែពិសេសថែមទៀត ស្រាបៀរអង្គរបានរៀបចំប្រ៉ូម៉ូសិនដ៏អស្ចារ្យមួយទៀតសម្រាប់ឲ្យអតិថិជនរបស់ខ្លួន ទទួលយកលាភសំណាងពេញមួយឆ្នាំ ជាមួយរង្វាន់សរុបជាទឹកប្រាក់ជាង ៥លានដុល្លារ»។
ដើម្បីនាំលាភសំណាងដល់អតិថិជនឲ្យបានកាន់តែច្រើននាក់បន្ថែមទៀត ស្រាបៀរអង្គរក៏បានរៀបចំកម្មវិធីពិសេសដោយឡែកមួយទៀត ដែលមានតំណាងទេវតាទ្រព្យ ធ្វើដំណើរទៅតាមហាងនានា ពាសពេញទីក្រុងភ្នំពេញ ដើម្បីនាំលាភសំណាងដល់ពួកគេតាមរយៈការចែកអាំងប៉ាវ។ ចំពោះអតិថិជនដែលបានថតរូបសែលហ្វីជាមួយទេវតាទ្រព្យនឹងទទួលបានរង្វាន់ស្រាបៀរអង្គរកំប៉ុង និងរង្វាន់ភ្ញាក់ផ្អើលជាច្រើនទៀត ដើម្បីជានិម្មិតរូបនៃការនាំសំណាង។ ជាងនេះទៅទៀត អតិថិជនដែលបានទិញស្រាបៀរអង្គរនៅតាមផ្សារទំនើបនានា ក៏ទទួលបានលាភសំណាងដូចគ្នា ពោលគឺទិញស្រាបៀរអង្គរ មួយយួរ (៤ ឬ ៦ កំប៉ុង) នឹងទទួលបានអាំងប៉ាវមួយដុំ ឬទទួលបានកាបូបក្លាស្សេមួយសម្រាប់ការទិញស្រាបៀរអង្គរ ១២កំប៉ុង៕
ចែករំលែកព័តមាននេះ