ចង់ផ្តាច់បារី គាត់យកទ្រុងដាក់ក្បាលខ្លួនឯង
ទួគី ៖ តាមប្រភពព័ត៌មាន Viral4real បានឲ្យដឹងថា បុរសម្នាក់ប្តេជ្ញាចិត្តថា នឹងផ្តាច់បារីឲ្យបាន ដោយទ្រុងដែកមកក្រុងក្បាលរបស់ខ្លួន ហើយចាក់សោរជាប់។ នេះពិតជាចម្លែកមែនទែន…
ទួគី ៖ តាមប្រភពព័ត៌មាន Viral4real បានឲ្យដឹងថា បុរសម្នាក់ប្តេជ្ញាចិត្តថា នឹងផ្តាច់បារីឲ្យបាន ដោយទ្រុងដែកមកក្រុងក្បាលរបស់ខ្លួន ហើយចាក់សោរជាប់។ នេះពិតជាចម្លែកមែនទែន សម្រាប់អ្នកចង់ផ្តាច់បារីទាំងឡាយ។
បុរសអាយុ៤២ឆ្នាំ ឈ្មោះ Ibrahim Yucel នឹកឃើញវិធីថ្មីក្នុងការផ្តាច់បារី។ រូបលោកជក់បារីអស់រយៈពេលជាង២០ឆ្នាំមកហើយ។ តែក្រោយមកក៏សម្រេចចិត្តផ្តាច់ ដោយសារតែឪពុករបស់លោកស្លាប់ដោយសារមហារីកសួត។ ដឹងស្រាប់ហើយថា ការផ្តាច់បារីពិបាកយ៉ាងណា ព្រោះថា លោកញៀនវាអស់ពេល២០ឆ្នាំហើយ។
លោកបានព្យាយាមផ្តាច់បារីជាច្រើនដងមកហើយ តែនៅតែផ្តាច់មិនបានជោគជ័យ។ ដល់ពេលនេះ លោកបានប្រាប់ប្រពន្ធលោកឲ្យយកទ្រុងធ្វើពីទុងដែង មកក្រុងក្បាលរបស់លោកទាំងមូល ដើម្បីកុំឲ្យជក់បារីបាន។ ទ្រុងនោះមានសោរសម្រាប់ចាក់ ហើយកូនសោរ គឺមានតែនៅប្រពន្ធរបស់លោកម្នាក់គត់ សម្រាប់ចាក់ទ្រុងចេញពេលលោកត្រូវពិសារអាហារ។
មុនដំបូងប្រពន្ធរបស់លោកគិតថា វាចម្លែកណាស់សម្រាប់ការធ្វើដូចនេះ។ តែក្រោយមក គាត់ក៏សម្រេចចិត្តធ្វើតាម ព្រោះតែរំពឹងថា វាអាចនឹងមានប្រសិទ្ធភាពខ្ពស់៕
ចែករំលែកព័តមាននេះ